Showing 567 results

Ceir llythyrau personol oddi wrth gyfeillion yn ymateb i lyfrau D. Tecwyn Lloyd megis Safle'r Gerbydres ac ysgrifau eraill (Llandysul, 1970), Lady Gwladys a phobl eraill (Abertawe, 1972) a Hyd eithaf y ddaear: a storïau eraill (Llandysul, 1972) a gyhoeddwyd gan ddefnyddio'i ffugenw E. H. Francis Thomas; ymateb oddi wrth olygyddion cylchgronau eraill gan gynnwys Barn, Y Genhinen a Trivium a llythyrau'n ymwneud â chyfraniadau ar gyfer y cylchgrawn Taliesin y bu'n ei olygu.

Llythyrau amrywiol, 1936-1988, yn ymwneud â phynciau llenyddol yn bennaf.

Traethawd 'Golwg ar hanes ardal Llawrybetws neu Nantffreuer: o Bethel i lawr i Gaefaes' a ysgrifennodd D. Tecwyn Lloyd ar hanes lleol bro ei febyd, 'o gof personol ac amryfal gofnodion', gan ganolbwyntio ar anheddau'r ardal.

Papurau, [1906]-1992, yn adlewyrchu'i ddiddordeb mewn hanes teulu, ynghyd â thystysgrifau teuluol, adroddiadau ysgol a phapurau'n ymwneud â'i radd Doethur mewn Llenyddiaeth, 1990.

Cyfrolau ac eitemau rhydd, 1958-[1992], yn dangos ei hiwmor, a'i ddawn gyda chaligraffi.

Papurau, [1926]-1989, yn ymwneud â Saunders Lewis gan gynnwys traethawd beirniadol buddugol Tecwyn Lloyd ar waith Saunders Lewis, Eisteddfod Genedlaethol Aberteifi 1942; llythyrau’n trafod enwebu Saunders Lewis ar gyfer gwobr Nobel yn 1970; a'i draethawd PhD arfaethedig ar y llenor.

Llythyrau at Norah Isaac oddi wrth Saunders Lewis, 1953-[1979], llythyrau oddi wrth hoelion wyth yr Eisteddfod Genedlaethol, a llythyrau pan y'i gwnaed yn Gymrawd o'r sefydliad hwnnw yn 1988.

Papurau amrywiol, 1886-2003, yn ymwneud â gyrfa a diddordebau Norah Isaac. Ceir enghreifftiau o gerddi a ysgrifennwyd ganddi ac amdani; papurau a grynhowyd ganddi; a phapurau yn ymwneud â'i chyfnod fel darlithydd yn Y Barri; ynghyd â thaflen ei hangladd.

Papurau'n ymwneud â theulu D. J. Williams yn ei fro enedigol yn ardal Rhydcymerau gan gynnwys Beibl y teulu a phapurau'n ymwneud â thenantiaid Penrhiw ac Abernant, 1808-[1967].

Papurau, 1936-1939, yn ymwneud â Llosgi'r Ysgol Fomio a chanlyniadau'r weithred.

Adroddiadau ysgol, tystysgrifau academaidd a thystlythyrau, [1919]-1987.

Dyddiadur, papurau amrywiol a'i draethawd BLitt, [1933]-1938.

Cofrestri anghydffurfiol yn cynnwys cofnodion ar gyfer y cyfnod, 1866-1998, ynghyd â rhai cofnodion gweinyddol eraill.

Mae'r gyfres yn cynnwys llyfrau nodiadau Mathemateg, Hanes Lloegr, Lladin, Saesneg a Groeg a phapurau perthnasol, 1898-1899.

Papurau personol, ynghyd â rhai wedi'u crynhoi gan Iorwerth Peate, 1826, [?1843] a [1899]-1982, yn cynnwys erthyglau amdano, llyfr cofnodion Cangen Caerdydd a'r Cylch o Blaid Genedlaethol Cymru, 1930-1934, a phrosbectysau a phapurau printiedig eraill a gynhyrchwyd gan weisg preifat, 1928-1962.

Mae'r gyfres yn cynnwys un gyfrol, sef dyddiadur Morris Peat, 1847.

Llythyrau, 1914-1962, at G.J. Williams oddi wrth ysgolheigion, llenorion, cyhoeddwyr a chyfeillion. Mae'r mwyafrif yn ymwneud â'i arbenigedd yn yr iaith Gymraeg a'i llenyddiaeth, ac ysgolheictod Cymraeg, gan gynnwys ei gyhoeddiadau, ei waith ymchwil, a'i aelodaeth o fwrdd golygyddol Geiriadur Prifysgol Cymru. Mae nifer yn ymwneud â'i weithgareddau fel siaradwr gwadd, darlithydd, athro, a beirniad eisteddfodol, a rhai'n ymwneud â materion gwleidyddol, yn arbennig sefydlu Plaid Cymru a helynt yr Ysgol Fomio. Ceir cyffyrddiadau mwy personol yn rhai o'r llythryau.

Papurau personol G. J. Williams, yn cynnwys ei basport a phapurau'n ymwneud â'i ymweliad â Rhufain, 1938, a Milan, 1947; tocynnau a rhaglenni ciniawau a darlithoedd, 1916-1962; ceisiadau am swyddi, 1914-1958; a phapurau ariannol ac amrywiol, 1918-1963.

Cyhoeddiadau a phapurau ymchwil G. J. Williams ar draddodiad llenyddol Morgannwg, gan gynnwys drafft llawysgrif o'r gyfrol Traddodiad Llenyddol Morgannwg (1948); ei draethawd buddugol ar feirdd Morgannwg yn Eisteddfod Genedlaethol Castell Nedd, 1918; darlithoedd ac erthyglau, [1911x1963]; a nodiadau amrywiol, [1911x1963].