Dangos 210 canlyniad

Llungopïau a chopi llawysgrif o gerddi yn y Wyddeleg gan Waldo Williams, y copi llawysgrif a chopïau gwreiddiol y llungopïau yn ei law.

Amrywiol gerddi drafft/lled deg, pob un namyn un yn llungopïau, o bosib yn llaw Waldo Williams. Ymddengys un, yn dwyn y teitl 'Significant Departures', fel petai wedi'i ysgrifennu tra yn yr ysbyty.

Llyfr nodiadau yn llaw Waldo Williams sy'n cynnwys nodiadau a gymerwyd o Hanes Cymru yn y Ddeunawfed Ganrif gan R. T. Jenkins (Gwasg Prifysgol Cymru, 1928); nodiadau ar Hywel Dda (c. 880-950); nodiadau ar hanes economaidd a gwleidyddol; a mân nodiadau eraill.

Cerdd, neu ran o gerdd, yr ymddengys ei fod yn llaw Waldo Williams, sy'n cychwyn 'Gay is the Maypole - with sprigs we have wound it'.

Cerdd, neu ran o gerdd, yr ymddengys ei fod yn llaw Waldo Williams, sy'n cychwyn 'Gay is the Maypole - with sprigs we have wound it'.

Toriadau papur newydd yn dwyn teyrngedau i Waldo Williams yn dilyn ei farwolaeth ar 20fed o Fai 1971, gan gynnwys teyrngedau ar ffurf barddoniaeth gan ei gyfeillion Euros Bowen a W. R. (William Rees) Evans.

Cerdd lawysgrif gan ac yn llaw Waldo Williams yn dwyn y teitl 'Cân Olaf Arthur', sef Cerdd Olaf Arthur ag Ef yn Alltud yn Awstralia, rhan o'r bryddest Y Gân Ni Chanwyd, a gyfansoddwyd gan Waldo Williams tua diwedd y 1920au ond nas cwblhawyd.

Copi llawysgrif teg o'r gerdd Eirlysiau gan ac yn llaw Waldo Williams.

Llyfr nodiadau yn llaw Waldo Williams yn cynnwys, yn bennaf, nodiadau ar enwogion, llenyddiaeth a digwyddiadau nodedig yr unfed a'r ail ganrif ar bymtheg. Ymysg eraill, crybwyllir William Salesbury, Dr John Davies, Mallwyd, William Morgan, Wiliam Llŷn, Ellis Wynne a Morgan Llwyd o Wynedd. Ymysg y nodiadau ceir cerdd gan ac yn llaw Waldo Williams sy'n cychwyn 'Wele'r ddau Ioan, er rhwyg eu hoes ...', sy'n sôn am y ddau ferthyr John Roberts, Rhiw-goch, Trawsfynydd a John Penry, Cefn-brith, Llangamarch.

Llyfr nodiadau yn cynnwys bras nodiadau ar lenyddiaeth yn llaw Waldo Williams. Mae rhan helaethaf y gyfrol yn wag.

Nodiadau amrywiol, yn gopïau gwreiddiol ac yn llungopïau, yn llaw Waldo Williams, gan gynnwys nodiadau ar Robert Recorde (1510-1558) ac ar seintiau Cymreig; nodiadau ar ofynion gwasanaethol meistri tir; rhestr o eiriau yn nhafodiaith Dyfed; a dyfyniad o emyn Ann Griffiths (1776-1805) 'Mae sŵn y clychau'n chwarae ...'.

Torion papur newydd yn cynnwys ysgrifau coffa i Waldo Williams. Bu farw Waldo ar yr 20fed o Fai 1971.

Taflen wasanaeth angladdol Waldo Williams, 24 Mai 1971, sy'n cynnwys teyrnged gan gyfaill Waldo, y bardd a'r athro Jâms (James) Nicholas, emyn o waith Waldo ei hunan, ac egwyl o ddistawrwydd yn ôl arferiad y Crynwyr. Bu farw Waldo ar yr 20fed o Fai 1971 a'i gladdu gyda'i wraig Linda a'i rieni ym mynwent Capel y Bedyddwyr Blaenconin, Llandysilio, Sir Benfro, lle priodwyd Waldo a Linda ychydig dros ddeg mlynedd ar hugain ynghynt.

Nodyn at Waldo Williams oddi wrth y bardd a'r llenor D. J. Williams, wedi'i ysgrifennu ar doriad papur newydd sy'n cynnwys erthygl gan D. J. Williams yn dwyn y teitl Politics - Old and New in Pembrokeshire.

Llyfr nodiadau yn llaw Dilys Williams yn cynnwys drama di-deitl a nodiadau'n ymwneud â mytholeg Iwerddon.

Cerdyn post, marc post yn aneglur, a anfonwyd at Waldo Williams gan 'Gareth & Sally'.

Llythyr di-ddyddiad [1970] at Dilys Williams oddi wrth yr ymgyrchydd a'r llenor Emyr Llywelyn oddi mewn i rifyn Medi 1970 o'r misolyn Barn, sy'n cynnwys erthygl gan Emyr Llywelyn yn dwyn y teitl 'Y Gymru Newydd'. Mae'r llythyr yn cyfeirio at '[g]ystudd hir' Waldo Williams, brawd Dilys, a'r ysbrydoliaeth a gafodd Emyr Llywelyn o fod yng nghwmni Waldo ac o ddarllen ei waith.

Cerdyn post, marc post dyddiedig 9 Medi 1969, at Elsie Lewis, Llanwnda, Wdig oddi wrth Mary [Francis, née Williams], chwaer Waldo Williams.

Rhifyn Hydref 1968 o'r cyfnodolyn Y Genhinen. 'Miss D Williams' (nid yn llaw Dilys Williams) wedi'i ysgrifennu ar frig y dudalen flaen.

Copi teipysgrif o ysgrif gan Waldo Williams yn dwyn y teitl 'Tri Emynydd', un o gyfres Gwŷr llên y ddeunawfed ganrif a'u cefndir.