Dangos 567 canlyniad

Mae'r gyfres yn cynnwys llythyrau ym meddiant David Bowen gan gynnwys tri llythyr at Ben Davies, Evesham, 1792-1804, un llythyr at Mrs Thomas, chwaer Ben Bowen, gan Ellen Hughes, 1903, a dau lythyr at David Hopkin, c. 1916.

Mae'r gyfres hon yn cynnwys llythyrau at olygydd Y Faner oddi wrth gyfranwyr yn bennaf, 1987-1988.

Llythyrau, 1902-[1959], a dderbyniodd Siân Williams oddi wrth ei rhieni, ei brawd Eben Evans a'i chwiorydd, a'i thad-cu Rees Davies.

Mae'r gyfres yn cynnwys llythyrau personol oddi wrth Lizzie Bowen, gwraig David Bowen, a'i ferched Rhiannon, Enid a Myfanwy, tra roedd Lizzie yn yr ysbyty, ac ambell lythyr ar bynciau amrywiol gan eraill, yn cynnwys David Hopkin.

Llythyrau oddi wrth David Bell, arlunydd a bardd a wnaethpwyd yn guradur Oriel Gelfyddyd Glyn Vivian, Abertawe, yn 1951, a llythyrau yn trafod Saunders Lewis, [1935]-1959.

Mae'r gyfres yn cynnwys llythyrau personol, [?1903]-1992, a llythyrau yn llongyfarch Mathonwy Hughes ar ennill Cadair Eisteddfod Genedlaethol Aberdâr, 1956.

Mae'r gyfres yn cynnwys llythyrau, telegramau a chardiau, a cherddi gan Dyfnallt, a Leslie ac Enid Harries, ei ferch a'i fab yng nghyfraith.

Llythyrau oddi wrth ei deulu a'i gyfeillion yn ymdrin â materion llenyddol yn bennaf.

Llythyrau oddi wrth sefydliadau Cymreig, 1943-1972, sef Llyfrgell Genedlaethol Cymru, Amgueddfa Genedlaethol Cymru, Amgueddfa Werin Cymru, Coleg Prifysgol Abertawe, Adran Llyfrgelloedd Cyhoeddus Bwrdeistref Sir Abertawe, Ysbyty Morriston, ac E. D. Jones a David Jenkins, cyn-lyfrgellwyr Llyfrgell Genedlaethol Cymru. Mae'r llythyrau hyn yn bennaf yn diolch i Dr Iorwerth Hughes Jones am ei gyfraniadau i'r sefydliadau hyn, er bod naws lled-bersonol i rai o'r llythyrau hefyd.

Llythyrau, 1911-1969, a anfonwyd at D. J. Williams, gan gynnwys ffeiliau unigol ar gyfer cyfeillion agos ato fel Saunders Lewis, Kate Roberts a Lewis Valentine, a ffrindiau oedd yn filwyr adeg y Rhyfel Byd Cyntaf. Ceir llythyrau o gefnogaeth adeg achos Penyberth a llythyrau'n trafod materion gwleidyddol megis ei waith gyda Phlaid Cymru. Mae nifer yn mynegi gwerthfawrogiad o'i waith fel llenor a llawer yn ymwneud â'i weithgareddau fel siaradwr gwadd a darlithydd poblogaidd. Yn fynych ceir drafft o ateb D. J. Williams.

Mae'r gyfres yn cynnwys llythyrau oddi wrth David Bowen at E. K. Jones, O. M. Edwards ac eraill, yn trafod materion crefyddol, Eglwys Horeb, Pump-hewl, a gwaith golygyddol David Bowen.

Llythyrau, 1917-1966, oddi wrth D. J. Williams at ei chwaer, ynghyd â cherdd a ysgrifennwyd iddi yn 1916, llythyrau at W. Anthony Davies ('Llygad Llwchwr'), 1948-1957, ac at y wasg, [1931]-[1966].

Llythyrau, [1940]-1989, oddi wrth ohebwyr cyson sef Gwynfor Evans, R. Tudur Jones, Clem C. Linnenberg a Geoffrey Nuttall. Ceir nifer fawr o lythyrau oddi wrth y pedwar hyn hefyd o fewn cyfres PD1.

Mae'r gyfres yn cynnwys llythyrau yn trafod cyhoeddiadau Bebb a'i waith gyda'r capel yn bennaf. Nid yw'r llythyrau hyn wedi eu harwyddo, neu mae'n anodd darllen y llofnodion os cawsant eu harwyddo. Hyd y gellir barnu o'r cynnwys, ymddengys mai cyfeillion, teulu a chydweithwyr yw'r prif ohebwyr.

Llythyrau a ysgrifennwyd at Siân Williams, [1866]-1965, oddi wrth ei chyfeillion ac yn ystod carchariad ei gŵr, 1936-1937.

Llythyrau, 1924-1972, oddi wrth nifer o ohebwyr gwahanol at Dr Iorwerth Hughes Jones yn bennaf (ceir rhai llythyrau at ei wraig a'i dad). Mae'r llythyrau hyn yn trafod amrywiol bynciau megis materion celfyddydol a llenyddol; pynciau hanesyddol ac archaeolegol; enwau lleoedd; materion meddygol; gwleidyddiaeth, ac yn arbennig, gwleidyddiaeth Gymreig, gan gynnwys yr ymgyrch dros Senedd i Gymru, materion Plaid Cymru a llwyddiant etholaethol Dr Iorwerth Hughes Jones; materion cyhoeddus yr oedd Dr Iorwerth Hughes Jones yn ymwneud â hwy, megis ymgyrchoedd lleol, a'i aelodaeth ag amrywiol cymdeithasau a mudiadau; ceir cyfeiriadau at yr Ail Ryfel Byd mewn rhai llythyrau; ac yn ogystal â hyn oll fe geir llythyrau sydd yn fwy personol eu naws.

Mae'r gyfres yn cynnwys llythyrau at olygydd Y Faner oddi wrth gyfranwyr yn bennaf, 1987-1992.

Mae'r gyfres yn cynnwys llythyrau at David Bowen, 1890-1955, sy'n ymwneud yn bennaf â'i waith fel awdur colofn papur newydd, a golygydd cylchgronau amrywiol a chyhoeddiadau o waith Ben Bowen.

Llythyrau amrywiol, 1936-1988, yn ymwneud â phynciau llenyddol yn bennaf.

Mae'r gyfres yn cynnwys tri llythyr gan aelodau hŷn o'r teulu at ei gilydd a etifeddwyd gan Bebb, 1898-1908, tystlythyr ar ran Bebb yn llaw T. Gwynn Jones, 1919, llythyr oddi wrth Ambrose Bebb at Francis Gourvil, cyfaill iddo o Finistethre, Llydaw, a ddanfonwyd yn ôl ato gan y Swyddfa Bost, 1940, a llythyr at Mrs Bebb, 1958.