Dangos 51 canlyniad

Llythyrau at Zonia M. Bowen yn ymwneud ag ysgolion meithrin, 1969-1977, gan gynnwys rhai oddi wrth Gronfa Glyndŵr yr Ysgolion Cymraeg yn trafod ymgyrch i agor a chynnal ysgolion meithrin Cymraeg; cyfrif o gyfraniadau Merched y Wawr i'r achos, 1972-1973; cyfarwyddiadau ar sut i fynd ati i gychwyn ysgol neu gylch meithrin; ac adroddiad blynyddol a chopi o bolisi gan Mudiad Ysgolion Meithrin, 1976-1977.

Llythyrau at Zonia M. Bowen gan Gymdeithas y Cenhedloedd Unedig, 1970, yn ymwneud â chais i Ferched y Wawr gyfrannu tuag at apêl i sefydlu Canolfan Gymraeg i Weithgareddau Rhyngwladol yn y Deml Heddwch yng Nghaerdydd.

Llythyrau gan unigolion amrywiol yn llongyfarch Zonia M. Bowen ar sefydlu Merched y Wawr, 1967-1969, gan gynnwys llythyrau oddi wrth Olwen Pierce, oedd yn bresennol yng nghyfarfod sefydlu'r cangen gyntaf o Sefydliad y Merched yn Llanfair-pwll yn 1915; Cassie Davies; a Hafina Clwyd. Ceir rhestr o gynnwys y ffeil o fewn y ffolder.

Llythyrau at Zonia M. Bowen gan Swyddogion y BBC, 1967-1969, gan gynnwys gohebiaeth yn trafod rhaglenni teledu a radio yn ymwneud â Merched y Wawr, ac ymateb y Gorfforaeth i gŵyn gan y Mudiad ynglŷn â rhaglenni Cymraeg yn gyffredinol ar y BBC.

Gohebiaeth rhwng Zonia M. Bowen a'r Urdd Ryngwladol i Ferched dros Heddwch a Rhyddid, 1967-1971, gan gynnwys llythyrau yn trafod y posibilrwydd o greu perthynas ffurfiol rhwng y ddau fudiad. Ceir rhestr o gynnwys y ffeil o fewn y ffolder.

Datganiadau a llythyrau i'r wasg, 1967-[1973], a luniwyd gan Zonia M. Bowen yn nyddiau cynnar Merched y Wawr, gan gynnwys llythyrau'n ymwneud â'r anghydfod rhwng merched Y Parc a Sefydliad y Merched a arweiniodd at sefydlu Merched y Wawr, ac adroddiadau ynglŷn â thwf y Mudiad yn ystod y blynyddoedd wedi hyn. Ceir rhestr o gynnwys y ffeil o fewn y ffolder.

Llythyrau at Zonia M. Bowen gan yr Awdurdod Teledu Annibynnol a Theledu Harlech, 1967-1975, gan gynnwys gohebiaeth yn trafod rhaglenni teledu yn ymwneud â Merched y Wawr, ac ymateb Teledu Harlech i gŵyn gan y Mudiad ynglŷn â faint o Gymraeg a ddefnyddiwyd yn rhaglenni'r cwmni.

Llythyrau at Zonia M. Bowen yn ymwneud â'r cylchgrawn Y Wawr, 1967-1975, gan gynnwys gohebiaeth yn trafod yr awgrym i wneud y cylchgrawn yn atodiad i Barn; llythyrau ynglŷn â chyfraniadau i'r cylchgrawn; archebion ar gyfer copïau; a phapurau yn ymwneud â gwerthiant a chostau dosbarthu Y Wawr. Ceir rhestr o gynnwys y ffeil o fewn y ffolder.

Llythyrau amrywiol at Zonia M. Bowen gan wahanol gyrff ac unigolion, 1967-1975, gan gynnwys gohebiaeth yn ymwneud â Merched y Wawr, a llythyrau yn trafod materion megis arwyddion ffordd ddwy-ieithog. Ceir rhestr o gynnwys y ffeil o fewn y ffolder.

Llythyrau at Zonia M. Bowen gan Undeb y Gymraeg Fyw, 1968-1969, yn trafod gwerthiant ei nwyddau i aelodau Merched y Wawr, gan gynnwys adroddiad o'r hyn a'i cyflawnwyd gan yr Undeb yn 1967.

Papurau gweinyddol Merched y Wawr, 1965-1975, yn cynnwys papurau'n ymwneud â Sefydliad y Merched Y Parc a sefydlu Merched y Wawr, 1965-1967; cyfarwyddiadau ar sut i ddechrau cangen o'r Mudiad, 1967-1975; cofnodion y Cyngor Cenedlaethol, 1967-1975; cofnodion y Pwyllgor Gwaith, 1969-1975; copi o'r Cyfansoddiad, 1969; papurau'n ymwneud ag ethol swyddogion cenedlaethol, 1971-1973; a rhestri o ganghennau, 1975.

Papurau'n ymwneud â Sefydliad y Merched Y Parc a sefydlu Merched y Wawr, 1965-1967, gan gynnwys llyfr dathliad Sefydliad y Merched rhwng 1915 ac 1965, 1965; adroddiad blynyddol Sefydliad y Merched, 1965; papurau'n ymwneud â chyfarfodydd Sefydliad y Merched Y Parc a Sir Feirionnydd, 1965-1966; a phapurau, yn bennaf gohebiaeth rhwng Zonia M. Bowen ac unigolion amrywiol, ynglŷn â'r anghydfod rhwng Sefydliad y Merched a changen Y Parc a arweiniodd at sefydlu Merched y Wawr, 1967. Ceir rhestr o gynnwys y ffeil o fewn y ffolder.

Copïau o bamffledi swyddogol y Mudiad ar sut i fynd ati i sefydlu cangen Merched y Wawr, 1967-1975

Crynodebau o gofnodion Cyngor Cenedlaethol Merched y Wawr, 1967-1975, gan gynnwys manylion am yr hyn a drafodwyd yn ystod cyfarfodydd, megis ethol swyddogion newydd, awgrymiadau ynglŷn â gweithgareddau posibl y Mudiad, a materion gweinyddol ac ariannol cyffredinol.

Crynodebau o gofnodion Pwyllgor Gwaith Merched y Wawr, 1969-1975, gan gynnwys yr hyn a drafodwyd yn ystod cyfarfodydd, megis ethol swyddogion, awgrymiadau ynglŷn â gweithgareddau posibl y Mudiad, a materion gweinyddol ac ariannol cyffredinol. Yn wreiddiol y swyddogion cenedlaethol oedd Pwyllgor Gwaith y Mudiad, ond fe'i ehangwyd yn ddiweddarach i gynnwys cynrychiolwyr o'r pwyllgorau sirol.

Copi o Gyfansoddiad Merched y Wawr, 1969.

Papurau'n ymwneud ag ethol swyddogion cenedlaethol, 1971-1973, gan gynnwys cylchlythyrau etholiadau Gwanwyn 1970 a Hydref 1973; a llythyrau enwebu Is-Ysgrifennydd Cenedlaethol, 1973.

Rhestri o ganghennau Merched y Wawr yn 1975, gan gynnwys rhestr o enwau ysgrifenyddion y canghennau lleol a chofnod o'u rhifau swyddogol.

Papurau ariannol, 1967-1975, yn cynnwys mantolenni ariannol cenedlaethol, 1967-1974; a phapurau'n ymwneud â theithiau tramor y Mudiad, 1972-1975.

Mantolenni cyfrif cenedlaethol Merched y Wawr, 1967-1974, gan gynnwys cofnodion o dderbyniadau a threuliau'r Mudiad. Mae'r ffeil hefyd yn cynnwys rhai anfonebau.