Showing 51 results

Llythyrau amrywiol at Zonia M. Bowen gan wahanol gyrff ac unigolion, 1967-1975, gan gynnwys gohebiaeth yn ymwneud â Merched y Wawr, a llythyrau yn trafod materion megis arwyddion ffordd ddwy-ieithog. Ceir rhestr o gynnwys y ffeil o fewn y ffolder.

Llythyrau at Zonia M. Bowen gan Undeb y Gymraeg Fyw, 1968-1969, yn trafod gwerthiant ei nwyddau i aelodau Merched y Wawr, gan gynnwys adroddiad o'r hyn a'i cyflawnwyd gan yr Undeb yn 1967.

Llythyrau at Zonia M. Bowen gan swyddogion Plaid Cymru, 1968-1971, gan gynnwys cais am ysgrif ar lwyddiant Merched y Wawr ar gyfer Y Ddraig Goch, 1968; pamffled ynglŷn â boddi cymoedd Cymru er mwyn darparu dŵr i ardaloedd yn Lloegr, 1971; ac adroddiad ar ddiweithdra yng Nghymru, 1971.

Llythyrau at Zonia M. Bowen yn ymwneud â gweithgareddau amrywiol Merched y Wawr ar faes Eisteddfod Genedlaethol Y Fflint, 1969.

Llythyrau at Zonia M. Bowen yn ymwneud â chân y Mudiad, 1969-1974, gan gynnwys gohebiaeth ar sut orau i fynd ati i ddewis y gân; a chopïau o'r gân swyddogol, 'Fy Iaith, Fy Ngwlad', yn defnyddio geiriau D. Jacob Davies.

Gohebiaeth rhwng Zonia M. Bowen â'r Adran Addysg a Gwyddoniaeth, 1969-1976, yn trafod grantiau i gynorthwyo gyda gwaith Merched y Wawr, gan gynnwys llythyrau gan Zonia Bowen at Gyngor yr Iaith Gymraeg yn gofyn am gefnogaeth tuag at ymdrech y Mudiad i sicrhau cymorth ariannol, 1973; ynghyd â dogfennaeth berthnasol, megis crynodebau o hanes a disgrifiadau o weithgareddau'r Mudiad.

Llythyrau at Zonia M. Bowen yn ymwneud ag ysgolion meithrin, 1969-1977, gan gynnwys rhai oddi wrth Gronfa Glyndŵr yr Ysgolion Cymraeg yn trafod ymgyrch i agor a chynnal ysgolion meithrin Cymraeg; cyfrif o gyfraniadau Merched y Wawr i'r achos, 1972-1973; cyfarwyddiadau ar sut i fynd ati i gychwyn ysgol neu gylch meithrin; ac adroddiad blynyddol a chopi o bolisi gan Mudiad Ysgolion Meithrin, 1976-1977.

Llythyrau at Zonia M. Bowen gan Gymdeithas y Cenhedloedd Unedig, 1970, yn ymwneud â chais i Ferched y Wawr gyfrannu tuag at apêl i sefydlu Canolfan Gymraeg i Weithgareddau Rhyngwladol yn y Deml Heddwch yng Nghaerdydd.

Papurau gweinyddol Merched y Wawr, 1965-1975, yn cynnwys papurau'n ymwneud â Sefydliad y Merched Y Parc a sefydlu Merched y Wawr, 1965-1967; cyfarwyddiadau ar sut i ddechrau cangen o'r Mudiad, 1967-1975; cofnodion y Cyngor Cenedlaethol, 1967-1975; cofnodion y Pwyllgor Gwaith, 1969-1975; copi o'r Cyfansoddiad, 1969; papurau'n ymwneud ag ethol swyddogion cenedlaethol, 1971-1973; a rhestri o ganghennau, 1975.

Papurau'n ymwneud â Sefydliad y Merched Y Parc a sefydlu Merched y Wawr, 1965-1967, gan gynnwys llyfr dathliad Sefydliad y Merched rhwng 1915 ac 1965, 1965; adroddiad blynyddol Sefydliad y Merched, 1965; papurau'n ymwneud â chyfarfodydd Sefydliad y Merched Y Parc a Sir Feirionnydd, 1965-1966; a phapurau, yn bennaf gohebiaeth rhwng Zonia M. Bowen ac unigolion amrywiol, ynglŷn â'r anghydfod rhwng Sefydliad y Merched a changen Y Parc a arweiniodd at sefydlu Merched y Wawr, 1967. Ceir rhestr o gynnwys y ffeil o fewn y ffolder.

Copïau o bamffledi swyddogol y Mudiad ar sut i fynd ati i sefydlu cangen Merched y Wawr, 1967-1975

Crynodebau o gofnodion Pwyllgor Gwaith Merched y Wawr, 1969-1975, gan gynnwys yr hyn a drafodwyd yn ystod cyfarfodydd, megis ethol swyddogion, awgrymiadau ynglŷn â gweithgareddau posibl y Mudiad, a materion gweinyddol ac ariannol cyffredinol. Yn wreiddiol y swyddogion cenedlaethol oedd Pwyllgor Gwaith y Mudiad, ond fe'i ehangwyd yn ddiweddarach i gynnwys cynrychiolwyr o'r pwyllgorau sirol.

Crynodebau o gofnodion Cyngor Cenedlaethol Merched y Wawr, 1967-1975, gan gynnwys manylion am yr hyn a drafodwyd yn ystod cyfarfodydd, megis ethol swyddogion newydd, awgrymiadau ynglŷn â gweithgareddau posibl y Mudiad, a materion gweinyddol ac ariannol cyffredinol.

Papurau'n ymwneud ag ethol swyddogion cenedlaethol, 1971-1973, gan gynnwys cylchlythyrau etholiadau Gwanwyn 1970 a Hydref 1973; a llythyrau enwebu Is-Ysgrifennydd Cenedlaethol, 1973.

Copi o Gyfansoddiad Merched y Wawr, 1969.

Rhestri o ganghennau Merched y Wawr yn 1975, gan gynnwys rhestr o enwau ysgrifenyddion y canghennau lleol a chofnod o'u rhifau swyddogol.

Papurau ariannol, 1967-1975, yn cynnwys mantolenni ariannol cenedlaethol, 1967-1974; a phapurau'n ymwneud â theithiau tramor y Mudiad, 1972-1975.

Papurau ariannol yn ymwneud â theithiau tramor Merched y Wawr, 1972-1975, gan gynnwys llyfr banc, cyfrifon a rhai llythyrau yn ymwneud â theithiau'r Mudiad i Lydaw, 1972 ac 1973; anfonebau taith Paris, Amsterdam a Brwsel, 1974; ac ambell lythyr yn sôn am y daith i'r Undeb Sofietaidd, 1975. Zonia M. Bowen oedd yn gyfrifol am drefnu'r teithiau yma ar ran y Mudiad.

Mantolenni cyfrif cenedlaethol Merched y Wawr, 1967-1974, gan gynnwys cofnodion o dderbyniadau a threuliau'r Mudiad. Mae'r ffeil hefyd yn cynnwys rhai anfonebau.

Cylchlythyrau Gŵyl Dewi a Calan Mai Merched y Wawr, 1968, gan gynnwys negeseuon gan y Llywydd ac adroddiadau yn sôn yn fras am ddigwyddiadau'r Mudiad ledled Cymru.