Llyfr nodiadau yn cynnwys torion o'r wasg, yn bennaf o erthyglau Evan Roberts yn Y Seren, 1932-1937 (tt. 1-107 yn bennaf), gyda rhai torion rhydd, 1927-1937. Ceir yn ogystal nifer o erthyglau yn llaw Evan Roberts ar gychwyn a diwedd y gyfrol, gan gynnwys 'Hen Chwaraeon neu Gampau'r Cymry' (ff. 1-13).

Llyfr cyfrif yn cynnwys torion o'r wasg, [1941]-[1952], o erthyglau gan Evan Roberts ('Ysgubau o Ysgrepan y Lloffwr a ymddangosodd yn Y Seren Gan Evan Roberts, Llandderfel (Ieuan Derfel)' y tu mewn i'r clawr blaen). Mae yna restr cynnwys ar gychwyn y gyfrol (ff. i verso-ii).

Cofrestr ar gyfer [?Ysgolion Sul], 1875-1885, wedi ei ail-bwrpasu yn ddiweddarach fel llyfr lloffion, yn cynnwys torion o'r wasg, [c. 1890]-1900, ynglŷn â gyrfa, priodas a marwolaeth T. E. Ellis, a hefyd barddoniaeth Cymraeg a Saesneg a newyddion cyffredinol. Mae yna dorion wedi eu pastio i mewn yma ac acw, ac eraill yn rhydd yn y gyfrol (nawr mewn amlen archifol).

Llyfr ysgrifennu yn cynnwys torion o'r wasg, 1924-1930, yn bennaf o erthyglau Evan Roberts, gan gynnwys ei golofn 'Ysgubau o Ysgrepan y Lloffwr' yn Y Seren.

Cyfrol yn dwyn y teitl 'Pedwerydd llyfr Scraps o ysgrifau cyhoeddedig gan Evan Roberts, Llandderfel' (f. i), yn cynnwys torion o'r wasg, 1938-[1941], yn bennaf o'i golofn 'Ysgubau o Ysgrepan y Lloffwr' yn Y Seren, yn eu mysg cyfresi o erthyglau ar 'Hen Ysgolion Bro Derfel Sant', I-XVI (ff. 5-26), 'Hanes Plwyf Llandderfel', I-XXII (ff. 59-89), a 'Hen Etholiadau Seneddol Meirionydd', I-VII (ff. 91-101).