File F/3. - Rhan o ddyddiadur y Parch. David Evan Davies,

Aeth o Bwllheli i Gaernarfon yn 1896, ac oddi yno i Gaerdydd yn 1904, cyn dychwelyd i Bwllheli yn 1905. Mae'r dyddiadur yn sôn am y croeso dderbyniodd gan rai o wyr blaenllaw Pwllheli yn 1905. Mae'r dyddiadur hefyd yn cynnwys sylwadau dyddiedig 2 Chwefror 1901, diwrnod angladd y Frenhines Victoria, sy'n fynegiant arwyddocaol o'r serch at y teulu brenhinol, megis: 'Diwrnod ar ei ben ei hun yn hanes y byd. Diwrnod claddu un o'r Penaduriaid goreu welodd y byd o'i ddechreu. Y mae yn ddiwrnod o alar cyffredinol ym mhob gwlad wareiddiedig ar wyneb y ddaear. Yr oedd y frenhines Victoria wedi gwneud ei hun yn wrthrych edmygedd a pharch pob gradd a sefyllfa ym mhob gwlad, ac wedi gwneud ei hun yn annwyl gan bawb oedd yn gwerthfawrogi cymeriad Cristnogol sydd wedi lefeinio cylchoedd uchaf cymdeithas a'i dylanwad crefyddol. Bydded i Lywodraethwr Mawr y Bydoedd wneud ei mab yn debyg iddi'.