Ffeil 546. - R. S. Loomis, Prifysgol Columbia,

Sôn am ei waith yn adolygu cyhoeddiadau W. J. Gruffydd. Diolch am adolygiad ar ei waith ef yn Y Llenor. Nid yw'n debyg y byddant yn gytûn bob amser ond gallant barchu ei gilydd er hynny. Nid yw yn bwriadu ateb Miss Weston yn fanwl yngl?n â'r cerflun ym Modena a'r cysylltiad rhwng Mardoc a'r duw Babylonaidd Marduk, y Porta della Peschenia a'r Roi Pescheur. Mae'n bwriadu trafod hefyd y cysylltiadau canlynol: Bron = Bran a Pryderi = Perceval. Cred hefyd mai tad Pryderi oedd Arawn yn hytrach na Phwyll. Mae Golther, beirniad sy'n gyson wrth-Geltaidd, wedi cydnabod yn ddiweddar ei bod yn debygol bod gan Bleddri ran yn lledaeniad chwedl Tristan. Sôn am erthygl ei wraig ar Chwedl Siarlymaen. Cred fod ei chasgliadau yn derfynol.