Llythyr, 29 Medi 1997, oddi wrth y cyn-farnwr Dewi Watkin Powell, Cricieth, at W. Gwyn Hopkins, Llangennech, yn ymateb i lythyr gan Hopkins ar 3 Awst yn holi i ba raddau mae 'Deddfau Uno' Cymru a Lloegr yn parhau mewn grym ac a ydyw'n bosib dweud nad yw Cymru yn rhan o Lloegr. Gofynwyd y cwestiwn yng nghyd destun y refferendwm datganoli ar 18 Medi 1997. Mae Powell yn trafod y pedair deddf gwlad a ymgorfforodd Cymru yn Nheyrnas Lloegr, sef Statud Rhuddlan (1284), deddfau 1536 ac 1542 a deddf Cymru a Berwick (1746), yn ogystal â'r deddfau diweddarach a'u diddymodd.