Showing 33 results

Llythyrau, [1935]-[1966], yn ymwneud â cholledion ariannol Ysgolion Abermâd a Lluest, gweithgareddau Urdd Gobaith Cymru, a chylchrediad cylchgronau fel Cymru'r Plant. Ceir dau lythyr hefyd oddi wrth D. J. [Williams] a llythyr oddi wrth George M. Ll. Davies.

Llythyrau, [1953]-[1979], oddi wrth Saunders Lewis yn cynnwys newyddion personol. Mae'n diolch iddi am anfon copi o Iolo iddo [cf 4/5] ac yn dweud iddo ddarllen sylwadau'r beirniaid am y ddrama yn y wasg. Yr oedd wedi gwrthod ei gwahoddiad i ddarlithio yn Eisteddfod Genedlaethol Bro Myrddin 1974. Ceir hefyd lythyr a anfonodd ati wedi iddi dderbyn llawdriniaeth yn Ysbyty Westminster, Llundain, yn 1979. Derbyniwyd llungopïau o'r mwyafrif o'r llythyrau hyn eisoes (Papurau Norah Isaac 146/135 a 211).

Llythyrau, [1955]-2003. Ymhlith y gohebwyr mae Kitty Idwal Jones yn nodi achau teulu Plas Penucha (Syr John Herbert Lewis) mewn gwahanlith o erthygl 'Cywydd gan Thomas Jones, Dinbych' gan Saunders Lewis o'r Llenor, Hydref 1933, a anfonodd ati yn 1955, Bedwyr Lewis Jones, Derec Llwyd Morgan, Gwynfor Evans, George Noakes, Daniel Evans, Islwyn [Ffowc Elis], W. R. P. George (2), Alan Llwyd, Hywel Teifi [Edwards] a Gwilym Humphreys. Y mae'r llythyr a ddyddiwyd yn 2003 oddi wrth Dewi [James] wedi'i gyfeirio at [R.] Brinley [Jones] ac yn ymwneud â'r grŵp o lythyrau oddi wrth Saunders Lewis.

Llythyrau a chardiau, 1988-1989, yn llongyfarch Norah Isaac ar yr anrhydedd o gael ei dewis yn Gymrawd o'r Eisteddfod Genedlaethol, gan gynnwys rhai oddi wrth Dr Emyr Wyn Jones; George Noakes; Jâms Nicholas; englyn gan [W.] Rhys [Nicholas] 'I Norah (ar gael ei hurddo yn Gymrawd)'; Mathonwy [Hughes]; Dyddgu [Owen]; W. Emrys Evans (2); ynghyd ag erthygl gyda'r teitl 'Norah is voted a jolly good fellow', Daily Post, 1989.

Papurau, [1936]-[1949], yn ymwneud â gweithgareddau'r Ysgol Gymraeg, gan gynnwys torion o'r wasg am addysg Gymraeg gan gynnwys 'The value of choral speaking in speech training', Teachers world and schoolmistress, 1936; enghreifftiau o bapurau arholiad, 1943, hanes, daearyddiaeth a gwybodaeth gyffredinol, Cymraeg iaith, a Saesneg, a osodwyd gan yr ysgol; rhaglen Gŵyl Ysgol a gynhaliwyd yn 1944 a chyngherddau Nadolig 1948 a 1949. Ym mhlith rhain mae llythyrau oddi wrth Cassie Davies, 1941, Mary [Vaughan Jones], [1949], Alun Llywelyn Williams, 1946, a Chyfarwyddwr Addysg Sir Forgannwg, 1949, yn cadarnhau ei bod wedi'i dewis yn ddarlithydd yng Ngholeg Y Barri. Ceir llythyrau hefyd oddi wrth edmygwyr ac ymholiadau am ddysgu Cymraeg. Yn ogystal ceir adroddiad Norah Isaac, 1945, i'r Pwyllgor Ymgynghorol ar Addysg yng Nghaerdydd, yn ymwneud â sut yr ymgorfforir diwylliant y gymuned i'r Ysgol Gymraeg; a ffotograffau ac enghreifftiau o waith ysgol y disgyblion.

Enghreifftiau o waith creadigol rhai o'r disgyblion, [1948]-[1949], ynghyd â rhifynnau o 'Dail Gwanwyn', 1943-1950, cylchgrawn yr Ysgol Gymraeg.

Papurau, [1943]-1963, yn ymwneud ag Ysgolion Cymraeg yn gyffredinol, gan gynnwys enghreifftiau o ymarferion iaith a gramadeg ac arholiad darllen a deall, 1943, papur iaith Cymraeg, Nadolig 1947, a barddoniaeth a gyflwynwyd i ddisgyblion yr Ysgol Gymraeg yn Aberystwyth; rhifyn o Yr Aelwyd, Ionawr 1950, yn cynnwys erthygl 'Ffarwelio â Miss Norah Isaac'; papurau'n ymwneud ag Undeb Rhieni Ysgolion Cymraeg, 1952-1957, a'r cyfansoddiad a 'Memorandwm ar Gynllun Addysg Sir Aberteifi a lle arbennig yr "Ysgolion Cymraeg" yn y cynllun hwnnw', cyflwynedig i Awdurdod Addysg Sir Aberteifi gan Bwyllgor Gwaith Cwmni Urdd Gobaith Cymru, 1950; adroddiad Arolygwyr eu Mawrhydi, 1948, ar yr Ysgol Gymraeg, ac erthygl o'r Faner, 1949, yn cynnwys adroddiad 'Clod arolygwyr i Ysgol Gymraeg'.

Papurau, [1944]-[1963], yn ymwneud â chyfnod Norah Isaac fel prifathrawes Ysgol Lluest yn bennaf, gan gynnwys rhestr o aelodau pwyllgor yr ysgol, 1948-1951; llyfr cofnodion sy'n cynnwys rhestr o aelodau'r dosbarth hŷn, 1945-1947, a'r maes llafur. Ceir copïau o'r darnau a ddysgwyd, rhaglen cyngerdd Nadolig yr ysgol, 1948, a sgript cyngerdd Nadolig 1949; taflenni 'Mynnaf loywi fy Nghymraeg', 1944; ynghyd â ffotograffau o'r ysgol a'r disgyblion, [1949] a thaflen gwasanaeth angladd Syr Ifan ab Owen Edwards, 1970, pan dalwyd teyrnged iddo gan Norah Isaac.

Albwm a gyflwynwyd i Norah Isaac pan oedd yn gadael yr Ysgol Gymraeg i fod yn ddarlithydd yn Y Barri, 1949. Ceir cyfarchion ar lun a gair gan y disgyblion, ynghyd â ffotograffau rhydd, [1944]-1949, o'i chyfnod yno a rhai diweddarach. Ceir hefyd lungopi o lythyr byr oddi wrth Owen [Edwards], 1942

Sgriptiau radio, 1936-1952 (gyda bylchau), y bu Norah Isaac yn actio ynddynt neu'n llefarydd. Yn eu plith mae 'Gwener y Grôg' gan T. Rowland Hughes, 1936; a 'Pryddestau radio. Y Patrwm' gan T. Glynne Davies, 1952.

Sgriptiau radio, [1944]-[1956] (gyda bylchau), gan gynnwys 'Y band' gan D. Jacob Davies, 1944.

Sgriptiau radio, 1945-1970. Yn eu plith mae 'Haul ar Fôr (Aberystwyth)', 1945; 'Tro trwy Gymru', 1949; 'Ewenni', [1951]; 'Ar grwydr yng Nghymru. Caerfyrddin', 1953; 'Hans Christian Andersen', 1955; 'Aberpergwm', 'Gogerddan', 'Gelli Aur', 'Cefn Amlwch', 'Plas Penhelig', 'Plas Penucha', 'Penmynydd', 'Bronwydd', 1955 (yn y gyfres 'Plasau Cymru'); 'Cadw dyddiadur', 1957; 'Ar grwydr yng Nghymru. Myddfai', 1960; 'Ar grwydr yng Nghymru. Llangollen', 1963; 'Hywel Dda', 1963; 'Robert Owen, Y Drenewydd', 1964, ynghyd â drafft cynharach anghyflawn o'r sgript mewn llawysgrif; ac 'Ar grwydr yng Nghymru. Y Mynydd Du', 1966 a 1970. Ceir hefyd sgriptiau anghyflawn a drafftiau o sgriptiau.

Sgriptiau teledu 'Suspense. The rescuers' gan Islwyn Williams wedi'i addasu ar gyfer y teledu gan Elaine Morgan, 1963, a 'Wil Ifan', 'Ar Glawr', 1976, pan oedd Norah Isaac yn un o'r gwesteion.

Sgript camera 'Anterliwt Tri Chryfion Byd', 1962, ar gyfer TWW; copi o Norah Isaac (golygydd), Tri Chryfion Byd (Llandysul, 1975) gyda nodiadau wedi'u hychwanegu ganddi'n ddiweddarach ar gyfer anerchiadau am anterliwtiau, ynghyd â dau ffotograff o gast Aelwyd y Barri yn 1953 a Pharti Tri Chryfion Byd yn 1994. Ceir hefyd sgript rhaglen drama ddogfen 'Profi pob peth neu Twm o'r Nant mae Cant yn y'ngalw', [?1975x1976], ynghyd â chopi o Gwaith Thomas Edwards (Twm o'r Nant) (Lerpwl, 1874) gyda'r tudalen deitl a thudalennau eraill yn eisiau ac yn cynnwys llythyr oddi wrth Joseph W. Hughes, 1963, yn cyflwyno'r gyfrol iddi fel gwerthfawrogiad wedi iddo weld perfformiad o'r anterliwtiau yn Llandudno y flwyddyn honno. Mae'r llyfr yn dwyn enw Edward Peate, Glanrhyd, Llanbrynmair, 1874.

Sgript 'Y Penadur' a berfformiwyd gan Gwmni Buchedd Dewi yn Eglwys Gadeiriol Tyddewi mewn llyfr nodiadau gyda chyfarwyddiadau goleuo, manylion gwisgoedd ac yn y blaen wedi'u hychwanegu ganddi a cherddoriaeth a gyfansoddwyd gan Terry James. Ceir llythyrau oddi wrth yr Archesgob George Noakes, 1989 a 1990, ac oddi wrth Paul Peter Piech, 1990. Mae emyn 'Crist yr Athro mawr, a'n dysgodd ...' gan Norah Isaac ar gefn y rhaglen.

Nodiadau, [1992], gan Norah Isaac am ei chynyrchiadau llwyfan, 1936-1992, gan gynnwys perfformiadau gan ddisgyblion yr Ysgol Gymraeg, Aberystwyth, ei myfyrwyr yn Y Barri a Chaerfyrddin, Cymdeithas Bro Myrddin, a Chwmni Lleisiau Llên, ynghyd â rhestr o gymeriadau y bu yn eu portreadu fel plentyn ac fel oedolyn ar y radio.

Rhaglenni nodwedd, 1951-1985 (gyda bylchau), a baratowyd ar gyfer cyrsiau gan gynnwys 'Gwaith llafar a chyd-adrodd', Cwrs Penwythnos Urdd Gobaith Cymru, 1951, a 'Dros y Mynydd Du i Frynaman', Gŵyl Gyhoeddi Drama'r Urdd, 1985; ynghyd â sgript Gŵyl Ddewi yn Neuadd Albert, Llundain, 1958, yn arwain at eitem Coleg y Drindod sef meim, a sgriptiau pasiant hanes Sir Frycheiniog, 1958. Syniad Norah Isaac oedd hwn a wreiddiwyd mewn cwrs i athrawon cynradd y sir yn 1957. Ceir hefyd ddramodigau, [1957]-[1962], gan gynnwys rhai o'r Beibl a'i nodiadau ar gyfer llunio rhaglen mewn cwrs ym Mhlasty'r Cilgwyn, 1957.

Sgript 'Priodas waed', cyfieithiad o ddrama Federico Garcia Lorca, a gyflwynwyd gan Gwmni Coleg y Drindod, Caerfyrddin yn [Eisteddfod Genedlaethol Y Drenewydd, 1965], ynghyd â manylion am y cynhyrchiad o [Raglen y Dydd]. [Troswyd y ddrama i'r Gymraeg gan John Davies a John Rowlands a'i golygu gan Gareth Alban Davies].

Sgript ['Yr ogof' cyfieithiad Alwena Owen o ddrama Jean Anouilh 'La grotte' a berfformiwyd gan Gwmni Coleg y Drindod yn 1968].

Y sgript wreiddiol 'Iolo neu Galon wrth Galon' a berfformiwyd yn Eisteddfod Genedlaethol Bro Myrddin 1974 ac a gyhoeddwyd fel Iolo yn 1975, ynghyd â sgript 'Iolo Morgannwg' ar gyfer y teledu, 1978, gyda llythyrau oddi wrth Ifor Rees, cynhyrchydd gyda'r BBC. Ceir hefyd sgript 'Iolo' wedi'i diwygio. Mae'n bosib mai sgript ar gyfer perfformiad Cwmni Iolo, 1992, i ddathlu daucanmlwyddiant Gorsedd y Beirdd yn Theatr y Lyric, Caerfyrddin, ydoedd.