Showing 197 results

Deunydd yn ymwneud â gwaith Menna Elfyn o fewn cyfryngau'r teledu a'r radio, gan gynnwys dramâu, rhaglenni dogfen, sgyrsiau a chyfweliadau.

Toriad cylchgrawn yn rhaghysbysebu'r rhaglen gyntaf yn y gyfres Troi'r Dail, a ddarlledwyd ar BBC Cymru, Ionawr 1981. Gwrthrych y rhaglen oedd Menna Elfyn.

Sgript radio yn dwyn y teitl Beth Yw'r Haf I Mi, a ddarlledwyd Awst 1992.

Copi drafft o sgript ar gyfer sgwrs radio yn dwyn y teitl Blewyn o Drwyn, dyddiedig Mawrth 1994.

Deunydd yn ymwneud â'r rhaglen deledu Plant y Stryd, y ddegfed rhaglen yn y gyfres Dewch i Foli, a ddarlledwyd Rhagfyr 1994, gan gynnwys copi o sgript y rhaglen, cardiau a llythyrau at Menna Elfyn oddi wrth Juconi, sef lloches i blant y stryd yn ninas Puebla, Mecsico, ac oddi wrth yr International Children's Trust, cerdd gan Menna Elfyn a thorion o'r wasg.

Llythyr at Menna Elfyn oddi wrth gwmni darlledu'r BBC a sgript a anfonwyd at Menna Elfyn trwy gyfrwng ebost, ill dau'n ymwneud â chyfraniad Menna Elfyn at raglenni The Slate a Dim Ond Celf.

Deunydd yn ymwneud â rhaglen yn y gyfres Portreadau a ddarlledwyd ar gyfer S4C, 1998, gan gynnwys copi teg o'r sgript, llythyr at Menna Elfyn oddi wrth gwmni darlledu Ffilmiau'r Bont a thorion papur newydd.

Amlinelliad o gynnwys y ffilm deledu Llyn y Fan.

Deunydd yn ymwneud â'r ddrama deledu Pan Ddêl Mai, gan gynnwys llythyr oddi wrth Menna Elfyn yn amgau amlinelliad o'r ddrama a'i chymeriadau.

Copi drafft o sgript y ddrama radio Jasmin.

Copi drafft o sgript y ddrama radio Colli Nabod, a ddarlledwyd ar Radio Cymru.

Deunydd yn ymwneud â Menna Elfyn yn olrhain hanes y bardd Waldo Williams yn ei darllediad ar gyfer raglen Radio 3 Night Waves, gan gynnwys copïau drafft a theg o'r sgript a bras nodyn oddi wrth Menna Elfyn at gynhyrchydd y rhaglen, Zahid Warley.

Cyfres o gerddi gan Menna Elfyn a berfformwyd gyntaf yn Eisteddfod Genedlaethol Cymru Llanbedr-Pont-Steffan, 1984, ac yn ddiweddarach a ddarlledwyd ar gyfer S4C.

Copi drafft (anodiadol) o'r sgript ar gyfer rhaglen Radio 3 Night Waves.

Deunydd yn ymwneud â chyfraniad Menna Elfyn tuag at Essay for St David's Day, a ddarlledwyd ar Radio 3, 2001, gan gynnwys copïau drafft a theg o'r sgript a llythyr oddi wrth BBC Cymru yn amgau rhaghysbysebion ar gyfer y rhaglen.

Deunydd yn ymwneud â'r ddrama radio Dadlau Rhin [?teitl blaenorol Y Galwr], a addaswyd ar gyfer Radio Cymru o'r ddrama lwyfan o'r un enw, gan gynnwys copïau drafft a theg o'r sgript (dan y ddwy deitl), gohebiaeth ebost rhwng Menna Elfyn a chynhyrchydd y darllediad Aled Jones, cerdd mewn llawysgrifen gan Menna Elfyn, a thoriad o'r wasg ynglŷn â'r emynyddes Ann Griffiths.

Copïau drafft a theg o sgript y ddrama radio Iechyd yw Popeth, a ddarlledwyd Ionawr 2004, ynghyd â thoriad papur newydd. Diwygwyd teitl blaenorol y ddrama, Legato, ar dudalen flaen copi drafft y sgript.

Copïau drafft a theg o sgriptiau'r ddrama radio Ann, a ddarlledwyd ar Radio Cymru Ionawr 2005, gan gynnwys un sgript dan ei theitl blaenorol Dwy Chwaer, Un Gân a chyfieithiad o sgript Ann i'r Saesneg.

Copïau drafft a theg o'r ddrama radio Cysgodion Tu Mewn, a ddarlledwyd ar Radio Cymru, 2006.

Copi teg o sgript y ddrama radio Cymdogion, a ddarlledwyd ar Radio Cymru, Ebrill 2007.