Dangos 1729 canlyniad

Yn doredig a cheir nodyn gyda'r geiriau 'Damaged by Air Raid Oct 13 1915' [rhif 14 yn y Rhestr Testunau - Barddoniaeth].

Traethawd: 'Dylanwad Ruskin ar Feddwl yr Oes' gan 'Rosetti' (D. R. Jones, Blaenau Ffestiniog). Rhannwyd y wobr rhyngddo a 'Caer' ond nid yw ei enw yn hysbys [rhif 8 yn y Rhestr Testunau - Rhyddiaith].

Traethawd (un copi llawysgrif ac un mewn teipysgrif): 'An Introduction to the Mabinogion' gan 'Pryderi' (Ivor B. John, Abertawe). Yn y copi llawysgrif ceir beirniadaethau Kuno Meyer, J. Fisher a Llywarch Reynolds ar ffurf gohebiaeth. Ceir hefyd lythyr, 8 Awst 1901, oddi wrth 'Pryderi' at un o'r tri beirniad yn gofyn yn daer am ffafr sef dadansoddiad beirniadol o'i waith i'w ddefnyddio fel tystlythyr ar gyfer cynnig am swyddi dysgu [rhif 1 yn y Rhestr Testunau - gwobrau Cymdeithas yr Eisteddfod Genedlaethol].

Cyfieithiad i'r Gymraeg: 'The Passing of Arthur', The Idylls of the King (Tennyson) gan 'Peredur' (S. W. Roberts, Trealaw) [rhif 2 yn y Rhestr Testunau - Cyfieithiadau].

Cantata gysegredig ar gyfer unawdau, corws a cherddorfa: 'Story of the Cross' gan 'Huobald' (W. Haydn Morris) - dwyieithog [rhif 2 yn y Rhestr Testunau - gwobrau Cymdeithas yr Eisteddfod Genedlaethol].

'Suite' ar gyfer cerddorfa fechan gan 'Dum Spiro Spero' (D. Evans, Mus. Doc.) [rhif 2 yn y Rhestr Testunau - gwobrau Cymdeithas yr Eisteddfod Genedlaethol]. Yn eisiau.

Awdl: 'Y Diwygiwr' gan 'Melancthon' (y Parch. Evan Rees, 'Dyfed'), yr enillydd, ynghyd â beirniadaethau y Parchedigion Robert Arthur Williams ('Berw') a J. T. Jôb ('Jôb') [rhif 1 yn y Rhestr Testunau - Barddoniaeth].

Gwaith gwreiddiol yn gysylltiedig ag unrhyw bwnc yn ymwneud â hanes neu lenyddiaeth Cymru gan 'Tudur' ('Awdlau a Chywyddau Gutun Owain'). Ceir hefyd ran o feirniadaeth yr Athro J. E. Lloyd. Rhannwyd cyfran o'r wobr rhwng 'Tudur' a 'Sylvaticus' a ddewisodd 'A History of the Marches from 1066 to 1200' fel testun [rhif 1 yn y Rhestr Testunau - Rhyddiaith].

Cyfieithiad i'r Gymraeg: y bennod 'Work' allan o Ruskin, Crown of Wild Olives, gan 'Myfanwy' (Magdalen Morgan, Cefn, Merthyr) y dyfarnwyd y wobr iddi. Ceir hefyd feirniadaeth y Deon Howell, Tyddewi [rhif 1 yn y Rhestr Testunau - Cyfieithiadau].

Cyfieithiad i'r Saesneg: traethawd Dr Lewis Edwards: 'Paham a Pha Fodd?' gan 'Nis Gwyddom' y dyfarnwyd y wobr iddo ynghyd â beirniadaeth y Deon Howell, Tyddewi [rhif 4 yn y Rhestr Testunau - Cyfieithiadau].

Rhieingerdd: 'Cilhwch ac Olwen' gan 'Gwyn ap Nudd' (R. A. Griffith, 'Elphin') ynghyd â beirniadaethau J. T. Jôb a Ben Davies [rhif 6 yn y Rhestr Testunau - Barddoniaeth].

O. M. Edwards ar y 'Traethawd beirniadol ar y diweddar Ddr T. C. Edwards, Bala' y dyfarnwyd y wobr i 'Hugh Owen' (y Parch. T. R. Jones, Talsarnau) [rhif 5 yn y Rhestr Testunau - Rhyddiaith]. Saesneg/English. Ceir hefyd feirniadaeth O. M. Edwards ar yr 'Handbook of Welsh history suitable for the use of intermediate Schools' [rhif 3 yn y Rhestr Testunau - Rhyddiaith].

Griffith Ellis ar 'Bywyd a Gwaith y diweddar Mr Henry Richard, MP. Yn ôl y feirniadaeth Dyfarnwyd y wobr i 'Un a'i gwelodd ac a'i clywodd' ond yn ôl yr adroddiad a geir yn Baner ac Amserau Cymru, 14 Awst 1901, rhannwyd y wobr rhwng y Parch. David Griffith, Bethel, Caernarfon, ac Evan Williams, Caernarfon [rhif 4 yn y Rhestr Testunau - Rhyddiaith].

Griffith Ellis ar y 'Traethawd Beirniadol ar y diweddar Ddr T. C. Edwards, Bala' [rhif 5 yn y Rhestr Testunau - Rhyddiaith].

Yr Athro Edward Anwyl a Hugh Williams ar y traethawd 'Cyfeiriad y Meddwl Athronyddol a Duwinyddol yn Nghymru yn y dyddiau hyn' ac enillwyd y wobr gan 'Iorwerth Ceitho' [rhif 7 yn y Rhestr Testunau - Rhyddiaith].

Yr Athro J. Young Evans ar y cyfieithiad i'r Gymraeg: 'The Passing of Arthur' (Tennyson). Yr enillydd oedd 'Peredur' (S. W. Roberts, Trealaw) [rhif 2 yn y Rhestr Testunau - Cyfieithiadau]. Saesneg/English.

Yr Athro J. Young Evans ar y cyfieithiad i'r Gymraeg: Charles Dickens, A Christmas Carol, a'r enillydd oedd 'Elystan' (E. D. Jones, Garth, Bangor) [rhif 3 yn y Rhestr Testunau - Cyfieithiadau]. Saesneg/English.

Y Barnwyr Gwilym Williams, William Evans ac Arthur Lewis ar y traethawd 'The liability of employers for injuries sustained by workmen whilst in their employ ...' a'r enillydd oedd 'Res ipsa loquitur' [rhif 5 yn y Rhestr Testunau - gwobrau Cymdeithas yr Eisteddfod Genedlaethol].

Myfyrdraeth: 'Bunyan yn Ngharchar' gan 'Elstow' ('Athron') ynghyd â beirniadaethau 'Berw' a Ben Davies [rhif 5 yn y Rhestr Testunau - Barddoniaeth].