Dangos 132 canlyniad

Gohebiaeth, torion o'r wasg a nodiadau yn bennaf, 1929-1941 a 1973, yn ymwneud ag amryw o destunau. Yn eu plith mae'r torion 'Llen Gwerin Morgannwg. Marw, angladdau a chladdu', 1929, a 'Clapio a hel wyau'r Pasg', 1931; llythyr, 1934, yn trafod arferion claddu; a sgript ar gyfer sgwrs radio gan Gomer M. Roberts am 'Hen arferion Llandebie', 1937. Yn ogystal, ceir llythyrau, 1929-1931, ynglŷn â llongau; llythyr, 1933, gan Thomas Parry, ynghyd ag adysgrif ganddo o'r gerdd 'Rhybudd i ferched a meibion beidio priodi yn ddi-olud'; teipysgrif 'Lliwio'; torion, 1930, am 'Y Cryman Medi'; catalog yn dangos gwaith D. J. Williams, Gwaith Haearn Brunswick, Caernarfon; a thoriad o deyrnged Bedwyr Lewis Jones i Melville Richards, 1973.

Llythyrau, 1925-1928, a anfonwyd at William Rees, Henllan, sir Aberteifi, turniwr coed. Yn ogystal, ceir bwndel o ohebiaeth, 1938, rhwng William Rees ac Iorwerth Peate ynglŷn â chyfraniad William Rees i sgwrs radio am grefft y turniwr coed; ynghyd ag ymateb i'r rhaglen, a cherdyn yn nodi rhestr brisiau cwmni Brodyr Davies, Abercych.

Llythyr a nodiadau teipysgrif gan Lyndesay G. Langwill, 1941-1944 a 1952, yn rhestru gwneuthurwyr offerynnau gwynt a phres. Yn ogystal, ceir gohebiaeth a nodiadau, 1963-1965, yn ymwneud â thelynau, yn cynnwys llythyrau gan Joan Rimmer a Peter Thornton, a rhestr 'Telynau yn Amgueddfa Genedlaethol Cymru', [1930x1950].

Llythyrau, torion o'r wasg a nodiadau, 1919 (copi o lythyr) a 1930-1939, ynglŷn â thraddodiad y Fari Lwyd. Yn eu plith ceir llythyr gan John Ballinger, a geiriau ar gyfer cân y Fari Lwyd.

Gohebiaeth a nodiadau, 1965, 1967-1968 a 1970, yn ymwneud ag anifeiliaid, yn bennaf yr arfer o gadw penglog ceffyl, ac esgyrn anifeiliaid eraill, mewn adeiladau. Yn eu plith mae llythyrau gan Gomer M. Roberts (2), a J. D. K. Lloyd (2), ac yn ogystal ceir nodyn ynglŷn ag ymladd ceiliogod.

Papurau amrywiol, 1933-1968 a 1971, yn ymwneud ag Amgueddfa Genedlaethol Cymru ac Amgueddfa Werin Cymru. Maent yn cynnwys papurau yn ymwneud â'r Pwyllgor Celf ac Archaeoleg; y cynllun i wahanu Amgueddfa Werin Cymru o Amgueddfa Genedlaethol Cymru, 1948; dyfodol yr Amgueddfa Werin, 1967; a chyfarfodydd ynglŷn ag Amgueddfa Genedlaethol Cymru, 1968. Yn ogystal, ceir gohebiaeth, 1937, rhwng Iorwerth Peate a Cyril Fox ynglŷn â helynt Eisteddfod Machynlleth; torion o'r wasg, [1950]-1967, yn ymwneud â'r Amgueddfa Werin; a phapurau yn ymwneud â thaith i Sweden, 1946, yn cynnwys dyddiadur a llythyrau at Nansi a Dafydd Peate. -- Mae'r ffeil hefyd yn cynnwys nifer o femoranda a llythyrau gan Iorwerth Peate, yn eu plith 'Observations on the possible creation of a Department of Folk Culture' (1934); sylwadau ar femorandwm 'Museum and Art Gallery Service in Wales and Monmouthshire' (1942); 'Report of the Keeper of the Department of Folk Life on his tour of the Scandinavian museums' (1946); 'The Welsh Folk Museum: a memorandum on policy of acquisition, siting, and reconstruction of buildings' (1946); 'Storage at St. Fagans Castle' (1947); a theipysgrif erthygl 'Ein trysor gwerthfawrocaf', [1969x1975].

Gohebiaeth, 1942, rhwng Iorwerth Peate a Cyril Fox yn bennaf, yn ymwneud â gwahoddiad i Iorwerth Peate annerch yn ystod agoriad Arddangosfa Eisteddfod Genedlaethol Aberteifi. Mae'r ffeil yn cynnwys adroddiad ar y mater gan Iorwerth Peate.

Papurau amrywiol, 1928-1976, sef llythyrau swyddogol yn bennaf, gydag amryw ohonynt gan Iorwerth Peate, ynglŷn â materion cyffredinol yn ymwneud â staff Amgueddfa Genedlaethol Cymru, yn cynnwys 'Conditions of Appointment for Keepers', 'Welsh-speaking members on the National Museum of Wales staff', a theipysgrif yn trafod dwy-ieithrwydd yn Amgueddfa Werin Cymru. Yn eu plith mae cais Ffransis G. Payne ar gyfer swydd Cynorthwy-ydd yn yr Adran Ddiwylliant Gwerin a Diwydiannau yn yr Amgueddfa Genedlaethol, ac atgofion R. Albert Jones ar achlysur ei ymddeoliad o'r Amgueddfa Werin, 1976.

Ceisiadau am swydd Curadur, 1970, yn cynnwys tystlythyrau. Mae'r ffeil hefyd yn cynnwys copïau o'r cynigion a basiwyd gan Lys a Chyngor Amgueddfa Genedlaethol Cymru, ynghyd â thysteb i Iorwerth Peate ar ei ymddeoliad.

Llythyrau yn bennaf, 1947-1948, yn ymwneud â chais Iorwerth Peate am swydd Cyfarwyddwr Amgueddfa Genedlaethol Cymru, ynghyd â sylwadau yn y wasg ynglŷn â'r hysbyseb am y swydd a'r apwyntiad, ffurflen gais Iorwerth Peate a llyfryddiaeth o'i gyhoeddiadau. Yn ogystal ceir papurau, 1948, yn trafod cynllun i wahanu'r amgueddfa werin oddi wrth yr Amgueddfa Genedlaethol, a phenodiad Iorwerth Peate yn Geidwad Amgueddfa Werin Cymru; a gweinyddiaeth yr Amgueddfa Werin, 1952-1953. Ceir llythyrau gan Cyril Fox (13); Idris Bell; Thomas Jones; T. K. Penniman; Goronwy O. Roberts (6); Thomas Parry (2); Stephen J. Williams; Huw T. Edwards (3); William Rees; a D. Jacob Davies. -- Mae'r ffeil hefyd yn cynnwys llythyrau yn ymwneud â chynllun pensiwn a chyflog Iorwerth Peate, 1930, 1934 a 1941-1943; llythyrau, 1932-1933 a 1937, yn ymdrin â safiad gwleidyddol Iorwerth Peate, yn eu plith sylwadau Cyril Fox ar ei gyfweliad ar gyfer swydd Cyfarwyddwr yn yr Amgueddfa Genedlaethol; a thorion o'r wasg, 1937, yn trafod helynt Eisteddfod Machynlleth pan ymddiswyddodd Iorwerth Peate ynghyd â rhai o'r beirniaid eraill.

Teipysgrifau, copïau printiedig a llawysgrif, 1921-[1980], o erthyglau, adolygiadau a llythyrau i'r wasg gan Iorwerth Peate, yn cynnwys torion a gohebiaeth, 1942-1948, yn ymwneud â'i golofn yn Y Cymro, 'Cymru Heddiw' gan 'Gwerinwr'. Ymhlith y testunau ceir trafodaethau am yr iaith Gymraeg, hanes Cymru, diwylliant gwerin, y celfyddydau, llenyddiaeth, addysg, diwinyddiaeth, ac unigolion, yn cynnwys teyrngedau i Melville Richards, O. T. Jones, Åke Campbell, Calum Maclean, H. J. Fleure, a George M. Ll. Davies. Mae'n bosib fod rhai ohonynt yn anerchiadau neu sgyrsiau radio.

Llawysgrifau a theipysgrifau, 1911-[1982], o gerddi a ymddengys i gyd i fod yn waith Iorwerth Peate, yn eu plith pryddestau ar gyfer eisteddfodau, a theipysgrif Cerddi diweddar (Dinbych, 1982). Yn ogystal, mae'r ffeil yn cynnwys cyfieithiadau Saesneg o gerddi Iorwerth Peate gan Leonard Owen.

Teipysgrif, 1982, yn cynnwys llungopïau o ysgrifau, o'r gyfrol Personau (Dinbych, 1982); ynghyd â llythyr, 1983, gan y cyhoeddwyr at Nansi Peate ynglŷn â'r gyfrol.

Llythyrau, 1976-1977, yn ymwneud â'r gyfrol Rhwng dau fyd. Darn o hunangofiant (Dinbych, 1976), gan gynnwys rhai oddi wrth David Jenkins; a Kate Roberts; ynghyd ag adolygiadau o'r llyfr.

Torion a llungopïau yn bennaf sef adolygiadau o'r gyfrol Tradition and folk life. A Welsh view (Llundain, 1972).

Gohebiaeth, 1965-1967, yn ymwneud â'r gyfrol arfaethedig 'Past in the present' i'w chyhoeddi gan Penguin Books, yn cynnwys llythyrau gan Glyn Daniel (3), a drafftiau o lythyrau gan Iorwerth Peate; ynghyd â chopi o'r cytundeb rhwng yr awdur a'r cyhoeddwyr a ddiddymwyd yn ddiweddarach.

Papurau, 1911-1944, 1970 a 1975, yn ymwneud â'r gyfrol The Welsh House: A Study in Folk Culture (Lerpwl, 1944), yn cynnwys llythyrau gan D. Lleufer Thomas, J. L. C. Cecil-Williams (4); J. Lloyd-Jones (2); Evan D. Jones (2); Henry Lewis (2); D. J. Williams; Ifor Williams (3); Ifan ab Owen Edwards; Estyn Evans; W. J. Gruffydd; H. Harold Hughes; A. L. Leach; E. A. Lewis; Llew Morgan (2); J. F. Rees; E. G. Bowen; Sigurd Erixon; A. W. Wade-Evans; H. J. Fleure; a J. B. Willans; copïau o daflen yn hysbysebu'r llyfr; copi printiedig o erthygl gan Iorwerth Peate, 'Folk studies in Wales'; torion o'r wasg, sef adolygiadau o'r Welsh House yn bennaf; ynghyd â nifer o ffotograffau a brasluniau o adeiladau.

Teipysgrif, 1937, o'r gyfrol Sylfeini. Ysgrifau beirniadol (Wrecsam, 1938); ynghyd ag adolygiadau, 1938.

Teipysgrif, [1920x1945], o'r sgript 'Y Berllan Geirios. Comedi mewn pedair act'. Yn ogystal, mae'r ffeil yn cynnwys torion, 1928, adolygiadau Y cawg aur a cherddi eraill (Llundain, 1928); torion, 1931, adolygiadau Cymru a'i phobl (Caerdydd, 1931); toriad, 1933, o adolygiad Plu'r gweunydd (Lerpwl, 1933); dau lythyr, 1942, a thoriad, [1943], yn cynnwys sylwadau am Diwylliant gwerin Cymru (Lerpwl, 1942); toriad, [1957], o adolygiad Canu chwarter canrif (Dinbych, 1957); toriad, 1962, o adolygiad Dyfodol ein llenyddiaeth (Llandybïe, 1962); a dau lythyr, 1969, yn ymwneud â Syniadau (Llandysul, 1969).

Llawysgrifau, teipysgrifau a chopïau printiedig, [1930]-1970, o anerchiadau a darlithoedd, gan gynnwys sgyrsiau radio, gan Iorwerth Peate ar amrywiaeth o bynciau, yn eu plith 'Rhai o glocwyr Maldwyn', a 'Cofnodi Diwylliant'.