Showing 113 results

Proflenni'i gyfrol John Penry (1563-1593) (Llundain, 1961), wedi'u cywiro.

Cyfieithiad o'i nofel Anadl o'r uchelder (Abertawe, [1958]) nas cyhoeddwyd. Ei deitl gwreiddiol oedd 'Being and breath' ac awgrymwyd y teitl newydd gan gwmni cyhoeddi Victor Gollancz mewn llythyr yn 1963.

Dalennau-gweithio'r stori ‘Dwyfoldeb Athrylith’, Caregl Nwyf (Llandybïe,1966).

Drafftiau teipysgrif y stori fer hir a gyhoeddwyd yn Islwyn Jones a Gwilym Rees Hughes (golygyddion), Storïau '72 (Llandysul, 1972), ynghyd â chopi cyflawn wedi'i gywiro.

Drafftiau teipysgrif o'r storïau a gyhoeddwyd yn y gyfrol, rhai yn anghyflawn, ynghyd â chyfieithiadau i'r Saesneg o 'Y llwy serch', 'Gazeles' a 'Pencampwr' (er cof am Freddie Welsh, cefnder i'w Dad) a thorion o'r wasg am y bocsiwr, [1972]. Ceir dwy stori ychwanegol 'Crachlenor' a 'Nei a Dyddgu'.

Copi o Paul H. Ballard a D. Huw Jones (glygyddion), This land and people = Y wlad a'r bobl hyn : a symposium on Christian and Welsh national identity, yn cynnwys ei erthygl ac adolygiadau o'r gyfrol.

Drafft llawysgrif yn bennaf o'r astudiaeth, [Abertawe, 1976]. Y teitl gwreiddiol oedd 'Gwynfor Evans. Cip ar ei waith a'i feddwl'.

Teipysgrif o'i nofel Gwas y Gwaredwr (Abertawe, 1991), yr olaf yn y gyfres o dair.

Papurau, 1940, yn ymwneud â'i gais i gofrestru fel gwrthwynebydd cydwybodol yn erbyn gwasanaeth milwrol, ynghyd â deunydd a dderbyniodd oddi wrth CBCO (Central Board for Conscientious Objectors), 1942-1954.

Papurau amrywiol, printiedig, teipysgrif a nodiadau mewn llawysgrif, [1928]-[?1992], gan gynnwys llyfrau nodiadau, deunydd printiedig am hanes Aberpennar, 1953-5, a chofnodion cyfarfodydd blynyddol cangen Abertawe o CCJ [Council of Christians and Jews], 1966-7, ynghyd â thoriad o ysgrif Rosemarie Wolff [Davies] ar 'Martin Niemholler', Seren Cymru, 17 Ionawr 1941.

Papurau ymchwil Densil Morgan, [1999]-[2001], gan gynnwys llungopïau o ysgrif goffa i Pennar Davies, The Times, 1997, a chyfraniadau Pennar Davies i'r Mansfield College Magazine ac adolygiadau ganddo ac o'i weithiau yntau, ynghyd ag atgofion J. Gwyn Griffiths ar gyfer y gyfrol.

Llythyrau, 1970-1971, gan gynnwys llythyr oddi wrth Sam Adams (3), Islwyn Ffowc Elis (3), Gilbert [Ruddock] (4), Eluned Phillips (2), Gwynfor [Evans], Donald J. Stewart, Gwyn [Thomas], Meic Stephens (4) a Gwilym Rees Hughes. Maent yn trafod materion llenyddol ac academaidd, ynghyd â llythyrau o edmygedd a anfonwyd ato adeg ei weithred ef a gweinidogion/offeiriaid eraill yn gosod arwydd Cymraeg ar bont Caerfyrddin a hebrwng un sumbolaidd i Neuadd y Sir.

Llythyrau, 1939, yn ymwneud â sefydlu'r gymdeithas lenyddol New Wales Society. Ymhlith y gohebwyr mae Gwynfor Evans, Keidrych [Rhys] (9), ynghyd â cherdd 'Poem for Ken Etheridge' yn llaw [Keidrych Rhys].

Sgriptiau, [1950]-[1954], gan gynnwys y bryddest radio 'Helynt Heilyn ap Gwyn', 1952, a 'Getter and Spender', addasiad gan John Griffiths a Pennar Davies, 1968, o 'Cybydd-dod ac oferedd' gan Twm o'r Nant . Cer hefyd gyfieithiad o ddrama Bertolt Brecht, 'Die Ausnahme und die Regel', a addaswyd ganddo i'w darlledu gan y BBC, 1962.

Llythyrau, 1940-1979, gan gynnwys rhai oddi wrth Keidrych Rhys (5), Alun [Llewelyn Williams] (5) , Aneirin [Talfan Davies] (2), llythyrau oddi wrtho at ei rieni, [1940], ynghyd â llythyr, 1942, yn ei wahodd i dderbyn galwad i Eglwys Minster Road a llyfr yn llaw'r Parch. J. Penry Thomas yn rhoi'r 'Charge to Minster Rd's New Minister - July 21 1943' iddo yn ei wasanaeth ordeinio. Ceir papurau, 1945, yn ymwneud ag Ap, 1945.

Llythyrau, [1936]-[1946], 1992, oddi wrth Aneirin [Talfan Davies] (10), Keidrych [Rhys] (6), ynghyd â'i ddatganiad yn nodi'i safiad yn erbyn y rhyfel ac mae'n gwrthod ymladd 'under the present conditions', [1941]-[1945] ac Alun Llywelyn-Williams (2) ac eraill. Yn eu plith hefyd mae llythyrau oddi wrth ei noddwraig Mrs Fitzgerald. Ceir Cylchlythyr yr Academi, Haf 1992, yn cyfeirio at Arddangosfa o fywyd a gwaith Pennar Davies a gynhaliwyd ym Mhrifiysgol Abertawe.

Llythyrau, [1943]-[1961]. Ymhlith y gohebwyr mae Gwenallt, T. Charles Edwards (2), D. J. Wiliams, Saunders Lewis, Dr Noëlle Davies, Keidrych Rhys (2) ac Euros [Bowen], ynghyd ag enghreifftiau o emynau Saesneg a luniwyd ganddo.

Sgyrsiau, [1950] -1986, gan gynnwys nodiadau sgwrs ar Gwilym Hiraethog, [c.1975], 'Some eighteenth century Welsh Hymnwriters', Cymdeithas Hanes URC, 1982 ac 'Argyhoeddiadau Waldo Williams', Darlith Eisteddfod Genedlaethol Abergwaun a'r Fro 1986.

Llythyrau, 1980-1984. Ymhlith y gohebwyr mae Gwynfor Evans (yn mynegi'i fwriad i ymprydio hyd angau pe bai angen os na fyddai'r Llywodraeth Geidwadol newydd yn newid ei meddwl a sefydlu sianel Gymraeg newydd), Geraint Bowen, [D.] Myrddin [Lloyd] (3) a Gwyneth Lewis. Ceir llythyrau o gefnogaeth adeg achos llys Pennar Davies a charcharu'i fab Hywel Pennar gan gynnwys rhai oddi wrth Mered[ydd] [Evans], Menna Elfyn a Saunders Lewis (2), ynghyd â thaflen y cyfarfod a gynhaliwyd i gydnabod ei wasanaeth yng nghapel Ebeneser Newydd, Abertawe, 1983, a'i anerchiad 'Dydd Blynyddol y Coleg Coffa', 1984.

Llythyrau, gan gynnwys rhai oddi wrth Bobi [Jones] (3), S[imon] B. Jones, E. Tegla Davies, Iorwerth C. Peate, T. J. Morgan a Meredydd [Evans]. Mae rhai o'r llythyrau yn ymateb i'w gyfraniad 'Episodes in the History of Brecknockshire Dissent' yn y cyfnodolyn Brycheiniog, 1957.