Showing 1284 results

Trefniant o'r alaw 'Nos calan' ac 'Ar hyd y nos', ar gyfer Gwledda Canoloesol, yng Nghastell Rhuthun. Llungopi o sgôr gyda geiriau.

Taflen geiriau i'r record 'Nos Nadolig Yw', corau Ysgol Uwchradd Glan Clwyd. Argraffwyd gan Wasg Carreg Gwalch, Llanrwst.

Llungopi o sgôr 'Nos Nadolig Yw' gan Gilmor Griffiths, geiriau gan H. D. Healy. Copi teipysgrif 'Iesu faban Mair' ar y cefn.

Llungopi o nodyn (neu, o bosib, ran o lythyr) oddi wrth 'Hefin' at dderbynnydd anhysbys yn cynnwys copi o englyn gan Waldo Williams sy'n cychwyn 'O baradwys ddibryder ...'. Crybwyllir yn y nodyn y gwas ffarm a'r gwrthwynebwr cydwybodol Percy Ogwen Jones, ynghyd a'i fab, Geraint Percy Jones.

Sgôr mewn llawysgrif o'r alaw Almaeneg, y trefniant S.A. gan Gilmor Griffiths, geiriau gan Leslie Harries. Hefyd taflen geiriau i'r 'Y Gwcw', 'O dan yr hen lwyfen hardd', ac 'Edelweiss'.

Cyfrol yn cynnwys torion, 1921, o golofn Cybi 'O Eifion i Arfon' yn Y Genedl Gymreig, yn ogystal ag ambell i ysgrif arall ganddo i'r wasg, 1918-1921 (ff. 1-27). = A volume containing pasted-in cuttings, 1921, of Cybi's column 'O Eifion i Arfon' in Y Genedl Gymreig, and a few other press contributions by him, 1918-1921 (ff. 1-27).
Defnyddiwyd y gyfrol yn wreiddiol fel llyfr ymarferion ysgol (Cymraeg a Saesneg) gan Harry Hughes, Llangybi, 1910-1911. = The volume was originally used as a school exercise book (Welsh and English) by Harry Hughes, Llangybi, 1910-1911.

Copi o garol gan Gilmor Griffiths, 'O heol i heol', geiriau I. D. Hooson.

Addasiad Huw Davies o nofel T. Rowland Hughes ar gyfer Theatr Crwys.

Llythyrau ac adolygiadau, 1991-1996, yn ymwneud â'i gyfrol hunangofiannol sy'n cynnwys gwaith creadigol ganddo hefyd a gyhoeddwyd yn 1991.

Copïau teipysgrif o dair cerdd gan Waldo Williams dan y teitl Oes y Seintiau, sef 'Cân I' a 'Chân II' ac 'Ymddiddan rhwng Dewi, Teilo a Cholman', ynghyd â sgôr gerddorol mewn llawysgrif ar gyfer deulais a phiano yn dwyn y teitl 'Molawd Penfro', y geiriau gan Waldo a'r gosodiad cerddorol gan Gerallt Evans. Lluniodd Waldo 'Cân I', 'Cân II' ac 'Ymddiddan rhwng Dewi, Teilo a Cholman' ar gyfer 'Molawd Penfro', sef pasiant adrannau ac aelwydydd yr Urdd Sir Benfro a oedd i'w pherfformio yn Eisteddfod Genedlaethol yr Urdd Abergwaun 1951.

Mae’r ffeil yn cynnwys gohebiaeth, 1989-2001, oddi wrth Gymdeithas yr Iaith yn trafod gweithredu polisi iaith Gymraeg mewn nifer o siopau lleol ac archfarchnadoedd. Mae’r ffeil hefyd yn cynnwys datganiadau i’r wasg (1993-1996); cofnodion cyfarfodydd (1990-1991); a nifer fach o daflenni.

Trosiad Gareth Miles (drafft 2) o'r ddrama 'Oleanna' gan David Mamet [cyhoeddwyd yn 2004].

Sgript ffilm, ynghyd â deunydd atodol. Defnyddiwyd y teitl O.M. gan Ffilmiau Eryri.

Cyfieithiad Dafydd Wyn Jones a Catrin A. Jones o ddrama Harold Pinter.

Addasiad Cymraeg Ben Jones o 'A bite of the apple' gan David Schutte a berfformiwyd gyntaf gan Gwmni Theatr Crwys yn 1997.

Sgôr mewn llawysgrif o'r gân 'Pa le fuost ti gyhyd?' gan Gilmor Griffiths, geiriau gan Leslie Harries.

Pamffledyn printiedig yn dwyn y teitl Paham yr wyf yn Grynwr gan Waldo Williams. Darlledwyd y cynnwys yn wreiddiol mewn sgwrs radio ar y 15fed o Orffennaf 1956 ac yna ei gyhoeddi ym mhapur newydd Seren Cymru ar 25 o Fehefin 1971. Ymunodd Waldo Williams â'r Crynwyr yn ystod y 1950au, gan fynychu eu tŷ cwrdd yn Aberdaugleddau.

Trefniant o'r alaw 'Paid a deud', ar gyfer Gwledda Canoloesol, yng Nghastell Rhuthun. Llungopi o sgôr gyda geiriau.

Sgôr mewn llawysgrif o'r gân 'Pam na ddweda nhw air wrthyf fi?' Gilmor Griffiths a Rhydwen Williams (1916-1997) yn gweithio ar y cyd, ar gyfer cwmni teledu Granada.

Copïau o bamffledi o'r gyfres gyntaf: (9) George M. Ll. Davies, 'Gandhi a chenedlaetholdeb India', [c.1942]; (10) Tom Parry, 'Tystiolaeth y tadau', [d.d.]; o'r ail gyfres: (10) Davies Aberpennar, 'Ffederaliaeth', [c.1944?]; (11) J. Gwyn Griffiths, 'Anarchistiaeth', [d.d.]; (12) Iorwerth C. Peate a R. J. Jones, 'Cenhadon Hedd II' [S.R. a Thomas Rees], [d.d.]; a'r drydedd gyfres: (2) J. Lloyd Jones, 'Diffodd y golau', [d.d.]; (3) Rhys J. Davies AS, 'Rhagrith rhyfeloedd', [post 1944]; (5) Iorwerth Jones, 'Satyagraha: grym di-drais', [d.d.]; (6) Dr E. K. Jones, 'Heddychwyr wrth eu gwaith', [d.d.]; a (7) D. E. Williams, 'Homiliau heddwch', [d.d.].