Showing 70 results

Gohebiaeth a phapurau eraill y Parchedig Robert Charles Jones (RCJ), gweinidog gyda'r Methodistiaid Calfinaidd a fu am gyfnod, 1873-8, yn genhadwr yn Guayacan, Coquimbo, Chile.

Papurau W. Crwys Williams, 1863-1967, yn cynnwys llythyrau, llyfrau nodiadau yn cynnwys cerddi, pryddestau a gyflwynwyd ar gyfer cystadleuaeth y goron yn yr Eisteddfod Genedlaethol, sgriptiau, pregethau, copi teipysgrif o'i ewyllys, 22 Rhagfyr 1958, a fersiwn diweddarach, 15 Medi 1964. Ceir papurau hefyd, 1873-1891, yn perthyn i'w dad-yng-nghyfraith y Parchedig Robert Charles Jones (1847-1925), gweinidog gyda'r Methodistiaid Calfinaidd a fu'n genhadwr yn Chile, 1874-1878. = Papers of W. Crwys Williams, 1863-1967, comprising letters, notebooks including poems, poems in free metre entered in competitions for the crown in National Eisteddfodau, scripts, sermons, typescript copy of his will, 22 December 1958, and an updated version, 15 September 1964. Also included are papers belonging to his father-in-law the Rev. Robert Charles Jones (1847-1925), Calvinistic Methodist minister who was a missionary in Chile, 1874-1878.

Llythyrau, cerddi, pregethau, llyfr lloffion a phapurau amrywiol, [1876]-1967, gan gynnwys taflen rhaglen deyrnged i Crwys, 1966.

Llyfrau nodiadau'n cynnwys drafftiau o erthyglau a gyfrannodd i'r News Chronicle, 1949-1950; llyfr nodiadau wedi'i labelu 'Llangyfelach' [lluniodd Crwys sgript 'Llangyfelach' a ddarlledwyd yn y gyfres 'Brethyn Cartre' gan y BBC yn 1952, ac ymddengys mai nodiadau ar gyfer y sgript a geir yma], yng nghefn y llyfr ceir atgofion Crwys; nodiadau ar gyfer rhaglen ar Elfed yn 1963 (TWW), a chyfraniad Crwys i'r rhaglen 'Trem ar Gymru', Teledu Cymru, 1963, yn ymwneud â'i hanes. Llyfr nodiadau'n cynnwys ei atgofion, [1954], am Elfed, [cyfrannodd Crwys erthygl 'Elfed: Atgof a Theyrnged' i Y Genhinen, Haf 1954]. Hefyd, ceir llyfr nodiadau'n dwyn y teitl 'Ysgub arall gan Crwys', 1949 [fe'i cyhoeddwyd yn ddiweddarach fel Pedair Pennod yn 1950].

Llyfr lloffion, [1906]-[1912], gan gynnwys erthyglau 'Journey to Llanfaches' gan Crwys, 1912; llun o Crwys, bardd y Goron Eisteddfod Genedlaethol Bae Colwyn 1910; a thorion rhydd gan gynnwys 'Growth of nonconformity in Wales', The Brynmawr Free Church Magazine, Mai 1910, ac adroddiad Crwys ar gyhoeddi Eisteddfod Genedlaethol Y Fenni 1913.

Rhyw ugain o lythyrau a chardiau oddi wrth wahanol ohebwyr gan gynnwys Peter Hughes Griffiths (1896), E. Morgan Humphreys (d.d.), H. Elvet Lewis, 'Elfed' (1910), a J. Dyfnallt Owen, 'Dyfnallt' (1910). Ceir bras nodiadau ac ambell gerdd yn llaw Crwys ar gefn rhai o'r llythyrau.

Nodyn gan John Charles Jones, ynglyn â chartref cynnar y teulu, fferm Y Foel, Llangeinwen, sir Fôn, ynghyd â darlun pensil o'r ffermdy.

Llythyrau drafft (5) oddi wrth RCJ, 1874-5, at Dr David Trumbull ac eraill; a llythyrau at RCJ oddi wrth Alexander Balfour, Lerpwl, 18 Ion 1877 (53/6), a David Trumbull, Valparaiso, 28 Meh 1877 (53/7).

Llyfr nodiadau gan gynnwys ei bryddest i 'Abraham Lincoln' [a enillodd goron iddo yn San Ffransisco yn 1913]; llyfr nodiadau, 1913, yn cynnwys cerdd i G[oronwy] O[wen]; amlen gyda drafftiau o'r cerddi 'Morgannwg (Gwlad y glo)' a 'Mynwent y cŵn (yn Nanteos)'; llyfr nodiadau'n cynnwys cerddi ar ffurf torion o'r wasg ar gyfer Trydydd Cerddi Crwys a gyhoeddwyd yn 1935 (ond rhoir 1936 ar ddiwedd rhagair y llawysgrif), ynghyd â thorion diweddarach megis 'Anathoth', Y Tyst, 1966 ac amlen wedi'i labelu 'Poems by Dad'; a chopi o Shakespeare, The Merchant of Venice (Rhydychen, 1891) gyda cherdd 'Casglu blodau' gan W. C. Williams, [18]95, wedi'i hysgrifennu yn y gyfrol.

Llyfr nodiadau yn cynnwys adysgrif o F. H. Bradley, Ethical Studies (Llundain, 1876) ac un arall yn cynnwys adysgrif o Wilhelm Bousser, What is religion? (Llundain, 1907) yn yr un llaw, [1876]-[1920]. Ymddengys nad Crwys sydd wedi gwneud y gwaith copïo.