Showing 89 results

Mae'r ffeil yn cynnwys nodiadau manwl a luniwyd gan David Bowen am ei frawd, Ben Bowen, ei deulu a'i gyfoedion. Ysgrifennwyd hwy ar gyfer yr erthyglau a'r llyfrau a gyhoeddodd David Bowen ac fe gynhwysir copi teipysgrif o ragarweiniad Dr. Thomas Jones i'r llyfr Ben Bowen yn Neheudir Affrica, gol. Myfyr Hefin (Llanelli, 1928).

Mae'r ffeil yn cynnwys llyfr nodiadau David Bowen yn rhestru enwau, cyfeiriadau a'r nifer o gopïau a ofynnwyd amdanynt gan danysgrifwyr i'r llyfrau Ben Bowen yn Neheudir Affrica a Ben Bowen i'r Ieuanc, 1928-47; llythyrau gan wahanol gyhoeddwyr ynglŷn â chost tebygol cyhoeddi'r cyfrolau, 1927; llythyrau gan danysgrifwyr yn gofyn am neu'n diolch am lyfrau, 1942-8, ac anfonebau a derbyniadau, 1901-54, yn cynnwys anfoneb at David Bowen am dwy fil o gopïau o bryddest Pantycelyn, Ebrill 1901.

Mae'r ffeil yn cynnwys llythyrau oddi wrth Iorwerth Peate, Ben Bowen Thomas, Thomas Williams (Brynfab), Lewis Valentine, Amy Parry-Williams, D. J. Williams, Eifion Wyn, Ifor Williams, Rhydwen Williams, Crwys a W. Nantlais Williams ac eraill heb gyfenwau yn cynnwys Cybi, Dyfed Hermas a Caerwyn.

Mae'r ffeil yn cynnwys llythyrau a chardiau post, y mwyafrif o Kimberley a Cape Town, De Affrica, ac eraill o Gymru, wedi eu hysgrifenu at ei frawd ac aelodau eraill o'r teulu yn bennaf, gan gynnwys llythyrau at E. K. Jones a William Morgan. Mae'r rhan helaethaf o'r llythyrau yn trafod barddoniaeth, diwinyddiaeth a chyflwr ei iechyd. Cyhoeddwyd ei lythyrau yn David Bowen (gol.), Ben Bowen yn Neheudir Affrica, Llanelli, 1928 a Cofiant a Barddoniaeth Ben Bowen, Treorci, 1904.

Dyddiadur, 1901, yn disgrifio taith Ben Bowen a'i gyfnod yn Ne Affrica, ynghyd â dyddiadur 25 Mai-9 Gorff. 1902, yn dwyn y teitl 'Homeward Bound' yn disgrifio ei daith yn ôl.

Mae'r ffeil yn cynnwys pregethau, cynlluniau pregethau a nodiadau gan Ben Bowen, gan gynnwys drafftiau o 'Y Lili', 'Duw yn Ateb' a 'Milwr Iesu Grist'; nodiadau o bregethau a glywodd Ben Bowen, 1896-1899, ynghyd â nodyn gan E. K. Jones yn rhestru enwau rhai o'r traddodwyr. Cyhoeddwyd 'Y Lili', 'Duw yn Ateb' a 'Milwr Iesu Grist' yn David Bowen (gol.), Rhyddiaith Ben Bowen, Caerdydd, 1909.

Mae'r ffeil yn cynnwys cerddi megis 'Marwnad i Sarah Jane Davies, Greenfield Hotel' ar gyfer Eisteddfod Nebo, Ystrad; 'Marwnad i Edward Meredith (groser), Llwynypia' ar gyfer Eisteddfod Tonypandy; a cherdd yn dwyn y teitl 'Cleddyf yr Arglwydd a Gideon'.

Mae'r ffeil yn cynnwys cerddi megis 'Ac arch Duw a ddaliwyd' ar gyfer Eisteddfod Penrhiwceiber; 'Y Gwanwyn' ar gyfer Eisteddfod Merthyr Tydfil a 'Hwyrddydd Haf' ar gyfer Eisteddfod y Betws, Rhydaman.

Mae'r ffeil yn cynnwys drafftiau o bryddest 'Williams Pantycelyn' ar gyfer Eisteddfod Genedlaethol Lerpwl, 1900 a cherddi eraill.

Mae'r ffeil yn cynnwys pregethau Cymraeg yn bennaf, [1910]-[1954], gyda rhai Saesneg, rhestrau o bregethau, a toriadau o bregethau a ymddangosodd yn ?Seren Cymru a Seren yr Ysgol Sul.

Mae'r ffeil yn cynnwys pregethau i'r plant, Yr Arglwydd Iesu a'r Plant',Yr Aelwyd a'r plant' ac `Y Bedyddwyr a'r plant'. Hefyd, ceir yn un o'r llyfrau nodiadau fanylion treuliau cwrdd chwarter rhan uchaf Sir Gaerfyrddin am 1934-1935.

Mae'r ffeil yn cynnwys cofnodion yr Undeb, 1919-1941, sef undeb o gymdeithasau Cymreig a sefydlwyd yn 1913, gyda thorion papur newydd ac adroddiadau. Mae'r deunydd yn perthyn i gyfnod David Bowen fel swyddog dros Bump-hewl, Llanelli.

Mae'r ffeil yn cynnwys llyfr nodiadau a phapurau amrywiol, 1922-1929.

Mae'r ffeil yn cynnwys teyrnged i David Bowen ar ei gyfraniad i fywyd y capel a'i waith yn golygu Seren yr Ysgol Sul; papurau yn ymwneud â hanes y capel a'r diaconiaid; a dogfen, 1854, yn ymwneud â pherchnogaeth darn o dir o'r enw Alltybrain yn Llandyfaelog Fach, sir Frycheiniog.

Mae'r ffeil yn cynnwys dwy gyfrol o farddoniaeth a dwy gyfrol o farddoniaeth a rhyddiaith a ysgrifennodd David Bowen i 'Lith y Golygydd' y Llanelly Mercury a Seren Cymru yn bennaf.

Mae'r ffeil yn gyfrol a oedd yn wreiddiol yn lyfr cofnodion i'r 'Llanelly Royal National Eisteddfod 1930 Gorsedd Committee'. David Bowen oedd ysgrifennydd y pwyllgor hwn ac yn ddiweddarach fe ddefnyddiodd y gyfrol fel llyfr nodiadau gan bastio ynddi doriadau papur newydd o'r Llanelly Mercury yn ymwneud yn bennaf â Chymdeithas Cymmrodorion Llanelli. Y mae llun o Orsedd Llanelli wedi ei ludo i dudalen gyntaf y gyfrol.

Mae'r ffeil yn cynnwys nodiadau Lizzie Bowen, ail wraig David Bowen, ar gyfer paratoi gwersi natur.

Mae'r ffeil yn cynnwys llyfrau nodiadau amrywiol, rhai yn perthyn i Mrs Rhiannon Hughes, merch David Bowen. Mae un gyfrol yn cynnwys tysteb i Mrs Enid Harries, merch David Bowen, ac eraill yn cynnwys rhestr o aelodau capel Pump-Hewl, a rhestr o gyfeiriadau.