Showing 197 results

Deunydd yn ymwneud â Garden of Light, symffoni gorawl a gomisiynwyd gan gwmni Walt Disney ac a ysgrifenwyd ar gyfer Cerddorfa Philharmonig Efrog Newydd, y gerddoriaeth gan Aaron Jay Kernis a'r geiriau gan Menna Elfyn a David Simpatico, gan gynnwys rhaglenni printiedig, sgôr gerddorol, erthygl o'r wasg, cyfweliadau yn y wasg gyda Menna Elfyn a llythyr ynghylch ymweliad Menna Elfyn â'r Unol Daleithiau.

Deunydd yn ymwneud â'r opera gyfoes Y Gath Wyllt/The Wild Cat, y geiriau gan Berlie Doherty, gyda chyfieithiad Cymraeg gan Menna Elfyn, a'r gerddoriaeth gan Julian Philips, sy'n cynnwys copïau drafft a theg o'r libretto a rhestr o leoliadau yn dangos taith y cynhyrchiad trwy Gymru.

Deunydd yn ymwneud â Wellspring, addasiad cerddorol gan Hilary Tann o un o gerddi Menna Elfyn, sy'n cynnwys rhaglen brintiedig o gyngerdd gan Gôr Merched Melodia, Efrog Newydd, pryd y cyflwynwyd Wellspring am y tro cyntaf, ynghyd â sgôr gerddorol y darn a llythyr at Menna Elfyn oddi wrth Hilary Tann.

Deunydd yn ymwneud â'r opera Gair ar Gnawd, a gomisiynwyd ar gyfer Opera Cenedlaethol Cymru, y libretto gan Menna Elfyn a'r gerddoriaeth gan Pwyll ap Siôn, gan gynnwys sgorau cerddorol, drafftiau a chopïau teg o'r libretto, brasluniau o'r naratif, datganiadau i'r wasg, drafft o sgwrs am y broses o lunio'r libretto a gohebiaeth.

Deunydd yn ymwneud â phrosiect ar y cyd rhwng Menna Elfyn (geiriau) a'r arlunydd Iwan Bala (delweddau), gan gynnwys cyfrolau printiedig o gynnwys y cywaith, gwahoddiadiadau i ragolwg preifat o'r cywaith, sgwrs arddangosfa a draddodwyd gan Menna Elfyn, rhestr o'r gweithiau, drafftiau a nodiadau, datganiadau i'r wasg, ebyst at Menna Elfyn oddi wrth Iwan Bala a chyfieithiad drafft i'r Saesneg gan Menna Elfyn o'i cherdd Mapiau.

Deunydd yn ymwneud â'r rhaglen deledu Bardd yn Fietnam (1995), sef cynhyrchiad gan gwmni Boda ar gyfer S4C yn dilyn ymweliad Menna Elfyn â'r wlad, gan gynnwys drafftiau o sgriptiau teledu, amserlen ffilmio, costau a chyfrifon, manylion teithio ac ymweld, dogfennau teithio, copïau drafft a theg o gerddi gan Menna Elfyn (gan gynnwys cyfieithiadau o rai ohonynt i'r Saesneg), gohebiaeth at Menna Elfyn oddi wrth gynhyrchwyr y rhaglen ac oddi wrth Trinh Thi Dieu (sef prif gyswllt Menna Elfyn yn Hanoi), gohebiaeth oddi wrth Menna Elfyn at ei gŵr Wynfford James, cylchgronau a thorion papur newydd.

Llythyr at Menna Elfyn oddi wrth gwmni darlledu'r BBC a sgript a anfonwyd at Menna Elfyn trwy gyfrwng ebost, ill dau'n ymwneud â chyfraniad Menna Elfyn at raglenni The Slate a Dim Ond Celf.

Deunydd yn ymwneud â'r ddrama deledu Pan Ddêl Mai, gan gynnwys llythyr oddi wrth Menna Elfyn yn amgau amlinelliad o'r ddrama a'i chymeriadau.

Copïau drafft a theg o sgript y ddrama radio Iechyd yw Popeth, a ddarlledwyd Ionawr 2004, ynghyd â thoriad papur newydd. Diwygwyd teitl blaenorol y ddrama, Legato, ar dudalen flaen copi drafft y sgript.

Toriad papur newydd yn rhaghysbysebu Pethe, rhaglen a ddarlledwyd ar gyfer S4C i ddathlu penblwydd Menna Elfyn yn drigain oed.

Traethodau ymchwil yn ymdrin â gwaith Menna Elfyn ac eraill.

Deunydd yn ymwneud â gwobrywon ac anrhydeddau a ddaeth i ran Menna Elfyn yn ystod ei gyrfa, y rhan helaeth ohono yn deillio o'i chyfnod fel Bardd Plant Cymru.

Llythyrau, cardiau ac ebyst at Menna Elfyn oddi wrth yr awdur a'r nofelydd Stevie Davies.

Llythyrau, ebyst a chardiau at Menna Elfyn oddi wrth y bardd, awdur, dramodydd a darlithydd Nigel Jenkins.

Papurau o eiddo neu sydd yn ymwneud â'r bardd, dramodydd, colofnydd a golygydd Dr Menna Elfyn a ychwanegwyd at yr archif ym mis Mai 2023, yn cynnwys barddoniaeth, rhyddiaith a gweithiau llwyfan a chyfryngol (drafftiau llawysgrif, teipysgrifau a deunydd argraffiedig) gan Menna Elfyn; deunydd yn ymwneud â chyrsiau academaidd a gweithdai a diwtorwyd gan neu a gyd-gyfarwyddwyd gan Menna Elfyn; llyfrau nodiadau; gohebiaeth; erthyglau, adolygiadau a datganiadau i'r wasg gan awduron eraill sy'n ymwneud â bywyd a gwaith Menna Elfyn; ynghyd â rhai papurau'r Parchedig T. (Thomas) Elfyn Jones, tad Menna Elfyn.

Deunydd rhyddieithol gan Menna Elfyn, yn cynnwys: copïau proflen o Optimist Absoliwt: Cofiant Eluned Phillips (Gwasg Gomer, 2016); ei llên-gofiant Cennad (Cyhoeddiadau Barddas, 2018); a'i chyfrol Cwsg (Gwasg Gomer, 2019); copïau teipysgrif o benodau a gyfranwyd gan Menna Elfyn at y cyfrolau Megalith (gol. Damian Walford Davies, Gwasg Gomer, 2006), Canu Caeth: y Cymro a'r Affro-Americanaidd (gol. Daniel G. Williams, Gwasg Gomer, 2010), [?Welsh Writers] ([?] gol. Institute of Welsh Affairs, [?]2012) a Dros Ryddid! (gol. Llinos Dafydd & Ifan Morgan Jones, Gwasg y Lolfa, 2022); copi teipysgrif o'r Rhagymadrodd gan Menna Elfyn i'r gyfrol Shirgar Anobeithiol (gol. Menna Elfyn, Cyngor Sir Gaerfyrddin, 2000); copi rhwymedig o draethawd ymchwil yn dwyn y teitl 'Barddoniaeth Menna Elfyn: Pererindod Bardd' a gyflwynwyd gan Menna Elfyn i Brifysgol Cymru Y Drindod Dewi Sant ar gyfer gradd Doethuriaeth mewn Gweithiau Cyhoeddedig, 2010; ac erthyglau, ysgrifau ac adolygiadau gan Menna Elfyn, rhai ohonynt ar ffurf llawysgrif ddrafft neu deipysgrif ac eraill wedi'u cymryd o ffynhonellau argraffiedig.
Ambell eitem yn dwyn arnodiadau yn llaw Menna Elfyn.

Gweler hefyd dan Llyfrau nodiadau.

Erthyglau (gan gynnwys colofnau i'r wasg), ysgrifau ac adolygiadau gan Menna Elfyn, rhai ohonynt ar ffurf llawysgrif ddrafft neu deipysgrif ac eraill wedi'u cymryd o ffynhonellau argraffiedig.
Ambell eitem yn cynnwys arnodiad(au) yn llaw Menna Elfyn.
Sawl un o'r eitemau yn ddi-ddyddiad.

Deunydd yn ymwneud â chyrsiau y bu Menna Elfyn yn darlithio iddynt neu'n eu cyfarwyddo.

Gohebiaeth amrywiol at, oddi wrth neu sydd yn ymwneud â Menna Elfyn.

Deunydd yn ymwneud â chwmni Canto, a sefydlwyd ym 1997 fel is-gwmni o fewn Antur Teifi er hybu llenyddiaeth Gymraeg, gan gynnwys cynlluniau strwythur a chynlluniau gwaith, swydd ddisgrifiadau, datganiadau i'r wasg, ceisiadau ariannol wedi'u cyfeirio at Gyngor y Celfyddydau, cyfrifon, cofnodion, newyddlenni, gohebiaeth a manylion am deithiau awduron/llenorion; ynghyd â deunydd yn ymwneud â chais a wnaed Ebrill 2008 gan gwmni Dyddiol Cyf, wedi'i gyfeirio at Gyngor Llyfrau Cymru, i sefydlu wythnosolyn am ddim dan y teitl arfaethedig Y Byd. (Rhoddwyd y gorau yn y diwedd i'r cynlluniau i sefydlu Y Byd ar sail diffyg ariannu.)