Showing 132 results

Llythyrau, 1955 a 1957, yn ymwneud â chais Dafydd Peate i gofrestru fel Gwrthwynebydd Cydwybodol yn erbyn gwasanaeth filwrol. Yn eu plith ceir llythyrau gan George Thomas (3), Walter Monckton (3), Raymond Gower, ac Iain Macleod. Yn ogystal, mae'r ffeil yn cynnwys copïau o ddatganiad Dafydd Peate, 1954, i'r tribiwnlys; ac adroddiad am yr achos yn y wasg, 1955.

Llythyrau, 1936, yn llongyfarch Iorwerth a Nansi Peate ar enedigaeth eu mab Dafydd.

Dau lythyr, 1926, ynglŷn â thraethawd ymchwil Nansi Peate; ynghyd â thystysgrifau treth, 1983. Yn ogystal, mae'r ffeil yn cynnwys dau lythyr, 1927-1928, wedi'u cyfeirio at Mr Davies, tad Nansi Peate o bosib.

Tystlythyrau, 1923 a 1927, gan T. H. Parry-Williams a T. Gwynn Jones.

Tystysgrifau ysgol a choleg, 1917-1920 a 1923. Yn ogystal, mae'r ffeil yn cynnwys taflen Machynlleth County School Annual Speech Day, 1920, sy'n nodi fod Annie Davies wedi derbyn Tystysgrif Uwch yn arholiadau Bwrdd Canol Cymru.

Cyfrolau a phapurau rhydd, [1915-1930], yn perthyn i Nansi Peate. Maent yn cynnwys nodiadau ar lenyddiaeth Gymraeg.

Tri llyfr lloffion yn cynnwys torion printiedig yn bennaf, 1860-1937, y mwyafrif ohonynt yn ymwneud ag ardal Llanbrynmair. Mae rhai o'r torion yn cyfeirio at aelodau'r teulu, yn cynnwys Iorwerth Peate, ac mae sawl cerdd ganddo yn eu plith. Ymddengys mai George H. Peate sydd wedi casglu'r torion ynghyd yn y cyfrolau. Mae nifer o'r papurau'n rhydd.

Night book yn cynnwys cyfraniadau aelodau o'r Loyal Brynmair Lodge, 1906-1907, yn eu plith George H. Peate.

Llyfr cyfrifon Cymdeithas Lenyddol Llanbrynmair, 1890-1904. Sefydlwyd y Gymdeithas yn 1890 a bu George H. Peate yn Ysgrifennydd arni.

Llythyrau, 1890-1933, at George H. Peate, yn eu plith rhai gan David Adams; Richard Bennett (6); Beriah Gwynfe Evans; D. Emlyn Evans; Owen Evans (9); Thomas Gee (2, mae un yn lythyr cydymdeimlad ar achlysur marwolaeth David Peate); W. Goscombe John (3); J. R. Jones (Lima, Ohio); Thomas H. Jones (Lima, Ohio) (9); J. E. Lloyd (2); T. Talwyn Phillips (11); Eifionydd (5); a Rowland Williams (Hwfa Môn). Yn ogystal, mae'r ffeil yn cynnwys toriad o deyrnged i George H. Peate, cerdyn yn diolch i bobl ar ran y teulu am eu cydymdeimlad, 1938, a rhestr deipysgrif o'r rhai i anfon atynt.

Llyfrau nodiadau yn cynnwys 'Extracts from the Old Chapel Church Register' yn ymwneud â'i deulu, ynghyd â 'Dyfyniadau o Ddyddlyfrau David [a Morris] Peate', 1847-1849; a thorion o erthyglau gan George H. Peate, 'Hanes yr Eglwys Annibynol yn Llanbrynmair', 1913, ac 'Addoli Mewn Coedwig ac Ogof', 1934. Yn ogystal, ceir llawysgrif o draethawd ar gyfer Cyfarfod Cystadleuol Y Pandy, Llanbrynmair, 1884, 'Y Niwed o Esgeuluso yr Ysgol Sabbothol' gan 'Un o'i phlant'; a'r ymryson 'A ddylai Cymru gael Ymreolaeth?' gan Nacaol, a ddarllenwyd yng nghyfarfod Cymdeithas Lenyddol Capel Charing Cross Road, 1888. Amgaeëir hefyd feirniadaeth, 1896, ar gyfer cystadleuaeth traethawd ar y testun 'Bywyd Defnyddiol' lle bu 'Disgybl' (George H. Peate) yn fuddugol; adroddiad Diaconiaid yr Hen Gapel, Llanbrynmair, 1906, ynglŷn â'u gweinidog; a thoriad o'r Tyst, 1930, yn cynnwys erthygl 'Stori Cae'r Fendith' gan George H. Peate.

Tri geirda, 1904 a 1910, ar gyfer George H. Peate.

Cyfrol yn dwyn y teitl 'Ysgolion Lyfr . . . Neu Lyfr i gadw Cyfrifon y chwech ysgol a berthyn ir Cappel issaf yn Llanbrynmair', 1822-1830 a 1834; a sy'n cynnwys 'Cyhoddiadau y Capel', 1849-1850. Yng nghefn y gyfrol ceir 'Cyfraniadau tuagat orphen talu Dyled y Capel a'r Ysgoldai'.

Llyfr nodiadau David Peate, 1880, yn cynnwys 'Petheu a glywais gan Evan Lewis Pendemtir o hen hanes'; adroddiad o'r Dysgedydd, 1841, am farwolaeth ei dad, Edward Peat; hanes ei ymweliad â Llundain, 1889; 'Ychydig fanylion am Bryniad Glanllyn', 1896; hanes marwolaeth David Peate gan ei fab George H. Peate; a 'Dyfyniadau o Ddyddlyfrau David Peate', 1847-1896.

Llythyrau, 1875-1896, at David Peate, yn cynnwys pum llythyr, 1880 a 1896, oddi wrth ei fab Alexander yn Llundain; a saith llythyr, 1875-1895, gan Thomas Gee (Gee a'i Fab). Mae'r ffeil hefyd yn cynnwys pedwar llythyr gan Samuel Roberts, 1855 a 1878; nid yw'n eglur at bwy y cyfeiriwyd hwy, ymddengys fod un ohonynt o leiaf wedi'i gyfeirio at John Breese, Brynderwen. Yn ogystal, ceir un llythyr at Mary Peate, 1896, yn cydymdeimlo ar farwolaeth ei gŵr.

Llyfr cyfrifon David Peate, 1875-1882, yn ymwneud â'i waith.

Ledjer, 1872-[1901], yn cynnwys cyfrifon gwaith David a George H. Peate.

Llyfr cyfrifon, 1863-1877 a 1895-1896, yn rhestru a chofnodi costau mân ddefnyddiau megis hoelion a phinau.