Showing 19 results

Barddoniaeth gan, neu ddeunydd sy'n ymdrin â barddoniaeth gan, Waldo Williams, gyda nifer o'r cerddi yn ei law ei hun. Mae'r eitemau'n cynnwys ei gerddi adnabyddus Eirlysiau a Mewn Dau Gae, ei awdl Tŷ Ddewi, ei gywydd Y Tŵr a'r Graig a'i gywydd coffa i'w wraig Linda, ynghyd â cherddi cynnar megis Hiraeth a Y Duw Unig.

Darnau rhyddiaith gan, neu eitemau'n ymdrin â darnau rhyddiaith gan, Waldo Williams, gan gynnwys ei 'Ddatganiad' ('Statement') yn erbyn gorfodaeth milwrol; pamffledyn yn seiliedig ar y sgwrs radio wreiddiol Paham yr wyf yn Grynwr; adolygiadau llenyddol o'r wasg; ac ysgrifau drafft ar y bardd a'r llenor D. J. Williams, ar y gynghanedd ac ar emynwyr y ddeunawfed ganrif.

Llyfrau nodiadau yn llaw Waldo Williams a ddefnyddwyd ganddo tra bu'n astudio yng Ngholeg y Brifysgol Aberystwyth.

Nodiadau ar gyfer cyflwyno darlithoedd gan ac yn llaw Waldo Williams yn ystod ei gyfnod fel athro dosbarth nos (1951-1963).

Llyfrau nodiadau, llyfr banc a nodiadau rhydd, yn bennaf yn llaw Waldo Williams, gydag un llyfr nodiadau yn rhannol yn llaw ei wraig Linda (née Llewellyn).

Llythyrau oddi wrth Waldo Williams at ei chwaer Dilys Williams, [1942], ac at yr wythnosolyn Cymraeg Y Faner, 1958.

Cerdd, neu ran o gerdd, yr ymddengys ei fod yn llaw Waldo Williams, sy'n cychwyn 'Gay is the Maypole - with sprigs we have wound it'.

Gohebiaeth wedi'i gyfeirio at Dilys Williams, yn bennaf oddi wrth aelodau teuluol a chyfeillion, yn ogystal â chan sefydliadau megis aelodau pwyllgor Gŵyl y Sir, Abergwaun (1957), a'r Academi Gymreig yn eu paratoadau ar gyfer Gŵyl Waldo (1986).

Deunydd ym meddiant Dilys Williams, yn bennaf o ddiddordeb llenyddol neu leol, gan gynnwys Llyfr trysorydd Urdd Gobaith Cymru cylch Abergwaun, llyfr cofnodion cangen Abergwaun o Undeb y Llw o Blaid Heddwch (Peace Pledge Union), 1939-1945, a llyfrau nodiadau yn llaw Dilys Williams yn cynnwys yn bennaf gwybodaeth o natur lenyddol.

Gohebiaeth oddi wrth Dilys Williams at gyfeillion a chydnabod, gan gynnwys Benni ac Elsie Lewis, Llanwnda, Wdig, a'r llenor a'r bardd Meic Stephens.

Llungopi o doriad papur newydd (Y Cymro, 18 Chwefror 1998) yn cynnwys teyrnged i Dilys Williams.

Deunydd yn bennaf yn llaw David Williams, nai Waldo Williams, sef mab Roger Williams, brawd Waldo, a'i wraig Edith (gweler Roger Williams dan bennawd Aelodau eraill teulu Waldo Williams). David Williams yw rhoddwr y casgliad hwn o bapurau Waldo.

Deunydd gan neu'n ymwneud â Mary Francis (née Williams), chwaer Waldo Williams, gan gynnwys gohebiaeth at ac oddi wrth Mary Williams.

Deunydd yn cynnwys gohebiaeth wedi'i gyfeirio at Gwladys Llewellyn ac ysgrif goffa iddi.

Cerdyn post di-ddyddiad yn dwyn yr un gair 'Roger'.

Deunydd gan neu yn ymwneud â Mary Llewellyn (née Williams), chwaer John Edwal Williams, tad Waldo Williams, gan gynnwys llythyr oddi wrth Mary Llewellyn at ei rhieni, Dafydd (Dafi) a Martha Williams a cherdyn coffa Mary Llewellyn.

Llungopi o goeden deulu teulu Llewellyn.

Llungopïau o ffotograffau o Waldo Williams gyda'i frodyr a'i chwiorydd a llungopi o doriad o'r wasg yn dangos ffotograff o blant ac athrawon Ysgol Mynachlog-ddu, 1915.

Allbrint o gyfrifiad 1911 yn dangos manylion teulu Waldo Williams, a oedd ar y pryd yn byw yn Nhŷ Ysgol Prendergast, Hwlffordd.