Dangos 63 canlyniad

Llyfr casgliad 'Cronfa y Cadymgyrch Cenedlaethol Cymreig' ar gyfer Eglwys Bresbyteraidd Cymru, Forge, Henaduriaeth Trefaldwyn Uchaf, yn cynnwys cerddi llawysgrif [?gan Dafydd Ellis Jones ('Alaw Llugan')]. Ceir yn eu plith benillion i 'Soirie' [sic] ac i 'Lyfrgell' capel Maengwyn, Machynlleth, cerdd 'Y Rhyfel' a ddanfonwyd o dan y ffugenw 'Barac' i 'Gyfarfod Cystadleuol y Forge', 4 Mawrth 1915, a cherdd gyfarch gan 'Alaw Llugan' i'r Parch John Madryn Jones (m 1969) ar ennill y Gadair yn Eisteddfod Llanfair [Caereinion], Nadolig 1932.

Lluniau Machynlleth, a lluniau (ffotograffau, cardiau post, torion) golygfeydd ac adeiladau adnabyddus yng ngogledd Cymru, nifer ohonynt wedi'u labelu gan Mrs Williams.

Llawysgrif 'Hanes yr Achos yn Henaduriaeth Trefaldwyn Uchaf' gan William Williams, cyflwynedig i'r Gymdeithasfa a gynhaliwyd yn Eglwys Bresbyteraidd Cymru, Heol China, Llanidloes, 18-21 Tach 1968.

Llawysgrif 'Cymru', llyfr i blant gan 'Lona' y dyfarnwyd iddo gyfran o'r wobr yng nghystadleuaeth rhif 6, Cystadlaethau Llyfrau Plant Meirion, 1961; ynghyd â chopi o feirniadaeth Harri Gwynn.

Nid yw'r dyddiaduron yn agored tan y flwyddyn 2016.

Dyddiaduron, 14 Medi 1936-23 Gorff 1939, 10 Tach 1942 - 20 Ion 1943, 15 Gorff 1943-8 Tach 1944 [cf. rhifau 1-32]. Nid yw'r dyddiaduron yn agored tan y flwyddyn 2016.

Copi teipysgrif 'Storïau am Iesu Grist a'r Apostol Paul', cyd-fuddugol o dan y ffugenw 'Lona' â detholiad Miss Ruth Jones yng nghystadlaethau Pwyllgor Addysg Ceredigion, 1961 (gw Ruth Jones a Myfi Williams, Storâau o'r Testament Newydd (Gwasg y Brython, Lerpwl, 1962); ynghyd â llythyr, 16 Hyd 1962, at Myfi Williams oddi wrth Alun R Edwards.

Copi teipysgrif 'Pobl yr Hwiangerddi (storïau i blant bach)'; ynghyd â llythyr, 6 Hyd 1969, at Myfi Williams oddi wrth D Andrew Davies yn crynhoi sylwadau Is-banel Golygyddol y Cyd-bwyllgor Addysg Cymreig ar y gwaith.

Copi teipysgrif mynegai i gyfrolau I-X Y Geninen a gyflwynwyd o dan y ffugenw 'Morien' ar gyfer cystadleuaeth llunio mynegai i gylchgrawn Cymraeg, Eisteddfod Genedlaethol Aberteifi, 1976.

Copi llawysgrif traethawd ar 'Hen Ddulliau Amaethu', cyd-fuddugol yng nghystadleuaeth rhif 38, Eisteddfod Genedlaethol Caerdydd, 1960.

Copi llawysgrif traethawd ar 'Enwogion Môn, 1900-50' o waith 'Ap Gwilym' y dyfarnwyd cyfran o'r wobr iddo yn Eisteddfod Gadeiriol Môn, Rhosneigr, 1958; ynghyd ag atodiad, 1959, a llythyr, 28 Rhag 1960, at Myfi Williams oddi wrth John Thomas, Ysgrifennydd Cymdeithas Eisteddfod Gadeiriol Môn.

Copi llawysgrif llawlyfr ar Gymru wedi'i fwriadu ar gyfer cystadleuaeth 'Llawlyfr ar gyfer plant sy'n dysgu Cymraeg fel ail iaith ers tair neu bedair blynedd...', Eisteddfod Genedlaethol Glynebwy, 1958.

Cerddi, storïau, etc, llawysgrif a theipysgrif, c.1963-68, o waith y Parch William David ['W D P'] Davies (1897-1969) a ddanfonwyd at y Parch William Williams fel golygydd Y Drysorfa; a llun W D Davies o'r Drysorfa, Rhag 1928.

'Arabedd Gwir a Gau', sef cyfieithiad o'r Saesneg i'r Gymraeg gan 'Nil Desperandum' ar gyfer Cylchwyl Lenyddol Dolgellau (o dan nawdd yr Annibynwyr), nos Wener y Groglith, 1890.