Dangos 53 canlyniad

Papurau'n ymwneud â'r Academi Gymreig, 1967-[1987], gan gynnwys llyfr cyfrifon yr Academi Gymreig yn ystod cyfnod trysoraeth Bedwyr L. Jones, 1967-1972; cerdyn aelodaeth Gwenlyn Parry; a chartŵn yn darlunio Rhydderch Jones, yng nghwmni Gwenlyn Parry, ymysg eraill, yn cael ei dderbyn yn gymrodor.

Papurau'n ymwneud â'r ddrama, Y Tŵr, [1978], gan gynnwys drafftiau llawysgrif a theipysgrif; llyfrau nodiadau, yn cynnwys drafftiau bras; crynodeb Saesneg o gynnwys y ddrama; adolygiadau o'r ddrama; a braslun o'r set.

Llyfr nodiadau, [1973], yn cynnwys drafft anghyflawn (dechrau yr act gyntaf yn unig) o'r ddrama Y Ffin, ynghyd â braslun o'r set.

Sgriptiau o addasiad teledu Gwenlyn Parry o nofel T. Rowland Hughes, William Jones, penodau 2, 5, 6 a 7; ynghyd ag amlinelliad o gynnwys y gyfres, a llungopi o fersiwn Saesneg o'r nofel, [1980x1985].

Sgript drama yn dwyn y teitlau 'Undebaeth' a 'Nid Oes Gennym Ddim i'w Golli Ond ein Cadwynau', [1966x1990].

Papurau'n ymwneud â'r ddrama, Tŷ ar y Tywod, [1968]-1977, gan gynnwys drafftiau teipysgrif a chopi terfynol o'r gwaith, [1968]; copi o'r cyfieithiad Saesneg gan Rhydderch Jones a ddefnyddiwyd gan Orbit Theatre yn 1977; barn myfyrwyr Coleg y Drindod, Caerfyrddin, am y ddrama; amlinelliad o gynnwys y ddrama; a nodiadau llawysgrif ar sut i lwyfannu'r cynhyrchiad.

Sgript llawysgrif o bennod 20 o'r gyfres ddrama Tresarn, 1972, gan Huw Lloyd Edwards.

Torion o'r wasg, [1978]-[1991], gan gynnwys adolygiadau o ddramâu teledu a llwyfan Gwenlyn Parry ac erthyglau amrywiol yn ymwneud â'i waith.

Copi o stori yn seiliedig ar hanes Richard Burton yn fachgen ifanc yn dwyn y teitl The Young Mr Burton, [1975x1990].

Sgript pennod 10 ac amlinelliad o benodau 4 a 5, a ysgrifennwyd gan Gwenlyn Parry, [1980x1984], o gyfres ddrama Tony Holland a Julia Smith, The District Nurse.

Syniadau ar gyfer gweithiau newydd, [1985]-[1991], gan gynnwys amlinelliad o ddrama roedd Gwenlyn Parry yng nghanol ei hysgrifennu pan bu farw, yn dwyn y teitl Vera Lynn a'n Nhad.

Sgript radio llawysgrif Un Nos Ola Leuad gan Caradog Prichard, [1966x1980].

Drafft bras gan Gwenlyn Parry o sgript i'r gyfres radio 'Dylanwadau' yn olrhain peth o'i hanes, [1989x1991].

Sgript di-deitl, [1966x1990], o ddrama lwyfan wedi'i seilio ar hanes streic Chwarel y Penrhyn.

Sgript anghyflawn cyfweliad gyda Gwenlyn Parry, [1987x1991], yn trafod ei waith, ei ddylanwadau, a'i fywyd yn gyffredinol.

Sgript gamera y BBC ar gyfer y ddrama Salvador, [1966x1990], a seiliwyd ar ddrama wreiddiol Huw Lloyd Edwards.

Papurau'n ymwneud â'r ddrama, Sal, 1970-1982, gan gynnwys drafftiau llawysgrif a theipysgrif o'r gwaith; copi o'r drafft terfynol; cyfieithiad Saesneg o'r ddrama gan Elwyn Jones; a pheth ymchwil, gan gynnwys llythyron, yn trafod cefndir hanesyddol y gwaith.

Drafftiau teipysgrif o'r ddrama Saer Doliau, [1966], gan gynnwys nodiadau a chyfarwyddiadau ar lwyfannu'r cynhyrchiad, ynghyd â braslun o'r set.

Rhaglenni theatr a phosteri yn gysylltiedig â dramâu Gwenlyn Parry, 1966-1991, gan gynnwys Y Ffin, Y Tŵr a Saer Doliau.

Rhageiriau, 1968-1980, gan gynnwys rhagair Gwenlyn Parry ar gyfer Tŷ ar y Tywod, 1968; rhageiriau Gwenlyn Parry a Rhydderch Jones ar gyfer un o gyhoeddiadau Rhydderch Jones, [1975x1980]; a rhageiriau Gwenlyn Parry a Saunders Lewis ar gyfer Y Tŵr, 1979.