Mae'r gyfres yn cynnwys emynau David Bowen a geiriau ac alawon a gasglwyd ganddo ar gyfer ei gyhoeddiadau. Cyhoeddwyd rhai o'r emynau yn Pictwr a Phennill, Emynau Pen y Mynydd, Salmau'r Plant ac yn Llawlyfr Urdd y Seren Fore.
Mae'r ffeil yn cynnwys emyn-donau gan gyfansoddwyr amrywiol, yn cynnwys John Hughes, T. J. Morgan a Rhyddid Williams, a gasglwyd gan David Bowen er mwyn eu cyhoeddi yn Llawlyfr Urdd y Seren Fore.
Mae'r ffeil yn cynnwys erthyglau Cymraeg, megis drafftiau o 'Y Môr a Phrydain', 'Lili', a 'Darlun Celt Bach yr Affrig' a ysgrifennwyd yn Kimberley. Cyhoeddwyd 'Lili yn Cymru'r Plant, Hydref 1897 a 'Darlun Celt Bach yr Affrig' yn Cymru'r Plant, Hydref 1901.
Mae'r ffeil yn cynnwys erthyglau Saesneg, megis drafftiau o 'Treorchy', 'Mabon's Day' a 'The qualities of a Sunday school teacher'. Cyhoeddwyd 'Treorchy', 'Mabon's Day' a 'The qualities of a Sunday school teacher' yn David Bowen, Blagur Awen Ben Bowen, Caernarfon, 1915.
Mae'r grŵp yn cynnwys llythyrau at ac oddi wrth David Bowen, llythyrau amrywiol gan nifer o weinidogion y Bedyddwyr, llenorion a gwleidyddion Cymru, [c. 1890]-[c. 1955].
Mae'r gyfres yn cynnwys copïau o lythyrau gan Ben Bowen, gwaith 'anghyhoeddiedig' Ben Bowen yn Seren yr Ysgol Sul, nodiadau bywgraffyddol a luniwyd gan David Bowen a deunydd gweinyddol yn ymwneud â chyhoeddi a gwerthu llyfrau gan Ben Bowen ac amdano.
Mae'r grŵp yn cynnwys papurau'n ymwneud â gwaith David Bowen fel golygydd colofn Gymraeg y Llanelli Mercury a Seren yr Ysgol Sul. Ceir yma gynnyrch Ben Bowen a llenorion eraill a gyhoeddwyd gan David Bowen, neu a feirniadwyd ganddo mewn eisteddfodau.
Mae'r ffeil yn cynnwys toriadau o gyfres o erthyglau, 'Gwaith Anghyhoeddedig Ben Bowen', a ymddangosodd yn Seren yr Ysgol Sul; a dau rifyn o Seren yr Ysgol Sul yn cynnwys erthyglau ar Ben Bowen gan ei frawd.
Mae'r ffeil yn cynnwys nodiadau manwl a luniwyd gan David Bowen am ei frawd, Ben Bowen, ei deulu a'i gyfoedion. Ysgrifennwyd hwy ar gyfer yr erthyglau a'r llyfrau a gyhoeddodd David Bowen ac fe gynhwysir copi teipysgrif o ragarweiniad Dr. Thomas Jones i'r llyfr Ben Bowen yn Neheudir Affrica, gol. Myfyr Hefin (Llanelli, 1928).
Mae'r ffeil yn cynnwys llyfr nodiadau ar Ioan Emlyn a John Jones (Mathetes) o'r enw 'I ddau John Jones o Lannau Teifi'; llythyrau, cardiau post a thoriadau papur newydd yn ymwneud â chofgolofn Ioan Emlyn, a gohebiaeth â ŵyr Ioan Emlyn, Aneurin Gomer Emlyn Jones Fudge.
Mae'r ffeil yn cynnwys llyfr nodiadau a phapurau a grewyd gan David Bowen wrth ysgrifennu llyfr ar hanes y Parch. John Jones (Mathetes), sef Parch. J. Jones (Mathetes): ynghyd â hanes ei gyfarfod can-mlwyddiant gan gwrdd chwarter rhan uchaf Sir Gaerfyrddin, detholion o'i waith, gyda darluniau, Cyfres Cedyrn Canrif (Llanelli, c. 1921).
