Dangos 184 canlyniad

Llyfr nodiadau'n perthyn i William Owen, Pool Street, [Caernarfon], yn nodi enwau'r pregethwyr a'r testun, 1878-1886, yn Eglwys Engedi yn bennaf.

Casglwyd y taflenni cyfrifon printiedig hyn ynghyd gan Owen Roberts, 1866-1889, a'u cyflwyno gan ei fab at wasanaeth Eglwys Engedi yn 1906 fel y nodwyd yn y gyfrol.

Papurau'n ymwneud â'r organ, gan gynnwys llyfrau cofnodion Pwyllgor yr Organ, 1893-1900, 1900-1908, a 1909-1911; llythyrau cais, 1910, am swydd organydd; llyfr cofnodion dewis organydd, 1946, a chofnodion y Pwyllgor Cerdd 1947; ynghyd â llythyr, 1985, am gyflwr yr organ.

Llyfr cofnodion a llythyrau, 1909, yn ymwneud â galw gweinidog newydd pan ddewiswyd y Parchedig John Owen.

Cofnodion, 1938-1970, yn ymwneud â threfnu cyfarfodydd Cymdeithasfa'r Gogledd.

Llythyrau'n ymwneud â'r Pwyllgor Bugeiliol, 1989-1991, yn arbennig dewis olynydd i'r Parch. Trefor Jones i fod yn gyfrifol am Ofalaeth Bresbyteraidd Caernarfon (Eglwysi Beulah, Engedi a Phenygraig). Ceir hefyd gofnodion y pwyllgor a phwyllgorau eraill, 1989-1996, gan gynnwys Pwyllgor y Tair Eglwys.

Llyfrau'r Trysorydd, 1924-1991, ynghyd â ffeiliau o ohebiaeth, 1977-1994, yn ymwneud â materion ariannol.

Papurau a gasglwyd gan William Roberts, Bod Gwilym, yn rhinwedd ei swydd fel blaenor yn Eglwys Engedi ac fel ysgrifennydd ystadegol. Ymhlith y papurau ceir anerchiad J. W. Jones 'Pentwthill-Adgofion a Golygfeydd' ar gyfer Cymdeithas Lenyddol Engedi, 1902, a thorion o'r wasg a ffotograffau'n ymwneud â dathlu canmlwyddiant yr Eglwys yn 1942. Ceir papurau rhai blaenoriaid a'i ragflaenodd hefyd.

Manylion am hanes codi Eglwys Beulah, ynghyd â llythyrau, 1884-1886, yn ymwneud â'r gwaith hwn a thocyn aelodaeth aelod yn Eglwys Moriah, 1844, a phenderfyniadau cyfarfod o swyddogion Eglwysig Moriah ac Engedi, 1849. Ceir hefyd ymdriniaeth 'Cipdrem ar Fywyd Ysbrydol Engedi Ddeugain Mlynedd yn ol' a gyflwynwyd yn 1936, taflen Dathlu Canmlwyddiant a Hanner 1842-1992 Eglwys Engedi, a thaflenni gwasanaethau Nadolig, 1992-1996.

Papurau amrywiol, 1844-1975, gan gynnwys rhai a grynhowyd gan yr Eglwys fel 'dyddlyfr' Goleufryn a phapurau William Roberts.

Cofrestri anghydffurfiol, 1866-1998; cofrestri Eglwysig, 1864-1975; llyfrau cofnodion, 1882-1999; llyfrau cofnodion eraill, 1871-1996; gohebiaeth, 1940-1998; papurau'n ymwneud â chynnal a chadw'r adeilad, 1901-1998; gweithredoedd, 1809-1929; cyfarfodydd gweddi, 1867-1909; tocynnau aelodaeth, 1939-1997; ffurflenni claddedigaeth, 1917-1944; ystadegau, 1938-[1993]; eiddo'r Eglwys, 1937-1990; a holiadur, [1922]-[1998], am gynnal oedfaon.

Cofrestri Cymdeithas Ddirwestol Engedi, [1862]-1965, llyfr cofnodion Cyfarfod Cystadleuol, 1884-1885, a phapurau'n perthyn i Gymdeithas Lenyddol Engedi, 1883-1927.

Cofnodion ariannol yn cynnwys llyfrau casgliadau, 1841-1982, llyfrau'r eisteddleoedd, 1852-1975, llyfrau'r weinidogaeth, 1898-1991, papurau'r Trysorydd, llyfrau cyfraniadau at Y Casgliad Chwarterol a'r Gronfa Gynnal, ynghyd â ffurflenni cyfamodi, 1951-1986, buddsoddiadau, 1952-1996, yswiriant, 1940-1995, a phapurau ariannol amrywiol, 1910-1997.

Papurau, 1917-1983, yn ymwneud ag Ysgol Sul Mark Lane, gan gynnwys llyfr cyfrifon a llafur, 1917-1926, a llyfr cofnodion, 1953-1973.

Llythyrau, 1988-1995, yn ymwneud â phrynu a gwerthu'r tir a ddefnyddiwyd fel maes parcio Eglwys Engedi.

Llythyrau, 1986-1991, yn trafod materion amrywiol yn ymwneud â'r Eglwys.

Llythyrau, 1967-1979, yn ymwneud â gofalwyr yr Eglwys, ynghyd â thaflenni ystadegol, 1967-1977.