Showing 33 results

Deialogau ac ymarferion a luniwyd gan Norah Isaac a llawysgrif cyfrol arfaethedig o sgyrsiau ar gyfer plant 'Sut hwyl a da boch chi', [1980].

Llungopi o gerdd 'Nora' gan Gwenallt a gyflwynwyd i Norah Isaac wedi iddi actio mewn drama gan J. B. Priestly yn 1949; 'Yr olygfa fawr' gan Brinley Richards, 1979, wedi iddo weld y pwythau a gafodd yn dilyn ei llawdriniaeth yn Ysbyty Westminster, 1978; 'Wynebau' gan T. Glynne [Davies], 1981; englynion 'Merch y Llwybrau', [1985] gan [J.] Eirian Davies ; ffotograff o boster E. Meirion Roberts, [1987], yn cynnwys englyn T. H. Parry-Williams iddi; 'Cywydd i gyfarch Norah Isaac' (printiedig) gan T. Gwynn Jones, 1989; a 'Cyfarchion penblwydd i Norah Isaac', papur bro Cwlwm, Rhagfyr 1994.

Rhannau mewn teipysgrif, gydag ychwanegiadau mewn llawysgrif, gan Norah Isaac o'i phortread o Syr Ifan ab Owen Edwards, a gyhoeddwyd gan Wasg Prifysgol Cymru yn 1972. Nid yw'r tudalennau yn dilyn. Ceir hefyd sgript deledu ar gyfer plant, 1958, ar 'O.M.', pan gafwyd cyfraniad gan Norah Isaac i'r rhaglen.

Papurau'n ymwneud â chyfnod Norah Isaac fel darlithydd yn Y Barri yn cynnwys rhaglen gwaith llafar y myfyrwyr, 1950, yn seiliedig ar nofelau a barddoniaeth T. Rowland Hughes; taflenni a baratowyd ganddi, [1952]-[1954], yn cynnwys sgyrsiau ac yn ymwneud â gwaith llenorion; anerchiad coffa Syr Ben Bowen Thomas, 1956, i Ellen Evan, Prifathrawes Coleg Y Barri, 1923-1953 (printiedig); llyfr yn cynnwys ymarferion ail iaith gan Norah Isaac ar gyfer dysgwyr a luniodd tra yn Y Barri; 'Miss Isaac-yn cofio'r cychwyn cynnar' yn Addysg Gymraeg yn y Barri [1992]; a llun o feim myfyrwyr y coleg yn Llundain, [1956].

Torion o'r wasg, 1934-1936, yn ymwneud â'r achos yn bennaf.

Cerddi, 1932-1991, yn cynnwys 'Y Blacowt' mewn tafodiaith a llyfr ysgrifennu Norah Isaac pan oedd yn ddisgybl yn Ysgol Blaenllynfi, gan gynnwys cerdd 'Y claf wrth yr oenig', 1933, 'Unigedd', 1932, a soned 'Gwersyll yr Urdd, Llangrannog', 1934; emyn Gŵyl Ddewi; cerdd 'To my music teacher in the twenties', 1976; cerdd rydd ganddi ar achlysur gweinyddu'r cymun olaf yn Eglwys Noddfa (1897-1991), Caerau, Maesteg, Rhagfyr 1991; ynghyd â chyfieithiad o'r emyn 'Arglwydd gad im dawel orffwys' i'r Saesneg.

Papurau amrywiol, 1927-2003, gan gynnwys tystysgrif Norah Isaac am ennill yr ail wobr am adrodd 'Y Crythor Dall' gan [Syr John Morris-Jones] yn Eisteddfod Genedlaethol Caergybi 1927; papur arholiad llenyddiaeth Gymraeg Norah Isaac yn dwyn stamp Eisteddfod Genedlaethol Treorci 1928; ei nodiadau, 1945, ar gyfer y Pwyllgor Ymgynghorol ar Addysg yng Nghaerdydd; atgynhyrchiad o [Idris Ll. Foster, Y Gymraeg yn yr Ysgolion Gramadeg (Undeb Cymru Fydd, 1952), gyda sylwadau wedi'u hychwanegu gan Norah Isaac; llungopi o adolygiad, [1950x1958], o 'Hamlet yn Gymraeg - a gan ferched yn unig. Campwaith yn y Barri' ac o adolygiad Mati Rees o Norah Isaac, Crwydro Gorff a Meddwl [Abertawe, 1980]; llyfr nodiadau'n cynnwys sgwrs Norah Isaac ar gyfer rhaglen 'Wythnos i'w chofio', 1976; a thaflen angladd Norah Isaac, 11 Awst 2003.

Ymhlith y papurau ceir llythyr, 1909, oddi wrth Cybi at 'Mr [O. M.] Edwards'; enghreifftiau o waith cwrs ei myfyrwyr drama gan gynnwys cyfieithiad Robert Wynne, 1951, o ddrama Saunders Lewis 'Amlyn ag Amig' i'r Saesneg gyda'r teitl 'The Christmas Candle' [fe'i darlledwyd gan y BBC yn 1948 a 1950]; drama am Ellis Wynne gan Janet B. Thomas; 'Ysgol Sir Tregaron a'r ddrama' gan Eirlys Morgan; 'Golygfa o fywyd Richard Wilson' gan ?; stori 'The adventures of Arabella Penn. "The ivory doll"' gan Tudur Watkins, 1954; 'By the waters of the Towy' gan Richard Vaughan, [1973]; llyfryddiaeth 'Wil Hopcyn and the Maid of Cefn Ydfa' gan Brinli [Brinley Richards], 1978; 'Marwnad Saunders Lewis' gan Alan Llwyd, [1985], mewn teipysgrif; a llungopi o bapur arholiad Cymraeg ar gyfer ysgoloriaeth y Frenhines, Coleg Hyfforddi Caerfyrddin, Mawrth 1849.

Papurau amrywiol yn ymwneud â theithiau Norah Isaac i Israel yn 1984 ac 1986, gan gynnwys ei hargraffiadau a cherdyn yn dangos Gweddi'r Arglwydd yn Gymraeg ar Fur Eglwys Pater Noster yn Jerwsalem, a manylion am y bererindod i Dwrci 1985.

Eitemau printiedig, 1886-[1983], gan gynnwys cerdd goffa Myfyr Emlyn, 1886, i'r Parch. R. Hughes (1820-1885), Bethania, Maesteg; rhaglen, 1949, ar gyfer perfformiad Aelwyd yr Urdd, Aberystwyth, o 'Amser' (cyfieithiad Elsbeth Evans o J. B. Priestley, 'Time and the Conways') pan fu Norah Isaac yn actio rhan Eirian; y cylchgrawn Llwyfan, Gwanwyn 1969, yn cynnwys erthygl 'Y ddrama yn y Coleg Addysg' ganddi; rhaglen cyflwyniad teyrnged Theatr yr Ymylon i Saunders Lewis yn bedwar ugain oed yn [1973]; taflen angladd Aneurin Jenkins-Jones, 1981; a rhaglen gwasanaeth angladd Carwyn James, 1983.

Sgript 'Gwaed yr Uchelwyr' gan Saunders Lewis a berfformiwyd gan Gwmni Cofio, 1985, yn Theatr Halliwell, Coleg y Drindod, Caerfyrddin, ynghyd â rhaglen, ac adolygiad, 1985, o bapur bro Y Gambo.

Sgript 'Corlannu pobl' yn cynnwys y diwygiadau i'r testun a gyhoeddwyd fel Corlannu pobl. Cyflwyniad dramatig i ddathlu tri chanmlwyddiant geni Griffith Jones Llanddowror, ynghyd â thalfyriad o'r sgript a ddangoswyd ar S4C yn 1983, a thaflen o syniadau am Griffith Jones gan Muriel Bowen Evans ar gyfer athrawon (yn y gyfres 'O bant i bentan', 1983).

Sgript 'copi'r Cwmni', 1975, rhaglen, 1975, a dau ffotograff, ynghyd â rhaglen Gŵyl Bro'r Preseli, 1976, pan berfformiwyd cyflwyniad llafar 'Gwyn eu byd ...' gan Gwmni Lleisiau Llên.

Y sgript wreiddiol 'Iolo neu Galon wrth Galon' a berfformiwyd yn Eisteddfod Genedlaethol Bro Myrddin 1974 ac a gyhoeddwyd fel Iolo yn 1975, ynghyd â sgript 'Iolo Morgannwg' ar gyfer y teledu, 1978, gyda llythyrau oddi wrth Ifor Rees, cynhyrchydd gyda'r BBC. Ceir hefyd sgript 'Iolo' wedi'i diwygio. Mae'n bosib mai sgript ar gyfer perfformiad Cwmni Iolo, 1992, i ddathlu daucanmlwyddiant Gorsedd y Beirdd yn Theatr y Lyric, Caerfyrddin, ydoedd.

Sgript ['Yr ogof' cyfieithiad Alwena Owen o ddrama Jean Anouilh 'La grotte' a berfformiwyd gan Gwmni Coleg y Drindod yn 1968].

Sgript 'Priodas waed', cyfieithiad o ddrama Federico Garcia Lorca, a gyflwynwyd gan Gwmni Coleg y Drindod, Caerfyrddin yn [Eisteddfod Genedlaethol Y Drenewydd, 1965], ynghyd â manylion am y cynhyrchiad o [Raglen y Dydd]. [Troswyd y ddrama i'r Gymraeg gan John Davies a John Rowlands a'i golygu gan Gareth Alban Davies].

Rhaglenni nodwedd, 1951-1985 (gyda bylchau), a baratowyd ar gyfer cyrsiau gan gynnwys 'Gwaith llafar a chyd-adrodd', Cwrs Penwythnos Urdd Gobaith Cymru, 1951, a 'Dros y Mynydd Du i Frynaman', Gŵyl Gyhoeddi Drama'r Urdd, 1985; ynghyd â sgript Gŵyl Ddewi yn Neuadd Albert, Llundain, 1958, yn arwain at eitem Coleg y Drindod sef meim, a sgriptiau pasiant hanes Sir Frycheiniog, 1958. Syniad Norah Isaac oedd hwn a wreiddiwyd mewn cwrs i athrawon cynradd y sir yn 1957. Ceir hefyd ddramodigau, [1957]-[1962], gan gynnwys rhai o'r Beibl a'i nodiadau ar gyfer llunio rhaglen mewn cwrs ym Mhlasty'r Cilgwyn, 1957.

Nodiadau, [1992], gan Norah Isaac am ei chynyrchiadau llwyfan, 1936-1992, gan gynnwys perfformiadau gan ddisgyblion yr Ysgol Gymraeg, Aberystwyth, ei myfyrwyr yn Y Barri a Chaerfyrddin, Cymdeithas Bro Myrddin, a Chwmni Lleisiau Llên, ynghyd â rhestr o gymeriadau y bu yn eu portreadu fel plentyn ac fel oedolyn ar y radio.

Sgript 'Y Penadur' a berfformiwyd gan Gwmni Buchedd Dewi yn Eglwys Gadeiriol Tyddewi mewn llyfr nodiadau gyda chyfarwyddiadau goleuo, manylion gwisgoedd ac yn y blaen wedi'u hychwanegu ganddi a cherddoriaeth a gyfansoddwyd gan Terry James. Ceir llythyrau oddi wrth yr Archesgob George Noakes, 1989 a 1990, ac oddi wrth Paul Peter Piech, 1990. Mae emyn 'Crist yr Athro mawr, a'n dysgodd ...' gan Norah Isaac ar gefn y rhaglen.

Sgript camera 'Anterliwt Tri Chryfion Byd', 1962, ar gyfer TWW; copi o Norah Isaac (golygydd), Tri Chryfion Byd (Llandysul, 1975) gyda nodiadau wedi'u hychwanegu ganddi'n ddiweddarach ar gyfer anerchiadau am anterliwtiau, ynghyd â dau ffotograff o gast Aelwyd y Barri yn 1953 a Pharti Tri Chryfion Byd yn 1994. Ceir hefyd sgript rhaglen drama ddogfen 'Profi pob peth neu Twm o'r Nant mae Cant yn y'ngalw', [?1975x1976], ynghyd â chopi o Gwaith Thomas Edwards (Twm o'r Nant) (Lerpwl, 1874) gyda'r tudalen deitl a thudalennau eraill yn eisiau ac yn cynnwys llythyr oddi wrth Joseph W. Hughes, 1963, yn cyflwyno'r gyfrol iddi fel gwerthfawrogiad wedi iddo weld perfformiad o'r anterliwtiau yn Llandudno y flwyddyn honno. Mae'r llyfr yn dwyn enw Edward Peate, Glanrhyd, Llanbrynmair, 1874.