Casgliad o lawysgrifau'n perthyn ac yn cyfeirio at y Parch. Enoch Ellis Jones, Deiniolen, a fu'n weinidog am nifer o flynyddoedd gyda'r Methodistiaid Calfinaidd yn Eglwys y Bowydd, Blaenau Ffestiniog. Mae'r papurau yn cynnwys llythyron, dyddiaduron, areithiau, traethodau llenyddol a diwinyddol, pregethau a llyfrau nodiadau, 1887-1941. Mae yna un llythyr cydymdeimlad wedi ei ddyddio 1942 at Mrs Nan Jones, gweddw'r Parch. E. Ellis Jones, yn cyfeirio at farwolaeth ei gŵr ym mis Tachwedd 1941.