Cyfres A 4-8. - 'Trafodion Urdd Gobaith Cymru' (cyfrolau rhwymedig),

Yng Nghyfarfodydd Blynyddol Cymru UGC a gynhaliwyd yn Aberystwyth, 21 Hydref 1939, canfuwyd y buasai'n amhosibl galw Cyngor y Cwmni ynghyd yn fynych oherwydd anawsterau a ddaeth i fod gyda'r rhyfel. Fe benderfynodd y Cyfarfod ethol Y Pwyllgor, gydag aelodaeth o gyffiniau Aberystwyth, i fod yn gefn i'r Swyddfa yn yr argyfwng. O fewn y 'Trafodion' ceir papurau amrywiol a ddeilliai o'r Pwyllgor - agenda, cofnodion, memoranda, cylchlythyrau a rhai papurau ariannol - ac a gesglid ynghyd gan William Williams, Bronallt, Caradog Road, Aberystwyth, aelod o'r pwyllgor. Mae'r trafodion hefyd yn cynnwys papurau'n ymwneud â nifer fawr o is-bwyllgorau UGC.