Dangos 66 canlyniad

Llythyrau yn trafod materion Cymreig a'r Urdd yn bennaf, ynghyd â phapurau'n ymwneud â mordeithiau'r Urdd, 1933-1962.

Papurau yn ymwneud â'r amrywiol ymgyrchoedd gwleidyddol yr oedd Dr Iorwerth Hughes Jones yn ymwneud â hwynt, [c.1937]-1964, megis yr ymgyrch dros Senedd i Gymru; yr ymgyrch dirprwyaeth teledu a oedd yn ymgyrchu i gael rhagor o raglenni Cymraeg ar y teledu; a'r Ddeiseb Genedlaethol, oedd yn ymgyrch dros gael statws cyfartal i'r Gymraeg mewn llysoedd.

Llythyrau a math o anerchiad yn ymwneud â chael mwy o raglenni Cymraeg ar y teledu ynghyd â llythyr yn trafod cyfarfod i drafod y pwnc yn Nhŷ'r Cyffredin, 1956.

Papurau yn ymwneud â'r ymgyrch dros Senedd i Gymru, [c.1939]-1964, gan gynnwys torion papur newydd; llythyrau; nodiadau gan Dr Iorwerth Hughes Jones; llyfryn Home Rule for Wales (y tu fewn i'r llyfryn mae poster ar gyfer Eisteddfod Genedlaethol Abertawe, 1964); pamffled rali Plaid Cymru yng Nghaerdydd, 1953, a llyfryn gan Dr J. Gwyn Griffiths, A Parliament in Cardiff; rhaglen i ginio 'Senedd yng Nghaerdydd' a threfn y seddau.

Papurau yn ymwneud â'r Ddeiseb Genedlaethol, [c.1937]-[c.1945], sef ymgyrch dros gael statws cyfartal â'r Saesneg i'r iaith Gymraeg mewn llysoedd.

Llyfr torion yn cynnwys torion papur newydd a rhai llythyrau yn ymwneud â'r artist Ceri Richards, ei weithiau a'i arddangosfeydd, [1946]-[1971].

Copi o'r llyfr The Antiquities of Nations (Llundain, 1706), gyda nodiadau llaw gan John Williams, [1780]-[1786].

Papurau'n ymwneud ag ymgyrchoedd etholiadol Dr Iorwerth Hughes Jones, rhwng 1947 a 1955 yn Ward Sgeti, ac yn cynnwys llythyrau yn ei longyfarch ar ei lwyddiant yn etholiad 1947, yn eu plith llythyrau oddi wrth John Jenkyn Morgan a D. Rhys Phillips; pamffledi ymgyrchu; torion papur newydd; papurau yn ymwneud â chostau; ac anerchiad etholiad, dyddiedig 17 Tachwedd 1923, er nad yw yn glir os mai ysgrifen Dr. Iorwerth Hughes Jones yw hwn.

Papurau yn ymwneud â dathliadau jiwbili Coleg y Brifysgol, Abertawe, 1970.

Llythyrau yn ymwneud â Phlaid Cymru, 1926-1945.

Llawysgrifau hanesyddol a gasglwyd gan Dr Iorwerth Hughes Jones, 1659-1953, gan gynnwys llyfryn a gyhoeddwyd yn 1659.

Papurau yn ymwneud â'r bardd Vernon Watkins, 1941-1970, gan gynnwys llythyrau oddi wrtho ef a'i wraig at eu plant ac at Dr Iorwerth Hughes Jones a'i wraig, ynghyd â llythyr oddi wrth Miss J. McConnick at Mrs Iorwerth Hughes Jones, llythyr oddi wrth fam Vernon Watkins at Dr Iorwerth Hughes Jones ar ôl marwolaeth ei mab, a chardiau printiedig yn diolch am gydymdeimlad; torion papur newydd yn ymwneud â Vernon Watkins a'i waith, gan gynnwys adroddiadau ar ei farwolaeth a'r gwasanaethau coffa iddo, ynghyd â rhai ysgrifau coffa; a llun o Caswell Bay.

Papurau amrywiol a ddaeth o lyfrgell gweinidog Llanwrtyd, [1800]x[1900], yn cynnwys cofrestr o anerchiadau a draddodwyd gan William Rees (Gwilym Hiraethog) yn y Tabernacle, Great Crosshall Street, Lerpwl, 1843-1846; llyfr William Williams ('Willliam Williams's book of Rememberance'), Ionawr 1824, yn cynnwys tiwn gron a nodiadau pregethau; llyfr llawysgrif o donau emynau; nodiadau ar Gyngor Trent; llyfr rhifyddeg Miss (Mary) Elias (sydd yn cynnwys nodiadau pregethau ar y tudalennau gwag); llyfr nodiadau mathemateg sy'n cynnwys adysgrif o gerdd gan Philip Morgan, a gyhoeddwyd yn Seren, 1844; gweithred ('deed of gift') o chwarter acer i adeiladu ysgol a thŷ ysgol yn Llanwrtyd; rhestr o guradon Llanwrtyd, 1754-1771 a darnau allan o gofrestri plwyf Llanwrtyd 1772-1805; torion papur newydd; llyfrau nodiadau yn cynnwys darlithoedd a phregethau, a phregethau nifer ohonynt gan John Griffiths; ynghyd â dyddiadur y Parch Richard James, Llanwrtyd, yn ei law ei hun, [1874]-[1875].

Papurau yn ymwneud â'r arlunydd Evan Walters, 1926-1971, gan gynnwys llythyrau oddi wrth ac at Evan Walters; brasluniau inc a phensil; torion papur newydd yn ymwneud yn bennaf â'i farwolaeth; deunydd printiedig, megis rhaglenni arddangosfeydd, cerdyn aelodaeth ei dad i'r 'Amalgamated Society of Woodworkers' a'i gerdyn yn nodi cyfraniadau i'r 'Loyal Treboeth Lodge'; mae yma hefyd ffotograff o un o luniau Evan Walters.

Cyfrolau, papurau a dogfennau a gasglwyd gan Edward Griffith, Y.H., 1691-1918, Springfield, Dolgellau, gan gynnwys cofrestr a oedd yn wreiddiol yn gofrestr o'r cytundebau adbryniadau o'r trethi tir yn Sir Feirionnydd, 1799-1804, ond a ddefnyddiwyd wedyn fel llyfr lloffion gan Edward Griffith; llawysgrif yn rhestru aelodau Cymdeithas Ddiwinyddol Capel Salem Dolgellau, a chofnodion o gyfarfodydd y Gymdeithas, 1854-1856 (defnyddiwyd tudalennau gwag y gyfrol gan Edward Griffith i gofnodi amrywiol bethau); dau gopi o ach wedi eu cymryd allan o Lyfr Pantphillip (Llawysgrif NLW 2691), ac achau teulu Cae'r Berllan, Llanfihangel-y-Pennant, Meirionnydd; a phapurau rhydd yn cynnwys erthygl papur newydd, ymrwymiad, derbyneb, ewyllysiau, nodiadau, hanes ac ach teulu Rhys Lewis, cytundeb prentisiaeth, tystysgrifau, copi o achau'r Tuduriaid o Gefnrowen a gweithred.

Mae'r archif yn adlewyrchu diddordebau amrywiol Dr Iorwerth Hughes Jones, ac yn cynnwys gohebiaeth, papurau personol, nodiadau, ffotograffau, torion papur newydd, a phapurau a dderbyniodd gan eraill.

Papurau'n ymwneud â'r arlunydd Ceri Richards, 1938-1972, gan gynnwys llythyrau oddi wrth Ceri Richards a Frances Richards at Dr Iorwerth Hughes Jones, ei wraig Elizabeth a'i dad W. Glasnant Hughes Jones, ynghyd â llythyrau gan bobl eraill at Dr Iorwerth Hughes Jones yn ymwneud â Ceri Richards; cardiau nadolig gwreiddiol oddi wrth Ceri a Frances Richards at Dr Iorwerth Hughes Jones a'i wraig; gwahoddiadau i arddangosfeydd; nodiadau ar hanes Ceri Richards a'i deulu; a negatif o lun o Ceri Richards yn Rhoshili.

Papurau yn ymwneud â dyletswyddau cyhoeddus Dr Iorwerth Hughes Jones, 1947-1960, gan gynnwys pamffled a gwahoddiad i agoriad swyddogol llyfrgelloedd ym Mrynmill, Cila, Dunvant a Blaenymaes; llythyr yn trafod materion yn ymwneud â Dunvant; rhaglen a gwahoddiad i agoriad neuadd Ysgol Uwchradd Sir Dunvant; llythyr yn trafod y llewod ar giatiau parc Sgeti; a rhaglen cinio Gŵyl Ddewi Cymmrodorion Abertawe, sydd â chopïau o gerddi y tu fewn iddi.

Llawysgrif fer yn ysgrifen y diweddar Parch. H. Elvet Lewis (Elfed), [c.1938], yn cynnwys ychydig o emynau Cymraeg a Saesneg, nodiadau ar gyfer pregethu a cherdd yn dechrau gyda'r geiriau 'Within Assisi's walls two evil flames of wrath'.

Papurau yn ymwneud â'r mudiadau a'r sefydliadau yr oedd Dr Iorwerth Hughes Jones yn ymwneud â hwynt, 1926-1970, sef Plaid Cymru, Yr Urdd, ymgyrchoedd gwleidyddol a Phrifysgol Cymru, Abertawe.