Showing 1587 results

Mae'r gyfres yn cynnwys papurau'r Pwyllgor Hanes Llenyddiaeth; adroddiadau a gohebiaeth berthynol yn bennaf.

Mae'r gyfres yn cynnwys cofnodion y Pwyllgor Staffio a rhai papurau perthynol.

Mae'r ffeil yn cynnwys gohebiaeth yn trafod sefydlu'r Academi Gymreig dan ysgrifenyddiaeth a chadeiryddiaeth dros dro Bobi Jones a Thomas Parry, ac yn cynnwys trafodaeth ar natur ac aelodaeth wreiddiol yr Academi, gwahoddiadau i ymuno â hi ac ymatebion y rhai a wahoddwyd, ynghyd â llungopïau o'r ymateb a fu i'r newyddion yn y wasg. Mae'r llenorion dan sylw yn cynnwys Gwenallt, Gwilym R. Jones, J. Gwyn Griffiths, Waldo Williams, Islwyn Ffowc Elis, Kate Roberts, Euros Bowen, Aneurin Talfan Davies, Alun Llywelyn-Williams, Elis Gwyn Jones, Emyr Humphreys, R. S. Thomas, John Gwilym Jones a Pennar Davies. Ar gefn drafft o lythyr gan Bobi Jones mae copi o eirda a roddwyd iddo gan Griffith John Williams ym 1952.

Mae'r ffeil yn cynnwys llythyrau sy'n trafod gwaith yr Academi o ddydd i ddydd dan ysgrifenyddiaeth Bobi Jones, ynghyd â sylwadau ar gyhoeddi Taliesin. Mae'n cynnwys llythyrau gan, a chyfeiriadau at, nifer fawr o lenorion adnabyddus, yn eu plith; D. Myrddin Lloyd, T. H. Parry-Williams, John Gwilym Jones, R. Gerallt Jones a J. E. Caerwyn Williams.

Mae'r ffeil yn cynnwys llythyrau sy'n trafod gwaith yr Academi o ddydd i ddydd dan ysgrifenyddiaeth Euros Bowen, a threfniadau Cynhadledd Caredigion Taliesin yn benodol, ynghyd â sylwadau ar gyhoeddi Taliesin. Mae'n cynnwys llythyrau gan, a chyfeiriadau at, nifer fawr o lenorion adnabyddus, yn eu plith; J. E. Caerwyn Williams, R. S. Thomas, Islwyn Ffowc Elis a Gwenallt. Ceir cyfeiriadau at roi Gwobr Griffith John Williams i Gwaed Gwirion, Emyr Jones, yn ogystal â chyfeiriadau Tecwyn Lloyd at rai o helyntion is-etholiad Sir Gaerfyrddin, 1966 a llythyr oddi wrth Vernon Jones, athro yn Ysgol y Berwyn y Bala, yn cynnig y syniad, am y tro cyntaf, o enwebu Saunders Lewis ar gyfer Gwobr Nobel.

Mae'r ffeil yn cynnwys llythyrau sy'n trafod gwaith yr Academi o ddydd i ddydd dan ysgrifenyddiaeth Gwyn Thomas. Mae'n cynnwys llythyrau gan, a chyfeiriadau at, nifer fawr o lenorion adnabyddus, yn eu plith; Rhydwen Williams, Gwynne Williams, Marion Eames ac R. Bryn Williams. Ceir cyfeiriadau at gyflwyno Gwobr Goffa Griffith John Williams i Saunders Lewis, yn 1968, am Cymru Fydd^ ac i J. G. Williams, yn 1970, am Pigau'r Ser.

Mae'r ffeil yn cynnwys llythyrau sy'n trafod gwaith yr Academi o ddydd i ddydd. Mwyafrif yr ohebiaeth yw llythyrau at, ac oddi wrth, y Cadeirydd, Bobi Jones, yn trafod y newidiadau cyfansoddiadol a gynigiwyd ganddo a'r syniad o ddefnyddio Bodiwan, Y Bala, fel canolfan i'r Academi.

Mae'r ffeil yn cynnwys gohebiaeth rhwng swyddogion cyflogedig a swyddogion etholedig yr Academi Gymreig, 1979-1987, ac yn adlewyrchu eu gweithgraedd o ddydd i ddydd.

Mae'r ffeil yn cynnwys gohebiaeth rhwng yr Athro Geraint Gruffydd, y Cadeirydd, a'r swyddogion cyflogedig, sy'n adlewyrchu peth o weithgaredd yr Academi o ddydd i ddydd rhwng 1986 a 1988.

Mae'r ffeil hon yn cynnwys gohebiaeth gyffredinol sy'n adlewyrchu gwaith yr Academi o ddydd i ddydd dan gadeiryddiaeth yr Athro Geraint Gruffydd, 1987-1988. Mae'n cynnwys cryn dipyn o ohebiaeth yn trafod y gwaith ar Eiriadur yr Academi, achos R. S. Thomas yn erbyn y Cyhoeddwr Christopher Davies, adroddiad manwl ar Gynllun Ymchwil yr Academi a gyhoeddwyd yn Ionawr 1988 a datganiadau bod J. Beverly Smith a Ray Evans wedi ennill Gwobr Goffa Griffith John Williams ar gyfer 1986 am eu cyfrolau Llywelyn ap Gruffydd Tywysog Cymru a Y Llyffant.

Mae'r ffeil yn cynnwys papurau yn ymwneud ag enwebu aelodau newydd ar gyfer Hydref 1983. Etholwyd T. Glynne Davies, Meredydd Evans, Dafydd Ifans, Gruffydd Parry ac Urien William.

Mae'r ffeil yn cynnwys papurau yn ymwneud ag enwebu aelodau newydd ar gyfer 1985. Ceir yma lythyrau gan Gerallt Lloyd Owen, William R. Lewis a Menna Elfyn yn derbyn eu henwebiadau.

Mae'r grŵp hwn yn cynnwys papurau sy'n ymwneud ag achosion penodol ac anghyffredin yn ymwneud ag aelodau a staff yr Academi.

Mae'r ffeil yn cynnwys copi o gais 1971, ynghyd â chywiriadau ac ychwanegiadau a wnaethpwyd ar gyfer cais 1977.

Mae'r ffeil yn cynnwys copi o gais 1977, ar ffurf dwy gyfrol, y gyntaf yn ymgorffori'r cais a'r llyfryddiaeth a'r ail yn cynnwys cyfieithiadau o beth o'i waith.