Showing 3783 results

Ychydig eitemau pellach o blith papurau Llyfni Huws, diweddar ŵr y rhoddwr [gweler Adroddiad Blynyddol 1975-76, t. 41], sef, copiau o lythyrau cymeradwyaeth at Arglwyddes Llanofer ar ran Llyfni Huws, 1906; dyddiadur ei dad am y flwyddyn 1908; cyfrol o farddoniaeth o waith, ac yn llaw, Llyfni Huws, 1915-46; cyfrol o dorion papur newydd ar iaith a llenyddiaeth Gymraeg o'r Darian, 1917-1918; cerdyn post yn dwyn englyn cyfarch gan Gwilym R. Jones, Dinbych, 1942; llythyr oddi wrth Bob Owen, Croesor, 1947; a llythyr oddi wrth Goronwy [O. Roberts, A.S.], 1958.

Dyddiadur John Davies yn cofnodi ei brofiadau fel milwr yn y Rhyfel Byd Cyntaf yn gwasanaethu ym mhentref Reninghelst, Gwlad Belg, Gorffennaf-Rhagfyr 1915. Yr oedd yn wreiddiol o Drefach Felindre, Sir Gaerfyrddin. Darparwyd nodyn bywgraffyddol amdano gan y rhoddwr Mrs Eunice Davies. = Diary of John Davies recording his experiences as a soldier in World War One serving in the village of Reninghelst, Belgium, July-December 1915. He was originally from Drefach Felindre, Carmarthenshire. A biographical note has been included by the donor Mrs Eunice Davies.

Dwy gyfrol yn perthyn i Gymdeithas Cymry Manceinion (Cymdeithas Genedlaethol Cymry Manceinion yn wreiddiol), sef llyfr cofnodion, 1954-1991, gan gynnwys rhaglenni'r tymor, a llyfr lloffion yn cynnwys erthyglau papurau newydd yn nodi gweithgareddau’r gymdeithas a'r eglwysi, 1925-1932. Dathlodd y gymdeithas ei chanmlwyddiant ym 1986. = Two volumes relating to Cymdeithas Cymry Manceinion (Manchester Welsh Society, originally known as Manchester Welsh National Society), being a minute book, 1954-1991 including programmes of events, and a scrap-book containing newspaper articles, 1925-1932, detailing the society’s activities and also the churches. The society celebrated its centenary in 1986.

Papur a gyhoeddwyd gan Gymdeithas yr Iaith Gymraeg ar faes yr Eisteddfod Genedlaethol a gynhaliwyd yn yr Wyddgrug, Awst 2007, yn dwyn y teitl 'Ardal yr Wyddgrug. Gwers i Gymru gyfan. Astudiaeth achos o ddatblygiadau tai anaddas', ynghyd â thaflen yn hysbysebu protest 'Coleg Cymraeg NAWR' ar y maes.

Two essays submitted by D. T. Evans, Cross Lane, Croes-lan Llandysul for local eisteddfodau, namely 'Tai Dadfeiliedig Plwyfi Bangor, Llanfair, a Llandysul hyd ochr orllewinol Afon Cerdin' (1921), and 'Diffygion Amaethyddiaeth Sir Aberteifi' (1923). = Dau draethawd a gyflwynwyd gan y diweddar Mr. D. T. Evans, Cross Lane, Croes-lan Llandysul, mewn eisteddfodau lleol, sef 'Tai Dadfeiliedig Plwyfi Bangor, Llanfair, a Llandysul hyd ochr orllewinol Afon Cerdin' (1921), a 'Diffygion Amaethyddiaeth Sir Aberteifi' (1923).

Copïau teipysgrif (3) o draethawd (54 tt.) gan y diweddar Athro J. Lloyd Williams ar 'Cerddoriaeth y Brythoniaid' yn ymwneud â'r dystiolaeth o weithgareddau cerddorol ymysg y Brythoniaid a'r Cymry o gyfnod y Derwyddon hyd at ddiwedd y ddegfed ganrif. = 'Three copies (duplicated typescript) of an essay (54pp.) in Welsh by the late Professor J. Lloyd Williams on 'Cerddoriaeth y Brythoniaid' in which he examines the evidence relating to musical activities amongst the Britons and Welsh from Druidic times to the late tenth century.

Tair ffeil yn cynnwys papurau'n ymwneud â Hen Ysgol Ramadeg Edward Richard (1714-1777), Ystrad Meurig, a hanes yr ymgyrch i ddiogelu’r adeilad er budd y gymuned leol, gan gynnwys cofnodion cyfarfodydd Cyfeillion yr Hen Ysgol, 1997, llythyrau oddi wrth CADW a Thomas Lloyd, a thorion o'r wasg = Three files containing papers relating to the Edward Richard (1714-1777) Old Grammar School, Ystrad Meurig, and the campaign to ensure that the building was to be used for the benefit of the local community, including minutes of Friends of the school meetings, 1997, letters from CADW and Thomas Lloyd, and press cuttings.

Cyfieithiadau emynau gan Marion Eames, 1994-2001, gan gynnwys cyfieithiad Cymraeg, 1994, o emyn gan Dietrich Bonhoeffer; cyfieithiad Cymraeg o emyn y Parch. Andrew Pratt a luniwyd yn dilyn yr ymosodiadau terfysgol yn Efrog Newydd, Medi 2001; a cyfieithiad Cymraeg o emyn diolchgarwch Doreen Newport. = Translations of various hymns by Marion Eames, 1994-2001, including a Welsh translation, 1994, of a hymn by Dietrich Bonhoeffer; a Welsh translation of a hymn by the Rev. Andrew Pratt drafted following the terrorist attacks in New York, September 2001; and a Welsh translation of a thanksgiving hymn by Doreen Newport.

Papurau'n ymwneud â Duwies y Llyn, 1999, gan gynnwys drafftiau o'r gwaith, rhai llythyron yn trafod newidiadau posibl, a llyfr nodiadau yn cynnwys peth gwaith ymchwil ac yn dwyn y teitl gwreiddiol, Y Tiriadon. = Papers relating to Duwies y Llyn, 1999, including drafts, letters discussing possible changes to the text, and a notebook containing some research notes and bearing the original title, Y Tiriadon.

Drafftiau anghyflawn o'r stori fer Baner Beca, [2002x2004], ynghyd â chopi cyflawn o'r cyfieithiad Saesneg. = Various incomplete drafts of the short story Baner Beca, [2002x2004], together with a complete copy of the English translation.

Papurau'n ymwneud ag addasiad llwyfan o ddrama radio gan Marion Eames, Plentyn Di-gartref, [1985x2007], gan gynnwys sgript o'r addasiad, cyfarwyddiadau llwyfan a chopi o'r sgript radio wreiddiol. = Papers relating to a stage adaptation of the radio play by Marion Eames, Plentyn Di-gartref, [1985x2007], including a script of the adaptation, notes on stage direction and a copy of the original radio script.

Papurau ymchwil Marion Eames ar gyfer ei nofel, Y Gaeaf Sydd Unig, [1980x1982], gan gynnwys nodiadau llawysgrif ar hanes Llywelyn ap Gruffydd a'r Oesoedd Canol, a chopïau o erthyglau perthnasol. = Research conducted by Marion Eames relating to her novel, Y Gaeaf Sydd Unig, [1980x1982], including handwritten notes on the history of Llywelyn ap Gruffydd and the Middle Ages, and copies of related articles.

Gwaith ymchwil ar gyfer A Private Language?, [1992x1997], gan gynnwys erthyglau gan R. Geraint Gruffydd ar waith Dafydd ap Gwilym; copïau o nifer o gerddi Cymraeg a'u cyfieithiadau Saesneg; nodiadau ar y gynghanedd; a drafft o bennod fer ar William Williams, Pantycelyn, ac Ann Griffiths. = Research for A Private Language?, [1992x1997], including articles by R. Geraint Gruffydd on the work of Dafydd ap Gwilym; copies of numerous Welsh poems and their English translations; notes on the 'cynghanedd'; and a draft of a short chapter on William Williams, Pantycelyn, and Ann Griffiths.

Nodiadau'n ymwneud â chrefydd, [1977]-[1990], gan gynnwys nodiadau ar waith Hans Kung, 'On Being A Christian'. = Notes relating to religion, [1977]-[1990], including notes on Hans Kung, 'On Being A Christian'.

Torion o'r wasg a chyfrolau printiedig, 1969-2001, yn cynnwys cyfweliadau â Marion Eames ac adolygiadau o'i gweithiau. = Press cuttings and journals, 1969-2001, containing interviews with Marion Eames and reviews of her works.

Gohebiaeth rhwng Marion Eames a'r awdurdodau ynglŷn â'i phenderfyniad i wrthod talu dirwy parcio oherwydd diffyg darpariaeth ffurflenni cosb penodedig yn yr iaith Gymraeg, Ebrill-Medi 1987. = Correspondence between Marion Eames and the authorities concerning her refusal to pay a parking fine because of the lack of Welsh fixed penalty notices, April-September 1987.

Personalia, 1928-2002, gan gynnwys adroddiadau ysgol, 1928-1931; tystysgrifau amrywiol; tystlythyrau ar gyfer ceisiadau swyddi, 1939-1941; copïau o lythyron a dderbyniodd ei brawd-yng-nghyfraith yn ei longyfarch ar ennill y Groes Filwrol, 1945; rhaglenni cyngherddau amrywiol, 1954-2000; ysgrifau coffa, 1959-1979; taflenni trefn gwasanethau angladdau ei mam, 1979, a Saunders Lewis, 1985; a phrint gan Llewelyn Petley-Jones. = Personalia, 1928-2002, including school reports, 1928-1931; various certificates; character references for job applications, 1939-1941; copies of letters to her brother-in-law congratulating him on being awarded the Military Cross, 1945; various concert programmes, 1954-2000; obituaries, 1959-1979; orders of service for the funerals of her mother, 1979, and Saunders Lewis, 1985; and a print by Llewelyn Petley-Jones.

Cynlluniau arfaethedig ar gyfer sefydlu Canolfan Treftadaeth Y Crynwyr yn Nolgellau, 1987. = Plans for a proposed Quaker Heritage Centre in Dolgellau, 1987.

Drafftiau llawysgrif a theipysgrif o gerddi gan Griffith Williams, [1940]-[1977]. = Manuscript and typescript drafts of poems by Griffith Williams, [1940]-[1977].