Showing 982 results

Archival description
Papurau W. J. Gruffydd
Print preview View:

Papurau W. J. Gruffydd

  • GB 0210 WJGRUFFYD
  • Fonds
  • [1903]-[1952]

Papurau W. J. Gruffydd,[1903]-[1952], yn cynnwys drafftiau o erthyglau'n ymwneud â'r Mabinogi; nodiadau darlith ar gyfer ei gyrsiau Cymraeg yng Ngholeg Prifysgol Cymru, Caerdydd; nodiadau darlithoedd ac erthyglau eraill; sgyrsiau a darlledwyd gan y BBC; personalia; a grŵp sylweddol o ohebiaeth oddi wrth ffigurau llenyddol blaenllaw = Papers of W. J. Gruffydd, [1903]-[1952], including drafts of articles relating to the Mabinogi; lecture notes for his Welsh courses at University College of Wales, Cardiff; other lecture notes and articles; BBC broadcast talks; personalia; and a substantial group of correspondence from notable literary figures.

Gruffydd, W. J. (William John), 1881-1954

[T.] Huws [Davies], Kew Gardens, Surrey,

Collodd y cyfle o glywed W. J. Gruffydd yn rhoi ei anerchiad fel Llywydd y Dydd yn Eisteddfod Genedlaethol Caerdydd. Atgoffa W. J. Gruffydd o'i addewid i ysgrifennu rhagair i Gylchgrawn Ceredigion Llundain.

Richard Denham, [Pontrilas],

Diolch am gymorth W. J. Gruffydd hyd yma ond y mae W. J. Gruffydd yn ei ateb wedi awgrymu nad oes ganddo'r amser i ateb ei gwestiynau'n llawn er ei fod ar yr un pryd yn cytuno i fod o gymorth iddo. Mae'n mynd ati i esbonio sut y datblygodd ei ddiddordeb mewn enwau lleoedd a'r ffynonellau y mae wedi eu darllen hyd yn hyn. Mae'n gofyn sut y gall ddatblygu ei wybodaeth am wyddor dehongli enwau lleoedd. Mae'n barod i dreulio pedair awr y dydd yn dysgu'r grefft.

Ifan [Ab Owen] Edwards, Llanuwchllyn,

Cafodd hyd i gân W. J. Gruffydd 'I'r Diwygiwr' yn rhifyn Mawrth 1911 o [Cymru]; mae am ei hailgyhoeddi a byddai'n dda ganddo dderbyn erthygl gan W. J. Gruffydd yn ogystal. Nid yw Ifan Edwards a'i chwaer, Hat, yn bwriadu dod i'r Eisteddfod [am eu bod wedi colli eu tad]. Edrychant ymlaen at Eisteddfod Caernarfon [1921] yn eiddgar. Mae'n ansicr yngl?n â dyfodol Cymru, nid yw'n teimlo'n gymwys ar gyfer y gwaith. Hydera fod yn gyfrwng i roi llenyddiaeth anenwadol ac annibynnol i'r werin. Mae wedi cael swydd fel athro cynorthwyol yn Ysgol Sir Dolgellau am flwyddyn. Mae Mr Griffith yno yn Gymro trwyadl.

[W. J. Gruffydd] at Ifan Ab Owen Edwards,

Y mae wedi derbyn y papurau a'r llythyrau ac y mae'r trefniant ariannol yn dderbyniol. Ei syniad ef am y [cofiant] yw dwy gyfrol tua phedwar can tudalen yr un. Gellid rhannu hynny yn ddeuddeg rhan o 72 tudalen yr un a'i gyhoeddi fesul rhan fel y gwnaed gyda'r Geiriadur Beiblaidd. Copi teipysgrif.

Ifan [Ab Owen Edwards], Llanuwchllyn,

Holi am y cofiant. Mae'n cynnig am wahanol swyddi. Bydd yn rhydd rhwng Gorffennaf 16 ac Awst 5. Mae Mrs Edwards yn gwahodd W. J. Gruffydd a'i wraig a Dafydd i aros atynt yn ystod y cyfnod hwnnw. Bydd Gwersyll yr Urdd yno rhwng Awst 5 a'r 30. Bydd yn rhydd yn ystod pythefnos gyntaf Medi. Awgrymu enwau pobl a fyddai'n cofio O. M. Edwards yng ngholeg Lincoln, [Rhydychen]. Mae'n amgau cyflog y deipyddes. Mae ei wraig yn llawer gwell a hoffai fedru talu'n ôl i Mrs Gruffydd am ei charedigrwydd.

Ifan [Ab Owen Edwards], Aberystwyth,

Mae'n addo gwneud ei orau gyda'r llyfryddiaeth ond bydd yn amhosibl darganfod popeth. Nid yw'n deall yr awgrym yngl?n â'r Gofeb. Yn bersonol, byddai'n well ganddo gadw'r cofiant yn glir oddi wrth bopeth a phawb. Gall autocrat wneud tipyn mwy o waith na phwyllgor. Sôn am Rowland Thomas, mae'n 'eithaf creadur' er cael llawer ffrae gydag ef.

Ifan Ab Owen Edwards, Llanuwchllyn,

Mae'n amgau llyfryddiaeth fras. Ni all ei chwblhau heb fynd i'r Llyfrgell Genedlaethol ac ni all fynd yno cyn diwedd Ebrill. Nid yw wedi amgau Cyfres y Fil. Mae'n amgau rhai eitemau ac yn anfon parsel arall gyda'r un post yn cynnwys hen ewyllys gan O. M. Edwards, llythyr oddi wrth Ruskin, dau lyfr ar Thomas Cromwell, a chopi cyflawn o Heddiw a'r Llenor.

Ifan Ab Owen Edwards, Aberystwyth,

Nid yw'n barod i ymddiried y gwaith o ysgrifennu'r cofiant i efrydydd, hyd yn oed un o dan ofal W. J. Gruffydd. Mae am gasglu'r defnyddiau felly. Bydd yn rhaid i'r cofiannydd newydd ail wneud y gwaith i gyd. Mae'n gofyn am gael trefnu cyfarfod â W. J. Gruffydd ar unrhyw Sadwrn o'r pedwerydd ar ddeg o Fawrth ymlaen, er mwyn mynd trwy'r papurau a'u pacio.

Ifan Ab Owen Edwards, Aberystwyth,

Y mae popeth yn barod ar gyfer gwasgaru'r cofiant. Archebwyd 200 copi eisoes ac fe anfonir 35 copi i'w hadolygu. Gall W. J. Gruffydd gael copïau gan William Lewis, yr argraffydd, ar gyfer ei hunan a chopi adolygu i'r Llenor. Holi yngl?n â chael caniatâd i gyhoeddi llythyrau yn y cofiant.

John Hugh Edwards, Llundain, S.W.1,

Y mae wedi cyfarfod â Gwynn Jones yn Aberystwyth. Fe benderfynwyd cyhoeddi'r llyfr gydag un o gyhoeddwyr blaenaf Llundain. Y mae Gwynn Jones yn ysgrifennu erthygl ar lenyddiaeth Gymraeg hyd at y cyfnod Tuduraidd ac 'Elfed' yn ysgrifennu ar lenyddiaeth Cymru o ddechrau'r ddeunawfed ganrif ymlaen. Gofynnir i W. J. Gruffydd ysgrifennu am lenyddiaeth cyfnod y Tuduriaid a'r ail ganrif ar bymtheg. Mae'n amgau siec am bum gini yn dâl am y gwaith.

John Hugh Edwards, Hindhead, Surrey,

Mae'n gwerthfawrogi pa mor brysur y mae W. J. Gruffydd gyda'i waith Coleg a gweithgareddau eraill, ond y mae yn erfyn arno i anfon ei gyfraniad ym mhost dydd Sul fan bellaf. Yr oedd wedi bwriadu dod i Gaernarfon i'r cyfarfod protest yngl?n ag achos Saunders Lewis a'i ddau gydymaith er mwyn ymgysylltu â'r brotest a chael cyfle i sgwrsio â W. J. Gruffydd. Yr oedd yn siomedig iawn pan glywodd nad oedd y cyfarfod i'w gynnal. Y mae newydd orffen darllen cyfrol atgofion W. J. Gruffydd. Cafodd ei swyno gan y cynnwys a'r mynegiant. Y mae'n sicr o gael ei ystyried yn glasur.

O. M. Edwards, Coleg Lincoln, Rhydychen,

Tystlythyr ar ran W. J. Gruffydd yn ei ddisgrifio fel un o'r rhai mwyaf disglair i ymadael â Rhydychen y flwyddyn honno. Mae'n debyg o wneud gwaith da ym myd llenyddiaeth Saesneg, a gwnaeth enw iddo'i hun eisoes ym myd llenyddiaeth Gymraeg. Nid yw wedi cyfarfod â neb sydd â brwdfrydedd mor heintus. Fe ddylai fod yn brifathro effeithiol a phoblogaidd. Bydd yn siwr o gyfrannu gwasanaeth teilwng i'r sustem addysg Gymreig.

T. P. Ellis, Dolgellau,

Ymateb i adolygiad ar ei lyfr [Welsh Tribal Law and Custom in the Middle Ages (Rhydychen, 1926)], sef cyfeiriad at R. T. Jenkins, 'Mr T. P. Ellis ar Gyfreithiau Hywel Dda', Y Llenor, cyf. VI (1927), tt. 6-25.

Results 1 to 20 of 982