Showing 982 results

Ymddiheuro am ysgrifennu yn Saesneg. Llongyfarch W. J. Gruffydd ar Y Llenor. Trafod y gwahaniaethau rhwng Cymry a Saeson. Awgrym sut i ennill parch at y Gymraeg.

Mae'n barod i ddarlledu apêl ar ran 'Cofeb Islwyn'. Bu mewn is-bwyllgor [darlledu] y noson flaenorol ac y mae'n feirniadol o gyfansoddiad y pwyllgor. Cred y dylai G. J. Williams a Tom Parry o'r Coleg, Dr Llewelyn Williams o'r Bwrdd Iechyd Cymreig a'r Parch. John Roberts, Pembroke Terrace, fod yn aelodau ohono. Syndod iddo oedd sylwi nad oedd R. T. Jenkins yn aelod ychwaith. Copi teipysgrif.

Ymateb i lythyr 138 uchod. Ymddiheuro am golli'r pwyllgor. Amddiffyn cyfansoddiad y pwyllgor. Ceisiwyd cael amrywiaeth barn arno a phawb yn Gymry Cymraeg. Pwyllgor i drafod llenyddiaeth a drama yw'r un dan sylw yn unig. Gellid gwahodd rhai o'r bobl a enwyd i eistedd ar bwyllgorau eraill.

Gwahodd W. J. Gruffydd i gyfarfod o is-bwyllgor Cymreig Llenyddiaeth a Drama [y BBC].

Trafodir apwyntiad [Prifathro newydd] yng Ngholeg Caerdydd. Awgryma ei fod yn bwriadu trafod y mater gydag aelodau yr is-bwyllgor dewis. Y mae'n hoffi yr argraffiad newydd o Perl mewn Adfyd. Yr oedd wedi bwriadu mynd i gyfarfod Llys Coleg Caerdydd drannoeth, ond ni all.

Y maent yn gwrthdystio yn erbyn yr ensyniadau a wnaeth W. J. Gruffydd yn ei nodiadau golygyddol yn Y Llenor [cyf. XIX (1940), t. 168] yn erbyn yr Athro J. E. Daniel, lle'r awgrymwyd bod J. E. Daniel yn camddefnyddio ei swydd trwy drosglwyddo ei syniadau gwleidyddol i'w fyfyrwyr.

Nid wy'n gallu dweud os bu Ellis Wynne yn ddisgybl yn y 'King's School' ai peidio. Mae am ymgynghori â'r dyn sy'n gofalu am gofrestri'r ysgol.

Yngl?n â'r ymholiad am Ellis Wynne. Nid yw ei enw'n digwydd yng nghofrestri swyddogol yr ysgol ond gallasai fod yn ddisgybl preifat er hynny.

Gofyn am genadwri gan W. J. Gruffydd ar gyfer Y Ddraig Goch yn yr argyfwng presennol.

Canmol Y Llenor. Cytuno â beirniadaeth W. J. Gruffydd ar berfformiad y ddrama 'Llywelyn' yn Eisteddfod Genedlaethol Dinbych. Ar Miss Kate Roberts yr oedd llawer o'r bai am ddiffygion y perfformiad. Yr angen i fod yn barod i amddiffyn etifeddiaeth Cymru yn wyneb dylifiad y noddedigion (evacuees) o Loegr. Parch ymhlith Cymry Bangor at Gymreictod ar gynnydd yn dilyn dyfodiad y Saeson bach lleuog, budr, tlawd. Yn falch o glywed am bwyllgor sydd i'w gynnal yn Amwythig ddydd Gwener [Rhag. 1]. W. Ambrose Bebb yn cynnig nifer o awgrymiadau sut y gellid poblogeiddio llenyddiaeth Gymraeg.

Diolch am erthygl a ddychwelwyd. W. Ambrose Bebb yn cynnig anfon erthygl ar y Diwygiad Protestannaidd. Mae'n amau mai go sych oedd ei erthygl 'Ystyr Maes Bosworth' [Y Llenor, cyf XIX (1940), tt. 78-90.] Sylwadau W. Ambrose Bebb ar adolygiad R. T [Jenkins] ar ei lyfr [Cyfnod y Tuduriaid] yn [Y Llenor, Cyf. XIX (1940), tt. 102-6]. Y mae wedi derbyn nifer o lythyrau diddorol gan berthnasau iddo yn America at eu teuluoedd yng Nghymru. Cynnig eu dangos i W. J. Gruffydd os byth y daw heibio. Gofyn a dderbyniodd Dyddlyfr Pythefnos i'w adolygu.

Anfon ysgrif i'r Llenor ['Y Diwygiad Protestannaidd', cyf. XX (1941), tt. 25-30, 77-82]. Sylwadau W. Ambrose Bebb ar adolygiad R. T. [Jenkins] ar ei lyfr [Cyfnod y Tuduriaid] yn [Y Llenor, cyf. XIX (1940), tt. 102-6].

Holi hynt ei ysgrif ar 'Achosion y Diwygiad Protestannaidd'. Canmol erthygl W. J. Gruffydd 'Mae'r Gwylliaid ar y ffordd' [Y Llenor, cyf. XIX (1940), tt. 112-26].

Nodi ei siom na chyhoeddwyd ei ysgrif. Ofna iddi fynd yn angof. Nid yw'n cytuno bod holl arweinyddion y Blaid yn ffasgiaid. Gadawodd ef y Blaid oherwydd na chytunent ag ef fod Almaen Hitler yn anwar. Y mae'n mynegi hynny eto yn Dyddiadur 1940. Gofyn i W. J. Gruffydd anwybyddu gwallau yn y gyfrol honno. Un broflen a gafodd ef ac fe gysodwyd y llyfr yn ystod y 'dyddiau uffernoll' a gafodd Abertawe.

Mynegi ei siom o dderbyn yr ysgrif ar ei dad yn ôl. Mae'n barod i wella a chwtogi rhywfaint arni. Yn achos yr Etholiad, hoffai W. Ambrose Bebb weld cefnogwyr W. J. Gruffydd yn ymatal rhag gyrru pawb i 'ymlafnio mewn budreddi'. Buasai'n well ganddo weld W. J. Gruffydd a Saunders [Lewis] yn gytun yn hytrach na gweld dau Gymro da yn ymgeisio yn erbyn ei gilydd. Cyhudda W. J. Gruffydd o gael ei ddefnyddio gan y 'myrdd gorachod di-enaid sydd yng Nghymru' er mwyn rhwystro Saunders [Lewis] i ennill y sedd. Ysgrifennodd at Saunders Lewis i ofyn iddo dynnu'n ôl ond yn ofer. Y mae'n rhy hwyr iddo ofyn i W. J. Gruffydd dynnu'n ôl, ond nid yw'n rhy hwyr i gyhoeddi na fynn weld yr etholiad yn cael ei ddefnyddio i bardduo neb. Y mae'n edrych ymlaen i glywed W. J. Gruffydd yn siarad pan ddaw i Fangor.

Mae C. C. Bell yn anfon cyfieithiad Saesneg o gerdd W. J. Gruffydd '1914-1918. Yr ieuainc wrth yr hen' [Ynys yr Hud ..., t. 44]. Mae'n gofyn caniatâd i gyhoeddi'r cyfieithiad mewn papur Saesneg. [Fe'i cyhoeddwyd yn y gyfrol H. I. Bell & C. C. Bell, Welsh Poems of the Twentieth Century in English Verse (Wrecsam, 1925), tt. 15-16.] Mae'n credu y byddai yn crisialu'r atgasedd cynyddol tuag at agwedd filitaraidd y Llywodraeth. Dangosodd gopi o'r fersiwn rhyddiaith i Mr Harold Monro, The Poetry Book Shop, ac yr oedd ef wedi ei blesio'n fawr ganddo. Yr oedd ef wedi dyheu i ddweud yn union yr un peth.

Ymateb i feirniadaeth W. J. Gruffydd yngl?n â bwriad y Cymmrodorion i gyhoeddi'r Dwb [Y Bywgraffiadur Cymreig] yn Saesneg. Y prif ystyriaethau yn rhai ariannol dros wneud hyn. Bydd yn fodd i gyflwyno Cymru i'r byd. Mae galw am lyfrau Saesneg ar Gymru. Dadleuon dros gyhoeddi fersiwn Saesneg.

Ateb ymholiad gan W. J. Gruffydd yngl?n â dyfyniad arbennig o waith Islwyn. Beirdd hanner cyntaf y 19 ganrif â dawn i ddyfynnu o weithiau llenyddol Saesneg gwael a di-nod. Mae'r dyfyniad yn debyg i waith George Eliot, ond methiant fu'r cais i'w olrhain. Hyderu y bydd i'r Llenor oroesi'r rhyfel gan ei fod yn anhepgor i Gymru.

Llythyr i gadarnhau trefniant W. J. Gruffydd am ystafell yn y gwesty rhwng 2 a 9 Awst [yn ystod Eisteddfod Genedlaethol Aberystwyth].

Y gwesty yn cadarnhau y gellir cadw car W. J. Gruffydd mewn lle hwylus iddo yn ystod ei arhosiad.