Showing 361 results

Llawysgrifau a chopïau teipysgrif o gerddi Gwenallt, 1922-[1968], yn cynnwys 'Mynach','Ynys Enlli', a cherddi eraill a gyhoeddwyd; sgriptiau, dramâu ac anerchiad, yn bennaf ar gyfer y radio,1947-1952; llyfrau, nodiadau rhydd a phenawdau'n cynnwys nodiadau a gopïwyd o lyfrau ac erthyglau wedi eu paratoi ar gyfer darlithoedd, sgyrsiau, anerchiadau, gweithiau cyhoeddedig ac ysgolion, 1913-1958; llythyrau, at Gwenallt yn bennaf, a rhai at ei weddw, 1926-1970; deunydd yn ymwneud â'i gofiant i Idwal Jones (1958) yn cynnwys llyfrau nodiadau a chopïau drafft o ran o'r llyfr yn ogystal â chaneuon, cerddi a pharodïau gan Jones, 1922-[1958]; a llyfr cofnodion,1929-1933, 'Cymdeithas yr Hwrddod' a ffurfiwyd gan Gwenallt ac Idwal Jones yn Aberystwyth. Derbyniwyd cyfrol o gerddi cynnar, heb eu cyhoeddi, a hefyd cyfrol o nodiadau llawysgrif, Medi 2013 a llyfr nodiadau yn cynnwys dyfyniadau o lyfrau Saesneg a drafftiau o gerddi cyhoeddedig gan Gwenallt yn Gymraeg yn Nhachwedd 2015. = Manuscripts and typescripts of poetry by Gwenallt, 1922-[1968], including 'Y Mynach', 'Ynys Enlli' and other published poems; scripts, dramas and an address, mostly written for radio, 1947-1952; notebooks, loose notes and headings containing notes copied from books and articles in preparation for lectures, talks, addresses, published works and for school, 1913-1958; letters, mostly to Gwenallt, with some to his widow, 1926-1970; material relating to his biography of Idwal Jones (1958) including notebooks and drafts of parts of the book as well as songs, poems and parodies written by Jones, 1922-[1958]; and a minute book, 1929-1933, of 'Cymdeithas yr Hwrddod', formed by Gwenallt and Idwal Jones at Aberystwyth.

A further volume of early poetry in Gwenallt's hand, not published, and a volume of manuscript notes were received, September 2013.

Papurau ychwanegol Gwenallt yn cynnwys llyfr nodiadau gyda dyfyniadau o lyfrau hanesyddol Saesneg yn bennaf. Tua chanol y gyfrol ceir cerdd: ‘Y gweithfeydd hyn’ [cyhoeddwyd yn Christine James (gol.), Cerddi Gwenallt: y casgliad cyflawn (Llandysul, 2001) fel ‘Y gweithfeydd segur’ ac yn wreiddiol yn Baner ac Amserau Cymru, 25 Awst 1943], a dau englyn: ‘Er cof am David Lewis, Dolanog’ [cyhoeddwyd fel ‘Er cof am Ddafydd Lewis, Gwasg Gomer’, yn Cerddi Gwenallt a chyn hynny yn Baner ac Amserau Cymru, 8 Medi 1943]; derbyniwyd Tachwedd 2015.

Llyfr nodiadau yn cynnwys dyfyniadau yn llaw Gwenallt, [1962]-[?1968], o lyfrau diwinyddol yn nodi’r gweithiau printiedig, rhifau tudalen a rhai ffynonellau llawysgrif. Maent yn ymwneud â John Bunyan, Williams Pantycelyn ac eraill ac mae’r mwyafrif mewn Saesneg; derbyniwyd Medi 2016.

Derbyniwyd papurau ychwanegol ym mis Rhagfyr 2021.

Bwndel ychwanegol o bapurau Gwenallt, yn cynnwys tri llyfr nodiadau, nodiadau ar bapurau rhyddion, album yn ymwneud â dadorchuddio plac ar gartref y bardd ym Mhenparcau ym Mawrth 1997, rhai ffotograffau, dau dâp caset o Ŵyl Gwenallt, Pontardawe, Hydref 1984, a ffeil o lythyrau oddi wrth Gwenallt at Nel Owen Edwards, 1935-1936, cyn eu priodi; Rhagfyr 2022.

Copi llawysgrif o awdl 'Y Mynach', buddugol yn Eisteddfod Genedlaethol Abertawe, 1926, yn cynnwys rhai cywiriadau, 43 ff. [gweler A 2].

Teipysgrif o'r gyfrol Y Coed, ag eithrio'r ddwy gerdd 'Sir Gaerfyrddin' a 'Trychineb Aber-fan', ynghyd â rhestr o'r cynnwys [yn llaw Nel Gwenallt]. Ceir ail gopi teipiedig o'r mwyafrif o'r cerddi gydag ambell amrywiad o'r cerddi terfynol, 113 ff. Cynhwysir pennill o gerdd [anhysbys] ar f. 69, a theipysgrif o 'Plant yr Almaen' (f. 69) a 'Y Swper Olaf' (f. 112) o Eples. Yn ogystal, ceir copi o rifyn o Y Cylchgrawn Efengylaidd, 1967-8, lle'r ymddangosodd y gerdd 'Sacheus', a chopi o ddechrau llythyr [oddi wrth ?] o 52 North Parade, Aberystwyth, ynglyn â Mrs Nel Gwenallt Jones.

Copi teipiedig, rhwymedig o awdl 'Y Mynach', yn cynnwys cywiriadau, a chyfarwyddiadau teipio, 39 ff. [gweler A 1]. Ceir nodyn mewn llawysgrif [yn llaw ?] i'r argraffydd ar ddechrau'r gyfrol.

Copi llawysgrif o gywydd 'Gofyn Oed yn y Noson Lawen - a'r Ateb', cyd-fuddugol yn Eisteddfod Golegol Aberystwyth [l922], 3 ff. Ar gefn f. 2, ceir cais gan C[assie Davies?] am ddeunydd i ysgrifennu topicaliaid arno, ac ar gefn f. 3 ceir dau bennill cyfarch i fardd cadeiriol (y bardd o Lanbrynmair) Eisteddfod Golegol Aberystwyth.

Copi llawysgrif o ran o adran VI o 'Jezebel ac Elias', Gwreiddiau, gyda rhai amrywiadau ar y gerdd yn ei ffurf derfynol, 2 ff.

Gweler hefyd D 55.

Llyfr nodiadau 70 ff. yn cynnwys nodiadau bywgraffyddol ar Idwal Jones, ff. 4-7; dyfyniadau o'i lythyrau adeg y Rhyfel Byd Cyntaf, ff. 7-35; dyfyniadau o'i waith ac o adroddiadau ynglyn â gweithgareddau myfyrwyr, wedi eu cymryd o gylchgronau, ff. 36-54 a 59-67; dyfyniadau o lyfrau'n trafod hiwmor mewn llenyddiaeth, ff. 1-3 a 54-9; a chyfeiriadau, ff. 68-70. Ar f. 70 ceir enwau a chyfeiriadau rhai pobl, ac ar y clawr cefn ceir dalen yn cynnwys nodiadau penawdol [darlith] ar Idwal Jones [c.d.], a dalen yn cynnwys dyddiadau teulu Idwal Jones, cyfeiriadau at ei waith, a nodiadau byrion arno.

Cyfres deipiedig, 29 ff., o gerddi digrif [ar gyfer anerchiad gan Gwenallt] dan y teitl 'Rhai Pethau Digrif ym Marddoniaeth Cymru'.

Cyfres deipiedig, 5 ff., o eiriau'r ddwy gân 'Profiadau Melys' a 'Profiadau Diflas' a luniwyd ar y cyd gan Idwal Jones a J. Lemuel Rees [gweler hefyd B 13-14], ynghyd â geiriau 'Optimistic Chorus' a 'Grand Finale'.