Showing 207 results

Cyfrol deipysgrif, 20 Mai 1998. Mae'r rhagymadrodd wedi'i ddyddio, Rhagfyr 1987.

Teipysgrifau cerddi William Jones a ddetholwyd gan D. Tecwyn Lloyd ar gyfer eu cyhoeddi yn 1965.

Torion o’r wasg, [1926]-[1966], gan gynnwys adolygiadau o weithiau Saunders Lewis, o’i golofn ‘Saunders Lewis yn trafod …’ yn Y Faner, a cherddi ganddo.

Traethawd beirniadol buddugol D. Tecwyn Lloyd yn Eisteddfod Genedlaethol Aberteifi 1942 mewn teipysgrif.

Papurau'n ymwneud â'r gyfrol hon yn bennaf gan gynnwys llythyrau oddi wrth Saunders Lewis, 1949-1975. Ceir llythyr, 1989, oddi wrth Gyngor y Celfyddydau yn cynnig gwobr o fil o bunnau yn wobr iddo am y gyfrol.

Copi, 1966, o draethawd BA Anrhydedd 'Imagery and poetic themes of S. T. Coleridge', Prifysgol Lerpwl, 1920, gan Saunders Lewis, ac mae'r gwreiddiol ar gadw yn Llyfrgell y Brifysgol honno.

Papurau’n ymwneud â'i waith fel golygydd y cylchgrawn Taliesin, [1965x1987].

Llawysgrifau erthyglau a darlithiau, gan gynnwys golygyddol Taliesin, ynghyd â beirniadaethau, darlith ar newyddiaduraeth gyfoes yng Nghynhadledd Taliesin, 1972, adolygiadau i Taliesin, Y Genhinen, Poetry Wales a chyfraniadau i’r Faner, Y Cyfnod, Y Tyst a Barn.

Ysgrifau, erthyglau ac adolygiadau a luniwyd ganddo, [1903]-1992.

Traethawd 'The sea (in its calm)', 1925, ond a gyflwynwyd mewn cystadleuaeth Cymdeithas Lenyddol Glanrafon yn 1929; 'Apology for the years 1931-33'; 'The Tutor and his class'; 'Holmes and the Chaldean Thesis. A triffling monograph', 1967; stori fer 'The light of John Davitt', ynghyd â llyfr nodiadau 'A Grammar of Eremot', iaith newydd a ddyfeisiwyd ganddo.

Gwaith barddonol y bardd a'r teiliwr Robert Owen, Fourcrosses, Corwen, yn ei lawysgrif, ynghyd â thorion o'r wasg, [1903]-1939, llythyrau oddi wrth yr awdur at D. Tecwyn Lloyd, 1934 a 1949, a rhagymadrodd beirniadol ganddo ar y bardd, 1934.

Stori fer 'Y Caplan', [1940x1941], mewn teipysgrif a llawysgrif, ynghyd â dau ddrafft anghyflawn o stori arswyd a gyhoeddwyd yn ddiweddarach fel ''Cyffordd Dyfi' yn Hyd Eithaf y Ddaear (1972) ac 'Ysbryd Nant y Plas', stori fwgan i blant mewn teipysgrif, ynghyd ag ysgrif 'Noson loergan leuad' a luniodd [1932-4] ar gyfer cystadleuaeth mewn eisteddfod leol gyda nodyn esboniadol, 1964 .

Sgriptiau gan gynnwys 'Safonau beirniadaeth', 1949, 'Gwlad y galon' [Yr Eidal], 1955, 'Y ddinas dragwyddol' [Rhufain], 1956, a 'Cynan a chanu rhyfel', rhan o raglen ar gyfer y BBC, 1970.

'Am yr amser sydd ohoni’, cyfieithiad o’r gerdd ‘For the time being’ gan W. H. Auden, 1959/1960, a 'Y Cythreuliaid' (ei drosiad o ddrama John Whiting, The Devils) i Gwmni Drama Abertawe, 1965, heb ei chyhoeddi.

Cyfraniadau i Barn, Y Cymro ac eraill, mewn llawysgrif yn bennaf, gan gynnwys adolygiadau, ynghyd â golygyddol Taliesin, a darlith 'Agweddau ar Ramantiaeth', Coleg St Antwn, Rhydychen, 1962.

Ymlith y papurau mae ‘Rhan o hunangofiant’, 1979, a ‘Rhagair i hunangofiant’, 1981, ynghyd â chyfeiriadau at ddefnydd Daniel Owen o "true to nature" yn ei weithiau.

Torion o ysgrifau coffa, 1963-1992, a gyhoeddwyd ym mhapurau newydd Y Cyfnod a'r Corwen Times gan mwyaf, gan gynnwys teyrnged i Maurice James, 1968, ac i Ann Lloyd, ei lysfam, 1986.

Papurau’n ymwneud â’i erthygl 'Dyddiaduron y Parch. John Jones, M.A. (1773-1853)' a gyhoeddwyd yng Nghylchgrawn Cymdeithas Hanes a Chofnodion Sir Feirionnydd, 1970, gan gynnwys llythyrau oddi wrth Idris [Foster], Mari [Ellis], T. I. Ellis (4). Ceir dyfyniadau hefyd o'r dyddiaduron, a gwahanlithoedd o'r erthygl, 1970, a thestun y dyddiaduron, 1971.

Ei gyfraniad ar gyfer Cydymaith i lenyddiaeth Cymru ([Caerdydd], 1986), nodiadau cefndirol amdano, ynghyd ag adysgrif o lythyr, 1956, oddi wrth ei ewythr.

Gwahoddiadau i feirniadu mewn cystadlaethau llenyddol, 1984-1990, gan gynnwys y fedal ryddiaith yn Eisteddfod Genedlaethol y Rhyl a'r Cyffiniau 1985, ynghyd â chopi o'i feirniadaeth yng nghystadleuaeth yr ysgrif bortread yn Eisteddfod Genedlaethol Ynys Môn 1983.