Showing 40 results

Copi wedi'i gyflwyno i Syr Ifan ab Owen Edwards gan yr awdur 'Carneddog' (Richard Griffith) o'i gyfrol Blodau'r Gynghanedd: Gemau'r Awen Gymreig - Llyfr 1, (Caernarfon, 1920).

Llythyr dyddiedig 12 Gorff. [19]07 oddi wrth yr awdur 'Cybi' (Robert Evans) mewn copi o'i gyfrol Ardal y Cewri - Enwogion Plwyf Llangybi a'r Cylch ... (Pwllheli, 1907). Mae'n cyflwyno'r llyfr gan obeithio cael adolygiad arno yn Cymru. Argraffwyd 500 copi. Gofynnir am farn y derbynnydd ar gasgliad o emynau yn dwyn y teitl 'Adlais y Diwygiad'.

Nodyn 'I Bennaeth Yr Urdd i gofio am ei dad, cyfaill hoff Myrddin a chymwynaswr yr Awdur. Mawrth 1945' mewn copi o 'Cybi' (Robert Evans), John Jones (Myrddin Fardd) 1837-1921 (Llandysul, 1945).

Llythyr dyddiedig 8 Medi 1905 oddi wrth J. D. Davies (Harlech) mewn copi o'i waith Emynwyr Gwynedd - Traethawd Buddugol yn Eisteddfod Y Bala, Llungwyn 1904 (Bala, 1905). Bydd yr awdur yn ddiolchgar pe ceid adolygiad ar y llyfryn yn Cymru neu Cymru'r Plant neu'r ddau.

'Gyda dymuniadau gorau Cymdeithas Plant Derfel. Hyd. 1897' wedi'i ysgrifennu ar gopi o Dewi Havhesp, Oriau'r Awen, (Y Bala, 1897). Yr oedd Cymdeithas Plant Derfel yn noddi'r llyfr.

Cerdyn dyddiedig, [20 Rhag. 1913], oddi wrth Francis Edwards, awdur Translations from the Welsh ([Llundain], 1913), yn nodi dau gamgymeriad argraffu yn y llyfr. Cyfarchion tymhorol.

Nodyn dyddiedig 23 Gorff. [19]29 o Goleg yr Iesu, Rhydychen. 'Sut hwyl sydd ar y Bibliography?' oddi wrth J. Goronwy Edwards yn ei lyfryn Hywel Dda and the Welsh Lawbooks (Bangor, 1929) a draddodwyd yn wreiddiol fel darlith ym Mhrifysgol Bangor, 1928.

Llythyr dyddiedig 8 Chwef. [1909] o 51 Hamilton Street, Cardiff, yn 'Eluned', (Eluned Morgan), Gwymon y Môr (Y Fenni, 1909). Dywed fod y llyfr wedi ei gyhoeddi ar waethaf llawer o ddarlithio a diffyg hamdden. Hydera fynd i Lundain yn ystod pythefnos olaf Mawrth. Addawodd annerch plant Bethesda yn eisteddfod fawr Rhys J. Huws. Diolch am ailargraffiad O'r Bala i Geneva, awgrymu yr un peth gyda Tro yn Llydaw.

Nodyn 'Mr Ifan ab Owen Edwards: with the author's best wishes. 27. 9. 20' yn llyfr Hugh John Evans, Llangollen Poems (Llangollen, 1920).

Dau gopi.

Llythyr yn Saesneg, dyddiedig 5 Tach. [19]10, oddi wrth J. Kyrle Fletcher mewn copi o'i lyfr The Gwentian Poems of Dafydd Benwyn (Cardiff, 1909). Y mae'n cyflwyno'r llyfr. Mae ymgais ar droed yng Nghasnewydd i gael dysgu Cymraeg yn yr ysgolion elfennol fel pwnc dewisol. Y gohebydd wedi dysgu darllen Cymraeg mewn dosbarthiadau ac yn gofyn cyngor ar sut i gyflwyno'i achos gerbron yr awdurdod addysg. Mynegodd holl gynghorwyr yr awdurdod eu cefnogaeth i'r Gymraeg yn ystod yr etholiadau diweddar.

Llythyr dyddiedig 27 Gorff. [19]17 oddi wrth y Parch. Edward Griffith (Meifod) wedi'i ludo mewn copi o'i gyfrol Hanes Methodistiaeth Trefaldwyn Isaf (Caernarfon, 1914). Y mae'n llawen o glywed am adferiad iechyd y derbynnydd. Y gohebydd, sydd ar drothwy 80 oed, yn dioddef â'i galon. Ymddiheuro am beidio cyfrannu erthygl ar John Hughes Pontrobert i Cymru.

Llythyr dyddiedig 10 Tach. 1900 o 'JCR Jesus College' mewn copi o R. Silyn Roberts a W. J. Gruffydd, Telynegion (Bangor, 1900). Cais am i'r derbynnydd adolygu'r llyfr yn rhifyn nesaf Cymru oddi wrth W. J. Gruffydd.

Copi o 'Ieuan Gwynedd' (Evan Jones), Bywyd Ieuan Gwynedd ganddo ef ei hun (Caernarfon, 1900) a gyhoeddwyd yng nghyfres Clasuron Cymru dan olygyddiaeth O. M. Edwards.

Llythyr dyddiedig 20 Mawrth 1908 o Llywel, Aberystwyth, oddi wrth y cyfansoddwr David Jenkins Mus. Bac. (Cantab.) mewn copi o'i waith Llyn y Morwynion (The Maiden's Lake - Dramatic Cantata (Aberystwyth, [1908]). Y cyfansoddwr yn anfon copi o'i waith newydd sydd i'w berfformio yn Eisteddfod Llangollen [Y Genedlaethol, 1908]. Testun wedi ei seilio ar eiriau gan 'Glasynys' a [J. T.] Job. Cred y cyfansoddwr mai hwn yw ei waith mwyaf Cymreig eto a byddai'n fraint ganddo weld y derbynnydd yn y perfformiad cyntaf.

I 'Mr O. M. Edwards with kind regards' mewn copi o J. A. Jenkins, The History of Early Nonconformists of Cardiff (Cardiff, 1891).

Copi o Safonau y Ffydd (Llandysul, 1938) wedi'i gyflwyno i Syr Ifan ab Owen Edwards gan yr awdur William John Jones.

Copi o E. A. Lewis, 'The Development of Industry and Commerce in Wales during the Middle Ages', Transactions of the Royal Historical Society (gwahanlith) wedi'i gyflwyno gan yr awdur. 'Read April 23rd 1903'.