Mae'r ffeil yn cynnwys llyfrau nodiadau a phapurau a luniwyd gan David Bowen ar gyfer erthyglau a darlithoedd ar 'Feirdd y Bedyddwyr', 'Cymeriadau'r Fro' [Sir Gaerfyrddin], a nifer o weinidogion y Bedyddwyr. Ceir hefyd lythyr gan Ben Bowen Thomas at ei ewythyr, Ionawr 1943, yn beirniadu un o'r erthyglau.
Mae'r grŵp yn cynnwys llyfrau nodiadau a drafftiau o farddoniaeth Ben Bowen yn ei lawysgrif ei hun. Maent yn cynnwys deunydd ar gyfer eisteddfodau, er enghraifft 'Pantycelyn', 'Ymadawiad Arthur' a 'Goleuni'r Byd', a cherddi eraill. Cyhoeddwyd rhai o'r cerddi yma yn David Bowen (gol.) Cofiant a Barddoniaeth Ben Bowen, Treorci, 1904.
Mae'r ffeil yn cynnwys cerddi megis 'Marwnad i Sarah Jane Davies, Greenfield Hotel' ar gyfer Eisteddfod Nebo, Ystrad; 'Marwnad i Edward Meredith (groser), Llwynypia' ar gyfer Eisteddfod Tonypandy; a cherdd yn dwyn y teitl 'Cleddyf yr Arglwydd a Gideon'.
Mae'r ffeil yn cynnwys cerddi megis 'Ac arch Duw a ddaliwyd' ar gyfer Eisteddfod Penrhiwceiber; 'Y Gwanwyn' ar gyfer Eisteddfod Merthyr Tydfil a 'Hwyrddydd Haf' ar gyfer Eisteddfod y Betws, Rhydaman.
Mae'r ffeil yn cynnwys drafft o 'Durtur y Deffro' a gyhoeddwyd yn 1897 a llyfrau nodiadau yn cynnwys 'Y Ffurfafen'. 'Gardd Gethsemane', 'Yr Iesu a wylodd' a marwnadau.
Mae'r ffeil yn cynnwys copi gorffenedig o 'Goleuni'r Byd' a ysgrifennwyd yn Ne Affrica ac a enillodd Gadair Eisteddfod Llundain yn 1902, ynghyd â'r feirniadaeth ohoni gan Elfed; copi o 'Ymadawiad Arthur' ar gyfer Eisteddfod Bangor a cherddi eraill.
Mae'r ffeil yn cynnwys toriadau papur newydd am Ben Bowen; llythyrau at David Bowen yn cynnwys un gan Vincent Evans, 1905; llyfryn 'Gŵyl Llyfrau Cymru 1934' ynghyd â llythyrau yn ymwneud â'r ŵyl a rhaglen cwrdd dadorchuddio cofeb Ben Bowen.
Mae'r ffeil yn cynnwys cerdd llawysgrif gan Brynfab ar achlysur dadlennu cofgolofn Ben Bowen, llythyr oddi wrth E. Williams, mab Brynfab, nodiadau ar waith Brynfab o dan y teitl 'Oriel y Beirdd' a thoriadau papur newydd.
Mae'r ffeil yn cynnwys llyfr o gerddi David Bowen a gopïwyd ganddo ynghyd â rhestr o'r cerddi. Ceir hefyd restr o aelodau 'Cylch awen a chân' ardal Llanelli, 1952-1953.
Mae'r ffeil yn cynnwys teyrnged i David Bowen ar ei gyfraniad i fywyd y capel a'i waith yn golygu Seren yr Ysgol Sul; papurau yn ymwneud â hanes y capel a'r diaconiaid; a dogfen, 1854, yn ymwneud â pherchnogaeth darn o dir o'r enw Alltybrain yn Llandyfaelog Fach, sir Frycheiniog.
