Showing 1284 results

Llythyrau ac adolygiadau, 1991-1996, yn ymwneud â'i gyfrol hunangofiannol sy'n cynnwys gwaith creadigol ganddo hefyd a gyhoeddwyd yn 1991.

Tri llyfryn teipysgrif a gyflwynwyd i Emlyn Evans a’i wraig Eileen gan eu cyn-weinidog y Parchedig John Roberts, Caernarfon, gyda'r teitlau ‘Ebyrth gorfoledd’, ‘Ambell gyffro’ yn cynnwys emynau a cherddi ganddo, a ‘Bardd yr Haf’ yn cynnwys cerddi coffa i'r bardd R. Williams Parry.

Llythyrau ac ebyst, yn cynnwys gohebiaeth gydag aelodau, gohebwyr lleol, cymdeithasau a sefydliadau (yn gynnwys y Comisiwn Elusennau, Eisteddfod Môn 1999, Wellsprings Fellowship, Sacred Land Project a Chymdeithas Edward Llwyd), cynghorau cymuned a phapurau bro. Hefyd cyfansoddiad, agendas, cofnodion a papurau eraill yn ymwneud â chyfarfodydd cyffredinol a phwyllgor ('cyngor' ar ôl 1998), 1996-2003; rhestrau clercod cynghorau cymuned a thref ym Môn, Gwynedd, Conwy, sir Ddinbych, Ceredigion a sir Gaerfyrddin, c.1998; a chyfeiriadau ag sawl ffynnon unigol, yn cynnwys Ffynnon Bedr, p. Llanbedrycennin.

Cyfeiriadau, torion papur newydd, lluniau, ebyst a llythyrau yn ymwneud ag amryw ffynnon, yn cynnwys Ffynnon Bedr, p. Llanbedrycennin, Ffynnon Eilian, p. Llaneilian, Ffynnon Elli, p. Llanelli, Capel Ffynnon Fair, p. Llanelwy, Ffynnon Cadfan, p. Llangadfan, Ffynnon Fair, p. Llanrhos, Ffynnon Gwenfrewi, p. Treffynnon, a Ffynnon Padog, Ysbyty Ifan. Hefyd erthyglau ar ffynhonnau'r Gogarth, Llandudno, rhai o bapur bro 'Y Pentan'; 'Hanes ffynhonnau Trawsfynydd', traethawd i 'Steddfod Stesion Trawsfynydd 2007 (tt. 1-3 a 5 yn unig); ac adroddiad 'Preliminary management recommendations' Ymddiriedolaeth Archaeolegol Gwynedd yn ymwneud â Ffynnon Eilian, Llaneilian, 2013.

Copi o Jonathan Hughes, Bardd, a Byrddau Amryw, Seigiau; neu, Gasgliad o Gynghanedd sef Carolau a Cherddi a Chywyddau (Amwythig: Stafford Prys, 1778; ESTC T140501, Libri Walliae 2526), gyda cherddi wedi eu hychwanegu mewn llawysgrif tu mewn i'r clawr blaen ac ar y dail rhwymo (tt. i-vi, 376-382), yn bennaf yn llaw William Samuel, [18 gan., hwyr]. = A copy of Jonathan Hughes, Bardd, a Byrddau Amryw, Seigiau; neu, Gasgliad o Gynghanedd sef Carolau a Cherddi a Chywyddau (Shrewsbury: Stafford Prys, 1778; ESTC T140501, Libri Walliae 2526), with Welsh poetry added in manuscript inside the front cover and on the fly-leaves (pp. i-vi, 376-382), mostly in the hand of William Samuel, [late 18 cent.].
Ymysg y tair cerdd ar ddeg a ychwanegwyd, mae dwy bennill gan William Samuel (tt. v, vi), ['Cerdd y Pren Almon'] gan Owen Griffith, [Llanystumdwy] (tt. 376-381), englyn gan Rhys Jones o'r Blaenau (t. 381) a phennill cyntaf cerdd [gan Dafydd Williams] (t. 382). Ceir mân gywiriadau ac arnodiadau ar tt. 5, 27, 111, 150, 182, 184, 202, 286, 358, 360, 367 a 369. Mae toriad papur newydd, 17 Ebrill 1928, ynglŷn â Jonathan Hughes wedi ei phastio i mewn ar. t. viii. = Amongst the thirteen additional poems are two verses by William Samuel (pp. v. vi), ['Cerdd y Pren Almon'] by Owen Griffith, [Llanystumdwy] (pp. 376-381), an englyn by Rhys Jones, Blaenau (t. 381) and the first verso only of a poem [by Dafydd Williams] (t. 382). There are minor corrections and annotations on pp. 5, 27, 111, 150, 182, 184, 202, 286, 358, 360, 367 and 369. A newspaper cutting, 17 April 1928, relating to Jonathan Hughes is pasted in on p. viii.

Llythyrau yn ei longyfarch ar dderbyn yr anrhydedd yn 1972.

Nodiadau bywgraffyddol yn ei law ar gyfer y gyfrol Awdlau cadeiriol detholedig 1926-1950 (1953), a thudalen olaf llythyr a ysgrifennodd at ei wraig Lilian, ynghyd ag anerchiad gan Goronwy Tudor Jones, mab John Eilian, i Glwb y Rotari yn Berkeley, Califfornia, yn 1967, ond a luniwyd gan John Eilian. Yr oedd yn gwneud gwaith ymchwil ar gyfer MA mewn Ffiseg ym Mhrifysgol Califfornia, Berkeley, ar y pryd.

Cofnodion a phapurau cysylltiedig y pwyllgor rheoli, y pwyllgor llywio, y pwyllgor iechyd a'r CCB.

Llyfrau nodiadau yn llaw Angharad Williams (née Jones) yn cynnwys dyfyniadau o ffynhonellau crefyddol a llenyddol, copïau o lythyrau a ryseitiau ar gyfer y gegin a'r cartref.

Deunydd yn ymwneud ag Edward (Ned) Thomas Edmunds, a ymfudodd i'r Wladfa, Patagonia ym 1912 a dod yn brifathro cyntaf ysgol y Gaiman, gan gynnwys cardiau post wedi'u harysgrifio, ffotograffau [?un yn dangos Edward Thomas Edmunds] a choeden deuluol. Gwraig gyntaf Edward Thomas Edmunds oedd Margaret Wilhelmina (Minnie) (née Jones), chwaer Angharad Williams (née Jones), ac mae'n bosib mai ei llaw hi a welir ar gefn y cardiau post (gweler hefyd Cardiau post at Mary Williams dan bennawd Aelodau eraill teulu Waldo Williams - Mary Francis (née Williams), Cerdyn post at Dilys Williams oddi wrth Edward (Ned) Thomas Edmunds, Wilhelmina (Minnie) Edmunds a Ioan Edmunds dan bennawd Dilys Williams - Gohebiaeth at Dilys Williams a Cerdyn post at John Edwal Williams oddi wrth [?Margaret Wilhelmina (Minnie) Edmunds] dan bennawd John Edwal Williams.

Deunydd yn ymwneud â'r Parchedig William Williams (1781-1840) ('Williams o'r Wern'), un o hynafiaid Edward Thomas Edmunds, gan gynnwys llungopi o ysgrif gan Dyfnallt Owen o'i lyfr Ar Y Tŵr (1953) a llungopi o erthyglau o'r wasg. Gweler hefyd y goeden deuluol (a ddisgrifir uchod) yn olrhain perthynas Edward Thomas Edmunds gyda 'Williams o'r Wern'.

Cyfrol brintiedig yn eiddo i Angharad Williams (née Jones) o'r enw Watts: Masterpieces in Colour gan y llenor a'r Theosoffydd sosialaidd William Loftus Hare. Arysgrif yn llaw Angharad Williams ar wyneb-ddalen y gyfrol yn darllen 'Angharad E. Williams M[?ynachlog-ddu] S[?chool] H[?ouse] 20 Sept. 1913'. Amcanir y cyfeiriad llawn a awgrymir gan y priflythrennau gan fod John Edwal Williams, gŵr Angharad, yn brifathro Ysgol Gynradd Mynachlog-ddu ar y pryd.

Taflen wasanaeth angladdol John Jones, Holt, Wrecsam, gŵr Alice May Jones a thad Michael Jones, a fu farw 7 Ebrill 1988. Mae'n bosib fod John Jones yn perthyn i Azariah Henry Jones, brawd Angharad Williams, a fu'n gweithio fel athro yn Wrecsam.

Cerdyn post, 3 Rhagfyr 1915, at Dilys Williams oddi wrth 'Uncle, Aunty & Ioan', sef Edward (Ned) Thomas Edmunds, Wilhelmina (Minnie) Edmunds (née Jones) a'u mab Ioan Edmunds. 'Roedd Minnie yn fodryb i Dilys, sef chwaer ei mam, Angharad Williams (née Jones).

Llythyr di-ddyddiad at Dilys Williams oddi wrth Jean Hunt (gynt Ware, ganed Jones), a oedd (yn ôl tystiolaeth coeden deulu - gweler Achau teuluol a chyfrifiadau dan bennawd Angharad Williams (née Jones)) yn wyres i Syr Henry Jones, brawd i John Jones, tad Angharad Williams (née Jones), mam Dilys. Mae'r llythyr yn crybwyll Mwynlan Mai Edmond (née Jones) a Wilhelmina (Minnie) Edmunds (née Jones), chwiorydd Angharad (a modrybedd Dilys), ac Elias Henry Jones, tad Jean Hunt (a mab i Syr Henry Jones), yn ogystal â'r cywydd 'Angharad' a gyfansoddodd Waldo er cof am ei fam.

Nodyn yn cynnwys cyfarchion penblwydd ar ffurf pennill i Dilys Williams, 12 Mawrth 1984, oddi wrth Elsie Lewis.

Llythyr, 23 Mai 1985, at Dilys Williams oddi wrth Glynne a'i Gwmni, cyfreithwyr, Bangor, yn trafod ystâd bersonol y diweddar John Aneurin Jones, Bangor, mab John Elias Jones, brawd Angharad Williams (née Jones), mam Dilys; ynghyd â manylion ynghylch eiddo a dyledion yr ymadawedig a rhestr o'r rheini, Dilys yn eu plith, a fyddai'n elwa o gyfran o'r eiddo ariannol. Ceir nodiadau [yn llaw Dilys Williams] ar restr y rhai a fyddai'n elwa yn dynodi perthynas yr unigolion i aelodau teulu Dilys Williams a Waldo Williams.

Llythyr, 25 Awst 1986, at Dilys Williams oddi wrth y bardd a'r llenor Nigel Jenkins, yn cydnabod ymateb gadarnhaol Dilys i'w ddrama 'Waldo's Witness'.

Cerdyn post, marc post 18 Awst 1974, a anfonwyd at Aled a Siwan Richards, Glasfryn, Wdig, Sir Benfro oddi wrth Dilys Williams a Benni ac Elsie [Lewis]. Gan mai cartref Benni ac Elsie Lewis oedd Glasfryn, tybir mai gofalu am y tŷ oedd Aled a Siwan Richards.

Copïau teipysgrif o gerdd hynafol Aneirin 'Y Gododdin', gydag enwau Dilys ac aelodau eraill o'r teulu wedi'u hysgrifennu'n unigol ar frig pob copi.

Llythyr di-ddyddiad at David [Williams] oddi wrth 'Elizabeth' a 'Graham' yn crybwyll gwaeledd [Cecilia, gwraig David Williams].