Showing 2917 results

'A booklet describing the British and Roman Remains in any Welsh County' gan 'Strabo' (y Parch. Ellis Davies, Chwitffordd) a ddewisodd sir Ddinbych yn destun y dyfarnwyd y wobr iddo. Ceir hefyd feirniadaeth yr Athro F. Haverfield a'r Parch. T. Jesse Jones [rhif 9 yn y Rhestr Testunau - Traethodau a Llawlyfrau].

'Drama fydryddol yn desgrifio Bywyd a Marwolaeth William Herbert, Iarll Cyntaf Penfro' gan 'Mynyddwr' (R. Stephens, Pont-y-pl) ynghyd â beirniadaeth Beriah Gwynfe Evans a W. J. Gruffydd. Dau yn unig a fu'n cystadlu y dyfarnwyd gwobr o bedair punt yr un i R. Stephens a P[eter] Williams ('Pedr Hir') (gw. rhif 4).

Joseph Jones a W. Jenkyn Jones ar yr 'Ymchwiliad i Gyflwr Cymdeithasol unrhyw ardal yng Nghymru at ddewisiad yr Ymgeisydd'. Dyfarnwyd y wobr i 'Mab y Taf' [rhif 6 yn y Rhestr Testunau - Traethodau a Llawlyfrau].

Awdl: 'Eryri' gan 'Rhuddwyn Llwyd' (T. H. Parry-Williams, Rhyd-ddu) ynghyd â beirniadaethau J. Morris-Jones, T. Gwynn Jones a J. J. Williams [rhif 1 yn y Rhestr Testunau].

Pryddest: 'Y Ddinas' gan 'Alwyn Arab' (T. H. Parry-Williams, Rhyd-ddu) ynghyd â beirniadaethau 'Alafon', 'Gwili' ac 'Eifion Wyn'. Ceir beirniadaeth 'Alafon' ar ffurf llawysgrif (toredig) ac mewn toriad papur newydd, 'Gwili' mewn llawysgrif ac 'Eifion Wyn' mewn toriad papur newydd [rhif 2 yn y Rhestr Testunau].

Traethawd: 'A Scheme for the diffusion of knowledge in First Aid, Nursing and Domestic Hygiene in North Wales' gan 'Pro Bono Publico', 'Merlin' a 'Merch Crwydredig'. Y ddau olaf yn deipysgrifau. Ataliwyd y wobr o hanner can punt a cheir beirniadaeth y panel beirniaid ac adroddiad byr gan John Lynn Thomas [gwobr arbennig ychwanegol].

W. Llewelyn Williams ar y traethawd 'Welsh Life and Character in the Elizabethan Age'. Ataliwyd y wobr [rhif 1 yn y Rhestr Testunau - Testunau a Gwobrau arbennig].

'Cân goffa i'r diweddar Bencerdd Emlyn Evans, yn gymhwys i Gerddoriaeth' gan 'Murmur Ceri' (J. Jenkins, 'Gwili'), 'Talwyn o'r Tylau', 'Gwen', 'Llais y Llu', 'Padarn', 'Rheidiol', 'Bron-y-gân', 'Cyfaill', 'In Memoriam' a 'Min y Coed'. Ceir hefyd feirniadaeth T. J. Thomas ('Sarnicol') [rhif 6 yn y Rhestr Testunau].

Traethawd: 'Ymchwiliad i amgylchiadau masnachol a chymdeithasol unrhyw blwyf gwledig yng Nghymru' gan 'Carwr y Coraglau' (O. T. Hopkins, Aberpennar) a ddewisodd Cenarth fel maes ei ymchwil a 'Meudwy y Blaenau' (Lewis Davies, Cymer) a ddewisodd Penderyn. Y mae'r olaf yn Saesneg. Rhannwyd y wobr rhyngddynt [rhif 2 yn y Rhestr Testunau - Rhyddiaith].

Traethawd: 'Llên gwerin a thraddodiadau sir Aberteifi' gan 'Arthur' (William Davies, Tal-y-bont, Ceredigion) [rhif 7 yn y Rhestr Testunau - Rhyddiaith].

Cyfieithiad o'r Groeg i'r Gymraeg: 'Hymn Callimachus i Zeus' gan 'Alexandrius' (D. Emrys Evans, Clydach, Abertawe) ar ffurf teipysgrif ynghyd â beirniadaeth R. Morris Lewis, Abertawe. Ceir hefyd gyfieithiadau 'Gerallt Gymro' a 'Vulcan' [rhif 2 yn y Rhestr Testunau - Cyfieithiadau].

Englyn: 'Y Pren Criafol' gan 'Dewin y Coed' ('Eifion Wyn', Porthmadog) y dyfarnwyd y wobr iddo. Ceir hefyd englynion y canlynol: 'Ar y Graig', 'Tal-y-fan', 'Llwyn-unlliw', 'Nanteos', 'Jonathan ab Saul', 'Trawsgoed', 'Tlws a Chain', 'Thomas Gwilim', 'Llywarch Llwyd', 'Beta', 'Dewin y Coed', 'Edn y Mynydd', 'Ceredigion', 'Coedwr', 'Min y Lli', 'Coel', 'Mab Gwilym y Bugeilydd', 'Tant yr Awel', 'Tant yr Hwyr', 'Min y Nant', 'Ar y Twyn', 'Deryn Du', 'Goronwy', 'Idwal', 'Hefin', 'Min y Don', 'Talfanogydd', 'Treforyn', 'Gwr yfodd ddiod griafol', 'Beryl', 'Alun Mabon', 'Alpha', 'Rhwng y Grug', 'Ar y Tasfron', 'Yswidw', 'Glas y Ddol', 'Brig y Llechwedd', 'Mab yr Hafod', 'Macwy'r Llethrau', 'Gogerddan', 'Meudwy'r Bryniau', 'Pelydryn', 'Nant y Mynydd', 'Petrograd', 'Deryn Du', 'Brudiwr tan bren', 'Tawe', 'Mortimer', 'Caingc o'r Encil', 'Siri', 'Aden Wan', 'Llwydiarth', 'Griafolen goch', 'Gwyliwr y Glannau', 'Y Dryw' a 'Y Frongoch' [rhif 7 yn y Rhestr Testunau].

D. Miall Edwards ar y 'Traethawd Beirniadol ar athroniaeth William James' y dyfarnwyd y wobr i 'Diwyd o Geredigion' (y Parch. W. Benjamin, Garth, Ceredigion) [rhif 4 yn y Rhestr Testunau].

Set o ddarluniau yn addas ar gyfer catalog dillad merched a phlant gan 'Val' [rhif 4 yn y Rhestr Testunau - Cynllunio].

Cywydd: 'Afon Lerpwl' gan 'Minaber' (W. Roberts, 'Gwilym Ceiriog', Llangollen) ynghyd â beirniadaethau J. T. Jôb a 'Berw' [rhif 3 yn y Rhestr Testunau].

Pedair telyneg: 'Y milwr yn ateb galwad ei wlad' gan 'Alltfechan' (R. Eirwyn Rees, Pencader) mewn teipysgrif ynghyd â beirniadaeth R. A. Griffith ('Elphin') [rhif 4 yn y Rhestr Testunau].

Traethawd: 'Dyfodol yr Ysgol Sul yng Nghymru: amodau ei ffyniant yn wyneb ei hanes, ei sefyllfa bresennol, a gofynion yr oes' gan 'Tremiwr o'r Trumiau' (Pierce Owen, Rhewl) mewn teipysgrif ynghyd â beirniadaeth 'Elfed' [rhif 7 yn y Rhestr Testunau].