Mae'r ffeil hon yn cynnwys nodiadau ac esboniadau beiblaidd yn bennaf, gan gynnwys rhai ar Lyfr y Datguddiad, Marc, Luc, Ioan, Llyfr y Pregethwr a Llyfr Jôb. Yn y ffeil hefyd mae copïau llaw o emynau o ffynhonnell lawysgrif ynghyd â llungopïau o 'Y Garreg Wen' gan Timothy Evans.
Mae'r ffeil hon yn cynnwys erthygl ar 'Drefn yr elfennau Brawddegol yn 'Branwen'', nodiadau ar 'G.F. Williams a Ballinger', copi teipysgrif o 'At y Cymru' gan Davis Jones, 1779, ynghyd â llyfryddiaeth. Y mae hefyd nodiadau amrywiol yn ymwneud â llenyddiaeth, darlith ar ryddiaith O.M. Edwards a thrafodaeth ar englynion y misoedd.
Mae'r ffeil hon yn cynnwys ffotogopi a dau gopi llaw o ddogfen Ladin o ganol y ddeuddegfed ganrif a deitlwyd 'Unde ffloreum Illiricum' ac sydd yn sôn am Galfridus; nodiadau ynglŷn â Maredydd ap Rhys; erthygl yn dwyn y teitl 'Religious Dissent in Wales on the eve of the Methodist revival' gan y Parch. Noel Evans; esboniadau beiblaidd; nodiadau yn ymwneud â Peter Williams, 1723-1796, nodiadau ieithyddol; ac erthygl yn dwyn y teitl 'Deng Mlynedd' yn ymwneud â'r Methodistiaid Wesleaidd rhwng 1811 ac 1820.
Mae'r ffeil hon yn cynnwys erthygl yn dwyn y teitl 'Esboniadau beiblaidd 1801-25', nodiadau ar Feibl Thomas Charles, 1799, a nodiadau pellach, yn bennaf ar gyhoeddi beiblau. Yn y ffeil hefyd mae nodiadau ar englynion y misoedd, ar Gymraeg Canol, ac ar 'Blodau Arfon', Dewi Wyn o Arfon.
Mae'r ffeil hon yn cynnwys drafft o erthygl Saesneg yn trafod llenyddiaeth Gymraeg yn ystod y cyfnod rhwng 1945 a 1975; cyfarwyddidau ar lunio llyfryddiaeth ynghyd ag enghreifftiau; nodiadau ar ddarlith 'Ysgolheictod a Llenyddiaeth'; erthygl ar y cysylltiad rhwng llenorion yn y bedwaredd ganrif ar bymtheg yn dwyn y teitl 'Dolennau'; nodiadau ar feirniadaeth lenyddol; cerdd Saesneg 'Spring Song' heb enw bardd; coeden deulu Enid Mary Morgan; copi llaw o lythyr gan J.W. Prisiart at Twm o'r Nant; erthygl 'Bristol Channel Pirates'; nodiadau ar Wasg Trefecca; erthygl yn dwyn y teitl 'Twm o'r Nant yn Sir Gaer'; copïau llaw o ddwy ffynhonnell lawysgrif wahanol o 'Drithlws ar ddeg Ynys Prydain'; a chopi llaw mewn llyfr nodiadau o gopi Caerdydd o 'The Heroic Elegies and the Pieces of Llywarch Hen...'
Mae'r ffeil hon yn cynnwys nodiadau ar gystrawen y frawddeg 'breenhin na freenhin', ynghyd â geirfa archaeolegol, neu ddaearegol o bosibl, a hynny yn Saesneg mewn llyfr ateb cwestiynau arholiad.
Mae'r ffeil hon yn cynnwys map o ardal Pontypridd a'r Barri; llyfrau nodiadau yn cynnwys nodiadau ar lenyddiaeth, gan gynnwys nodiadau ar fesurau'r canu rhydd, yn ogystal â nodiadau ar gynnwys llawysgrifau LlGC, a llawysgrifau eraill. Mae amryw o'r nodiadau ar gefnau llythyrau a nodiadau eraill sydd hefyd yn ymwneud yn bennaf â llawysgrifau.
Mae'r ffeil hon yn cynnwys drafft o adolygiad llyfr yn ymwneud â Robert Roberts, Clynnog-fawr; teipysgrif o ddau gywydd gan Guto'r Glyn; drafft o'r erthygl 'Trends in Welsh Literature, 1945-1970'; a llythyr gan y Parch H. Ballard yn ymwneud â chyhoeddi'r erthygl honno mewn cyfrol o erthyglau.
Mae'r ffeil hon yn cynnwys drafft o erthygl yn ymwneud â llenyddiaeth genhadol, 1801-1825, a ysgrifennwyd ar gefnau llungopïau o lyfr o esboniadau beiblaidd.
Mae'r ffeil hon yn cynnwys nodiadau yn ymwneud yn bennaf â chyhoeddi, yn enwedig cyhoeddi'r Beibl. Ymhlith y nodiadau mae llungopi o'r 'Report of the priviledged Presses Committee' yn ymwneud â chyhoeddi'r Beibl; nodiadau ar hanes y Beibl Cymraeg o dan y pennawd '250 Years Ago: The Welsh Bible'; ynghyd â dau lythyr ac amgaeëdigion oddi wrth y Bible Society.
Mae'r ffeil hon yn cynnwys copïau llaw o lawysgrifau NLW a llawysgrifau eraill, yn cynnwys carolau. Yn rhan o'r ffeil hefyd mae bwndel o gardiau mynegai yn dwyn y teitl 'Darllen Cyffredinol'.
Mae'r ffeil hon yn cynnwys deg llyfr ateb arholiad ag ynddynt nodiadau ar William Richards, Lynn (1749-1818). Yn darllen i'r cyfeiriad arall mae nodiadau ar 'Gerdd-dafod Pantycelyn'.
Mae'r ffeil hon yn cynnwys llyfr nodiadau ar lawysgrifau LlGC 7541-5, 'Bibliography of Monmouthshire' gan William Haines. Yn darllen o'r cefn i'r blaen yn yr un llyfr nodiadau mae copi llaw o feirniadaeth S.H. Davies ar gystadleuaeth yn ymwneud â llyfryddiaeth Cymru. Yn y ffeil hefyd, mae copïau llaw o lawysgrifau LLGC o lythyrau Charles Ashton, ac erthygl yn dwyn y teitl 'Englyn gan R. Williams-Parry'.
Mae'r ffeil hon yn cynnwys drafft o ragymadrodd Drych yr Amseroedd, Robert Jones, Rhos-lan, a olygwyd gan Glyn M. Ashton yn ogystal â nodiadau cyffredinol ar Robert Jones. Ar gefn y rhagymadrodd mae hefyd erthygl neu ddarlith ar lenyddiaeth Cymru yn dwyn y teitl 'Pupur a Halen'.
