Dangos 132 canlyniad

Llyfrau nodiadau yn cynnwys 'Extracts from the Old Chapel Church Register' yn ymwneud â'i deulu, ynghyd â 'Dyfyniadau o Ddyddlyfrau David [a Morris] Peate', 1847-1849; a thorion o erthyglau gan George H. Peate, 'Hanes yr Eglwys Annibynol yn Llanbrynmair', 1913, ac 'Addoli Mewn Coedwig ac Ogof', 1934. Yn ogystal, ceir llawysgrif o draethawd ar gyfer Cyfarfod Cystadleuol Y Pandy, Llanbrynmair, 1884, 'Y Niwed o Esgeuluso yr Ysgol Sabbothol' gan 'Un o'i phlant'; a'r ymryson 'A ddylai Cymru gael Ymreolaeth?' gan Nacaol, a ddarllenwyd yng nghyfarfod Cymdeithas Lenyddol Capel Charing Cross Road, 1888. Amgaeëir hefyd feirniadaeth, 1896, ar gyfer cystadleuaeth traethawd ar y testun 'Bywyd Defnyddiol' lle bu 'Disgybl' (George H. Peate) yn fuddugol; adroddiad Diaconiaid yr Hen Gapel, Llanbrynmair, 1906, ynglŷn â'u gweinidog; a thoriad o'r Tyst, 1930, yn cynnwys erthygl 'Stori Cae'r Fendith' gan George H. Peate.

Llythyrau, 1890-1933, at George H. Peate, yn eu plith rhai gan David Adams; Richard Bennett (6); Beriah Gwynfe Evans; D. Emlyn Evans; Owen Evans (9); Thomas Gee (2, mae un yn lythyr cydymdeimlad ar achlysur marwolaeth David Peate); W. Goscombe John (3); J. R. Jones (Lima, Ohio); Thomas H. Jones (Lima, Ohio) (9); J. E. Lloyd (2); T. Talwyn Phillips (11); Eifionydd (5); a Rowland Williams (Hwfa Môn). Yn ogystal, mae'r ffeil yn cynnwys toriad o deyrnged i George H. Peate, cerdyn yn diolch i bobl ar ran y teulu am eu cydymdeimlad, 1938, a rhestr deipysgrif o'r rhai i anfon atynt.

Llyfr cyfrifon Cymdeithas Lenyddol Llanbrynmair, 1890-1904. Sefydlwyd y Gymdeithas yn 1890 a bu George H. Peate yn Ysgrifennydd arni.

Night book yn cynnwys cyfraniadau aelodau o'r Loyal Brynmair Lodge, 1906-1907, yn eu plith George H. Peate.

Tri llyfr lloffion yn cynnwys torion printiedig yn bennaf, 1860-1937, y mwyafrif ohonynt yn ymwneud ag ardal Llanbrynmair. Mae rhai o'r torion yn cyfeirio at aelodau'r teulu, yn cynnwys Iorwerth Peate, ac mae sawl cerdd ganddo yn eu plith. Ymddengys mai George H. Peate sydd wedi casglu'r torion ynghyd yn y cyfrolau. Mae nifer o'r papurau'n rhydd.

Tystysgrifau ysgol a choleg, 1917-1920 a 1923. Yn ogystal, mae'r ffeil yn cynnwys taflen Machynlleth County School Annual Speech Day, 1920, sy'n nodi fod Annie Davies wedi derbyn Tystysgrif Uwch yn arholiadau Bwrdd Canol Cymru.

Cyfrolau a phapurau rhydd, [1915-1930], yn perthyn i Nansi Peate. Maent yn cynnwys nodiadau ar lenyddiaeth Gymraeg.

Tystlythyrau, 1923 a 1927, gan T. H. Parry-Williams a T. Gwynn Jones.

Dau lythyr, 1926, ynglŷn â thraethawd ymchwil Nansi Peate; ynghyd â thystysgrifau treth, 1983. Yn ogystal, mae'r ffeil yn cynnwys dau lythyr, 1927-1928, wedi'u cyfeirio at Mr Davies, tad Nansi Peate o bosib.

Llythyrau, 1955 a 1957, yn ymwneud â chais Dafydd Peate i gofrestru fel Gwrthwynebydd Cydwybodol yn erbyn gwasanaeth filwrol. Yn eu plith ceir llythyrau gan George Thomas (3), Walter Monckton (3), Raymond Gower, ac Iain Macleod. Yn ogystal, mae'r ffeil yn cynnwys copïau o ddatganiad Dafydd Peate, 1954, i'r tribiwnlys; ac adroddiad am yr achos yn y wasg, 1955.

Llythyrau, 1936, yn llongyfarch Iorwerth a Nansi Peate ar enedigaeth eu mab Dafydd.

Copi o The Courier/Llais y Lli, 1954, yn cynnwys erthygl gan Dafydd Peate, 'A Ddylai Cymru Gael Hunan-Lywodraeth?'. Yn ogystal, ceir adroddiad ganddo yng nghylchlythyr BBC Cymru, 1977, o daith ffilmio yng Nghanada; toriad papur newydd, [?1954], gyda llythyr gan Dafydd Peate ynglŷn â'r Blaid Lafur ac Aberdâr; a chopi o gylchlythyr BBC Cymru, 1979, yn cynnwys 'Llythyr agored at Fwrdd Cyfarwyddo BBC Cymru'.

Llythyrau a chardiau cydymdeimlad, 1980-1981, yn dilyn marwolaeth Dafydd Peate. Yn eu plith mae rhai gan Douglas Bassett; Gerard Casey; Alun Talfan Davies; J. Eirian Davies; Jennie Eirian Davies; Gwilym Prys Davies; Gwyn Erfyl; George Ewart Evans; R. Alun Evans; David Jenkins; E. D. Jones; Gwyn O. Jones; Harri Pritchard Jones; J. Gwilym Jones; R. Brinley Jones; Ceri Lewis; D. Tecwyn Lloyd; W. Rhys Nicholas; Dyfnallt Morgan; Trefor M. Owen; Thomas Parry; Ernest Roberts; Kate Roberts; Selyf Roberts; Wyn Thomas; Gwilym R. Tilsley; John Roberts Williams; a Stephen J. Williams. Yn ogystal, mae'r ffeil yn cynnwys copi o'r deyrnged, 1980, a draddodwyd yn yr angladd.

Papurau amrywiol, 1873-1978, yn ymwneud â theulu Iorwerth Peate. Maent yn cynnwys llythyrau yn bennaf sydd wedi eu cyfeirio at amryw o'r teulu, ac yn eu plith ceir llythyrau gan berthnasau yn yr Unol Daleithiau, megis Maurice Pate (3); brawd Iorwerth Peate, Dafydd; ei dad George H. Peate; David Peate; a llythyr, 1930, gan Iorwerth Peate at ei chwaer Morfudd gyda chopi o'r gerdd 'Adar To yn Chwefror'. Yn ogystal, mae'r ffeil yn cynnwys cytundeb, 1873, rhwng David Peate ac Evan Davies ynglŷn â gosod Glanllyn; ewyllys ei fam Elizabeth Peate, 1939; a thaflenni gwasanaethau coffa ac angladd aelodau'r teulu, 1974, 1977-1978.

Llythyrau, 1925-1982, gan gynnwys rhai oddi wrth Kevin Danaher (5); Glyn Daniel (3); Aled Lloyd Davies; Alun Creunant Davies (7, rhai ohonynt yn ymwneud â Rhwng dau fyd); Alun Oldfield-Davies (3); Alun Talfan Davies (4); Catrin Puw Davies; Idris Davies (2); Ithel Davies (4); Eirian Davies (4); Jennie Eirian Davies (7); J. Glyn Davies (3); Pennar Davies (2); a Tomas de Bhaldraithe (3). Ymhlith yr ohebiaeth mae llythyrau yn ymwneud ag ewyllys Iorwerth Peate, a thir yn ymyl ei gartref, Maes-y-coed.

Llythyrau yn bennaf, 1962-1981, ynglŷn â gwneuthurwyr clociau, nifer ohonynt yn cyfeirio at waith Iorwerth Peate, Clock and Watch Makers in Wales (Caerdydd, 1945). Yn eu plith ceir rhai lluniau o glociau; nodiadau teipysgrif megis 'The nomenclature of sundials', 'Llandovery town clock' a 'Llandovery clockmakers'; a chopi printiedig o'r penillion, 'Myfyrdod ar y cloc yn taro'. Yn ogystal, ceir llythyrau, 1943 (fwyaf) a 1945, yn ymwneud â John Tibbot yn bennaf a Samuel Roberts, yn cynnwys rhai oddi wrth W. Ambrose Bebb; Robert Evans (3); R. T. Jenkins; E. D. Jones (3); Bob Owen; a J. B. Willans.

Papurau, 1911-1944, 1970 a 1975, yn ymwneud â'r gyfrol The Welsh House: A Study in Folk Culture (Lerpwl, 1944), yn cynnwys llythyrau gan D. Lleufer Thomas, J. L. C. Cecil-Williams (4); J. Lloyd-Jones (2); Evan D. Jones (2); Henry Lewis (2); D. J. Williams; Ifor Williams (3); Ifan ab Owen Edwards; Estyn Evans; W. J. Gruffydd; H. Harold Hughes; A. L. Leach; E. A. Lewis; Llew Morgan (2); J. F. Rees; E. G. Bowen; Sigurd Erixon; A. W. Wade-Evans; H. J. Fleure; a J. B. Willans; copïau o daflen yn hysbysebu'r llyfr; copi printiedig o erthygl gan Iorwerth Peate, 'Folk studies in Wales'; torion o'r wasg, sef adolygiadau o'r Welsh House yn bennaf; ynghyd â nifer o ffotograffau a brasluniau o adeiladau.

Llythyrau, 1923-1981, gan gynnwys rhai oddi wrth Faber & Faber (61, gyda nifer ohonynt yn ymwneud â llyfr Iorwerth Peate Tradition and folk life : a Welsh view); Geoffrey L. Fairs (3); Alexander (Sandy) Fenton (15); R. M. Fleming (4, yn cynnwys copi o lythyr at D. Lleufer Thomas); H. J. Fleure (48, yn cynnwys tystlythyrau ar gyfer Iorwerth Peate); Michael Foot; Idris Foster (10); a Cyril Fox (18).

Llythyrau, 1928-1982, gan gynnwys rhai oddi wrth Kenneth Jackson (3); M. Auronwy James; A. O. H. Jarman (2); David Jenkins (15); J. Geraint Jenkins; R. T. Jenkins (18); Dilwyn John (13); W. Goscombe John (4); Herbert Lloyd-Johnes (25); Cynan (7); Bedwyr Lewis Jones (4); Ben G. Jones (8); Bobi Jones (9); C. C. Lloyd Jones; D. Gwenallt Jones (3); D. Parry-Jones (4); Derwyn Jones; Dic Jones (2); E. K. Jones (2); Evan D. Jones (5); F. Hope-Jones; Frank Llewellyn-Jones (2); Frank Price Jones (6); G. O. Jones (10); Gerallt Jones; Gwilym Arthur Jones (3); Gwilym R. Jones (8); Gwyn Jones (2); Gwyn I. Meirion-Jones (4); Iorwerth Jones (9); J. R. Jones (4); R. Brinley Jones (10); R. Gerallt Jones (2); R. Tudur Jones (6); Sam Jones (5); T. Llew Jones (4); Tegwyn Jones (3); Thomas Jones (1870-1955) (6); a Thomas Jones (1910-1972) (3).