Dangos 173 canlyniad

Traethawd: 'Natur a datblygiad y dehongliad o Gymru gan awduron Eingl-Gymreig a beirniadaeth lenyddol', Prifysgol Lerpwl, 1961 ynghyd â thaflen y seremoni, Mehefin 1961.

Ei draethawd 'Yr elfen bersonol yng Nghanu Taliesin, Llywarch Hen a'r Canu Gwirebol', 1936, ynghyd â phapurau eraill o'i ddyddiau coleg fel bwydlenni Cinio'r Gymdeithas Gymraeg, 1936-1937, wedi'u llofnodi gan y rhai oedd yn bresennol.

Nodiadau Ieitheg (Ifor Williams), Dafydd ap Gwilym, nodiadau Hanes, ynghyd â nodiadau diweddarach.

Papurau a osodwyd gan Fwrdd Canol Cymru, 1923; papurau arholiad Prifysgol Cymru, 1934-36, ynghyd â chardiau aelodaeth cymdeithasau, taflen ei seremoni raddio yn BA, 1937 a rhaglen, 11 Gorffennaf 1990, y seremoni pan y'i dyfarnwyd yn Gymrawd er Anrhydedd gan Brifysgol Bangor, a thoriad o'r Cyfnod yn cofnodi'r achlysur.

Papurau'n ymwneud â'i ymweliad ag Iwgoslafia, Medi 1976, gydag Undeb y Llenorion, taith Côr Meibion Bro Glyndwr i'r Iseldiroedd, 1988, a thaith i Fflandrys i goffáu Hedd Wyn, 1992. Ceir ei basbort hefyd, 1958-1968.

Papurau, 1942-1943, a dderbyniodd fel aelod o'r blaid yng Ngogledd Cymru ac ym Mhrydain.

Llyfr ysgrifennu ysgol yn cynnwys traethodau ar lenyddiaeth Saesneg, 1931-1933.

Llyfr nodiadau yn cynnwys hanes ei ddyddiau ysgol wedi'i ysgrifennu gyda'i gyd-awdur Gwynn Williams yn 1931.

Teyrnged brintiedig y Parch. Robin Williams i dad D. Tecwyn Lloyd (Llandysul, 1970), ynghyd â thaflen ei angladd, 1 Mehefin 1970. Ceir hefyd anerchiad John Lloyd, 'Y Beibl yng ngolau beirniadaeth ddiweddar', ar gyfer cyfarfod misol yn Nwyrain Meirionnydd, mewn llyfr nodiadau, [1927]-[1928], yn llaw ei fab. Ychwanegwyd nodyn cefndirol ganddo yn 1976. Ceir hefyd goeden deulu Teulu Lloydiaid Penybryn yn cynnwys pedair cenhedlaeth o deulu John a Winifred Lloyd.

Tystysgrifau, 1927-1938, gan gynnwys rhai arholiadau'r Ysgol Sul, am ennill gwobrau llenyddol yn Eisteddfod Myfyrwyr Colegau Bangor, 1937, ac am lwyddo mewn arholiad cwrs ymarfer dysgu, 1938.

Ei adroddiadau ysgol tra'n ddisgybl yn Ysgol Ramadeg y Bala, 1927-1933, ynghyd ag adroddiad a dderbyniodd yn Ysgol y Cyngor, Llawrybetws, 1927.

Tystysgrifau, 1914-1992, gan gynnwys tystysgrif geni Tecwyn Lloyd, 1914, tystysgrifau priodas, 1955 a 1984, tystysgrif marwolaeth Frances Lloyd, 1980, a Tecwyn Lloyd, 1992.

Atgofion am ei ddyddiau cynnar yng Nglanrafon ond a ysgrifennwyd yn 1991.

Rhaglen y seremoni ym Mhrifysgol Cymru, Aberystwyth, 14 Gorffennaf 1990, a rhaglen yn cynnwys sgript cyfarfod Cylch Llenyddol Bro Glyndŵr a gynhaliwyd yng Ngwesty'r Cyfnod, y Bala, i'w longyfarch ar ei radd, Chwefror 1990. Ceir hefyd fwydlen y noson gyda chartŵn o waith E. Meirion Roberts ar y clawr.

Llyfr lloffion yn cynnwys cardiau post a deunydd yn ymwneud â'i ymweliad â Thwrci yn 1971.

Llyfr lloffion yn cynnwys teyrngedau a cherddi coffa i Llwyd o’r Bryn, 1962; taflen cyfarfod dadorchuddio tabled goffa iddo yn Ysgol y Sarnau, 1968; torion am foddi Tryweryn, 1964-1965; a thorion eraill.

Ymchwil achyddol 'Llinach Llwydiaid Defeity', ynghyd â llythyrau oddi wrth berthnasau yn yr Unol Daleithiau, ac oddi wrth Nesta Wyn Jones; llungopi o ewyllys Siôn Llwyd, Cwmpenanner, 1690, ac adysgrif ohoni; astudiaeth 'Dyriau Diwiol o waith Sion Llwyd (bu f: 1696) Tymawr, Cwmpennanner'; llyfr rhifyddeg ei dad John Lloyd, 1911-1912, a'i dystysgrif priodas, 1913; ynghyd â cherdd goffa brintiedig i Maggie Lloyd [modryb Tecwyn Lloyd], [1906].

Dyddiadur poced gydag ychydig o gofnodion.

Yn cynnwys sylwadau achlysurol rhwng 14 Gorffennaf 1968 a 6 Ionawr 1992 mewn llyfr cofnodion.

Yn cynnwys sylwadau achlysurol rhwng 11 Medi 1963 a 13 Gorffennaf 1968 mewn llyfr cofnodion gan gynnwys copi o raglen y ddrama 'Y Cythreuliaid' a droswyd ganddo, 1965.