Showing 68 results

Drafftiau llawysgrif o hanesion byrion heb eu dyddio.

Cyfieithiadau i'r Gymraeg o gerdd yr un gan Andrew Marvell, Robert Herrick a John Donne, heb eu dyddio.

Pregethau, darlithiau, ac areithiau gan Ben Davies, [19 gan., hwyr] - 1937. Mae'r rhain yn cynnwys anerchiadau a nodiadau ar Y Wladfa, Ann Griffiths a Watcyn Wyn, a darlithiau a draddodwyd yng Ngholeg Bala Bangor.

Nodiadau ar Lundain o dan y teitl 'Trem ar Lundain', heb eu dyddio.

25 llythyr ac 19 o ddrafftiau nas cyhoeddwyd yn Y Llenor yn cynnwys barddoniaeth, ysgrifau, straeon byrion ac erthyglau, 1934-1945. Yn eu mysg ceir cyfraniadau gan D. Tecwyn Lloyd, 1944, Idris Davies, 1944, Gwilym R. Tilsley, 1944, R. T. Jenkins, 1944, Euros Bowen, 1941, Cynan, 1942, Harri Williams, heb eu dyddio, W. Ambrose Bebb, 1942, a Melville Richards, 1934.

27 o lythyrau yn ymwneud â rhifyn coffa T. Gwynn Jones o'r Llenor, yn cynnwys llythyrau oddi wrth T. H. Parry Williams, E. Morgan Humphreys, Dewi Morgan, David James Jones (Gwenallt), Richard Aaron, J. M. Edwards, J. Lloyd-Jones, John Tudor Jones (John Eilian), Sir Thomas Parry, W. J. Gruffydd, D. Rees Griffiths (Amanwy), E. Tegla Davies, Gwilym R. Jones, Dafydd Jenkins, Geraint Bowen, Idris Bell, 1949.

Pedair cyfrol o ddeunydd amrywiol, ond gan fwyaf o doriadau papur newydd. Mae tair cyfrol yn cynnwys toriadau o gerddi ar ben nodiadau eraill - dau yn cynnwys yr enw Evan Davies, Pentrebach, ac un yn cynnwys yr enw Annie Davies, Abercanaid, heb eu dyddio. Mae'r bedwaredd gyfrol yn cynnwys cyfrifon Miss E. E. Lewis a Margaret Lewis, Mr David H. Lewis, ac ystâd Plasmarl, 1891-1903, a thoriadau allan o'r Darian, 1916, a thoriadau yn ymwneud â choginio, heb eu dyddio.

Cyfrol yn cynnwys yr enw Annie Davies, Abercanaid, yn cynnwys toriadau papur newydd, 1892-1928 ac heb ddyddiad.

Sgriptiau a llyfrau nodiadau gan T. J. Morgan yn ymwneud ag R. G. Berry, yn cynnwys sgriptiau'r rhaglen nodwedd, 1954, a darlith, 1962. Ceir hefyd lythyr at T. J. Morgan yn trafod sgriptiau R. G. Berry, 1954, a detholiad allan o un o'i ddramâu.

44 llythyr a drafftiau o 58 cerdd, 5 erthygl, 3 ysgrif, 2 stori fer ac un drama, 1925-1944, yn cynnwys cyfraniadau gan T. Rowland Hughes, 1942, R. T. Jenkins, 1943, D. Miall Edwards, 1935, G. J. Roberts, 1944, B. T. Hopkins, 1927, H. Meurig Evans, 1936, H. D. Lewis, 1936, L. Haydn Lewis, 1938, Meurig Walters, 1938, Waldo Williams, 1939, T. I. Ellis, 1940, J. T. Jones, 1938, D. Tecwyn Lloyd, 1940, T. E. Nicholas, 1941, Alun T. Lewis, 1941, D. Jacob Davies, 1941, J. M. Edwards, 1940, E. Tegla Davies, 1925. Mae'r ffeil yn cynnwys hefyd restr 'Barddoniaeth' rhwng 1927 ac 1941, ond ni restrir rhan helaeth o'r ffeil ynddo.

12 o lythyrau ac 11 drafft o erthyglau a cherddi a anfonwyd at T. J. Morgan ar gyfer eu cyhoeddi yn Y Llenor, yn cynnwys cyfraniadau gan Idris Bell, 1949, R. T. Jenkins, 1947, Frank Price Jones, 1949, Mathonwy Hughes, 1946, J. Lloyd-Jones, 1951, T. I. Ellis, 1941, J. Eirian Davies, 1945, a Glyn Tegai Hughes, 1945. Mae'r ffeil hefyd yn cynnwys llythyr at W. J. Gruffydd, 1936, a nodyn gan Prys Morgan, 1987.

Mae'r grŵp yn cynnwys llythyrau, gan mwyaf at Llewellyn Llewellyn a'i wraig Priscilla, oddi wrth eu teulu, ac hefyd, oddi wrth ffrindiau a chydnabod, 1880-1926. Mae'r ohebiaeth, gan mwyaf, yn ymwneud â Llewellyn Llewellyn a'i deulu. Ceir hefyd rai dogfennau personol ac amrywiol, cardiau post a phrisiadau tir, 1892-1921.

Mae'r grŵp yn cynnwys dyddiaduron o fyfyrdodau ac emynau, 1900-1932; cerddi, pregethau, nodiadau darlithiau, areithiau, ac eitemau a gasglwyd gan Ben Davies 1862 - [1937]; casgliad o erthyglau a cherddi a gyhoeddwyd mewn cylchgronau, 1896-1931; papurau a nodiadau yn ymwneud â'r Wladfa, 1923 - [1937]; ychydig nodiadau ar Ddiwygiad 1904, pryddestau eisteddfodol, 1889-1891; a drafftiau o ddramâu, heb eu dyddio. Mae'r grŵp hefyd yn cynnwys dwy eitem nad ydynt yn ymwneud â Ben Davies, 1945, 1964.