Showing 40 results

Copi o 'Ieuan Gwynedd' (Evan Jones), Bywyd Ieuan Gwynedd ganddo ef ei hun (Caernarfon, 1900) a gyhoeddwyd yng nghyfres Clasuron Cymru dan olygyddiaeth O. M. Edwards.

Libreto gan O. M. Edwards i gerddoriaeth Joseph Parry mewn copi o'u gwaith Cambria - a cantata (Rhyl, d.d., ?1896). Perfformiwyd y gwaith am y tro cyntaf yn Eisteddfod Genedlaethol Llandudno, 1896.

Llythyr oddi wrth D. Rhys Phillips at O. M. Edwards, dyddiedig 22 Hyd. 1908, o 78 Rhondda St, Abertawe. Gwahoddiad i ymuno â Chymdeithas Lyfryddol Cymru.

Cyfrol yn gyflwynedig i 'Mr O. M. Edwards, MA, Prif Arolygydd Ysgolion Cymru, fel cydnabyddiaeth o'i wasanaeth amhrisiadwy i iaith a Llenyddiaeth ein gwlad ... ' sef T. J Williams, Hanes y Ddrama Gymreig (Bangor, 1915).

Llyfrau o lyfrgelloedd Syr Owen Morgan Edwards (1858-1920) a Syr Ifan ab Owen Edwards (1895-1970), [1867]-[1945], yn cynnwys llythyrau neu lofnodion yr awduron. Y mae'r mwyafrif ohonynt yn perthyn i O. M. Edwards.

Llythyr dyddiedig 12 Gorff. [19]07 oddi wrth yr awdur 'Cybi' (Robert Evans) mewn copi o'i gyfrol Ardal y Cewri - Enwogion Plwyf Llangybi a'r Cylch ... (Pwllheli, 1907). Mae'n cyflwyno'r llyfr gan obeithio cael adolygiad arno yn Cymru. Argraffwyd 500 copi. Gofynnir am farn y derbynnydd ar gasgliad o emynau yn dwyn y teitl 'Adlais y Diwygiad'.

Llythyr dyddiedig 8 Chwef. [1909] o 51 Hamilton Street, Cardiff, yn 'Eluned', (Eluned Morgan), Gwymon y Môr (Y Fenni, 1909). Dywed fod y llyfr wedi ei gyhoeddi ar waethaf llawer o ddarlithio a diffyg hamdden. Hydera fynd i Lundain yn ystod pythefnos olaf Mawrth. Addawodd annerch plant Bethesda yn eisteddfod fawr Rhys J. Huws. Diolch am ailargraffiad O'r Bala i Geneva, awgrymu yr un peth gyda Tro yn Llydaw.

Dau gopi.

Llythyr yn Saesneg, dyddiedig 5 Tach. [19]10, oddi wrth J. Kyrle Fletcher mewn copi o'i lyfr The Gwentian Poems of Dafydd Benwyn (Cardiff, 1909). Y mae'n cyflwyno'r llyfr. Mae ymgais ar droed yng Nghasnewydd i gael dysgu Cymraeg yn yr ysgolion elfennol fel pwnc dewisol. Y gohebydd wedi dysgu darllen Cymraeg mewn dosbarthiadau ac yn gofyn cyngor ar sut i gyflwyno'i achos gerbron yr awdurdod addysg. Mynegodd holl gynghorwyr yr awdurdod eu cefnogaeth i'r Gymraeg yn ystod yr etholiadau diweddar.

Llythyr dyddiedig 10 Tach. 1900 o 'JCR Jesus College' mewn copi o R. Silyn Roberts a W. J. Gruffydd, Telynegion (Bangor, 1900). Cais am i'r derbynnydd adolygu'r llyfr yn rhifyn nesaf Cymru oddi wrth W. J. Gruffydd.

Nodyn gan 'Morien y Gwyddon' (Owen Morgan) yn cyflwyno'i lyfr Guide to the Gorsedd or Round Table and the Order of the Garter (Cardiff, d.d., ?1899) i Syr O. M. Edwards.

Llythyr dyddiedig 5 Tach. [19]09 o Capel Seion, Glais, oddi wrth T. E. Nicholas mewn cyfrol o'i Salmau'r Werin (Ystalyfera, 1909). Y mae'n gofyn am sylw i'r gyfrol yn Cymru a nodi bod llawer ohonynt eisoes wedi ymddangos yn y cylchgrawn hwnnw. Yr awdur yn ceisio 'dysgu Llafur i siarad Cymraeg' yn Y Glais trwy adrodd rhai o'r cerddi iddynt.

Llythyr (dim dyddiad) gan yr awdur Daniel Owen, 3 New St, yr Wyddgrug, mewn copi o'i nofel Rhys Lewis (Wyddgrug, 1885). Amgau copi Mr J. E. Lloyd gan ofyn ar i'r derbynnydd ei drosglwyddo iddo.

Nodyn dyddiedig 5 Rhag. [19]16. Esboniad paham fod y gwaith yn ymddangos ar ganol cyfnod o ryfel mewn copi o D. Rhys Phillips, A Forgotten Welsh Historian - (William Davies, Cringell, Neath, 1756-1823) ... (Swansea, 1916) a gyflwynwyd i O. M. Edwards gan yr awdur.