Showing 51 results

Crynodebau o gofnodion Cyngor Cenedlaethol Merched y Wawr, 1967-1975, gan gynnwys manylion am yr hyn a drafodwyd yn ystod cyfarfodydd, megis ethol swyddogion newydd, awgrymiadau ynglŷn â gweithgareddau posibl y Mudiad, a materion gweinyddol ac ariannol cyffredinol.

Papurau'n ymwneud ag ethol swyddogion cenedlaethol, 1971-1973, gan gynnwys cylchlythyrau etholiadau Gwanwyn 1970 a Hydref 1973; a llythyrau enwebu Is-Ysgrifennydd Cenedlaethol, 1973.

Papurau ariannol, 1967-1975, yn cynnwys mantolenni ariannol cenedlaethol, 1967-1974; a phapurau'n ymwneud â theithiau tramor y Mudiad, 1972-1975.

Papurau ariannol yn ymwneud â theithiau tramor Merched y Wawr, 1972-1975, gan gynnwys llyfr banc, cyfrifon a rhai llythyrau yn ymwneud â theithiau'r Mudiad i Lydaw, 1972 ac 1973; anfonebau taith Paris, Amsterdam a Brwsel, 1974; ac ambell lythyr yn sôn am y daith i'r Undeb Sofietaidd, 1975. Zonia M. Bowen oedd yn gyfrifol am drefnu'r teithiau yma ar ran y Mudiad.

Llythyrau gan unigolion amrywiol yn llongyfarch Zonia M. Bowen ar sefydlu Merched y Wawr, 1967-1969, gan gynnwys llythyrau oddi wrth Olwen Pierce, oedd yn bresennol yng nghyfarfod sefydlu'r cangen gyntaf o Sefydliad y Merched yn Llanfair-pwll yn 1915; Cassie Davies; a Hafina Clwyd. Ceir rhestr o gynnwys y ffeil o fewn y ffolder.

Papurau Zonia M. Bowen yn ymwneud â sefydlu mudiad Merched y Wawr, 1965-2007, yn cynnwys llythyrau'n ymwneud â changhennau ledled Cymru, 1967-1975; gohebiaeth gyffredinol, 1967-1977; papurau gweinyddol, 1965-1975; papurau ariannol, 1967-1975; cylchlythyrau, 1968; torion o'r wasg, 1967-2007; a phapurau amrywiol, 1967-2007, gan gynnwys anerchiadau, papurau'n ymwneud ag ymddiswyddiad Zonia M. Bowen, a chrynodebau o hanes y Mudiad.

Llythyrau at Zonia M. Bowen yn ymwneud â changhennau Sir Gaernarfon, 1967-1975, gan gynnwys gohebiaeth ynglŷn â chefnogaeth y canghennau lleol tuag at gau Ysgol Bryncroes, Llŷn, 1970.

Llythyrau gan swyddogion cenedlaethol Merched y Wawr, 1968-1975, at Zonia M. Bowen, yn ymwneud â chyfarfodydd y Cyngor Cenedlaethol a'r Pwyllgor Gwaith, a materion gweinyddol amrywiol.

Llythyrau at Zonia M. Bowen yn ymwneud â'r cylchgrawn Y Wawr, 1967-1975, gan gynnwys gohebiaeth yn trafod yr awgrym i wneud y cylchgrawn yn atodiad i Barn; llythyrau ynglŷn â chyfraniadau i'r cylchgrawn; archebion ar gyfer copïau; a phapurau yn ymwneud â gwerthiant a chostau dosbarthu Y Wawr. Ceir rhestr o gynnwys y ffeil o fewn y ffolder.

Llythyrau at Zonia M. Bowen gan swyddogion Plaid Cymru, 1968-1971, gan gynnwys cais am ysgrif ar lwyddiant Merched y Wawr ar gyfer Y Ddraig Goch, 1968; pamffled ynglŷn â boddi cymoedd Cymru er mwyn darparu dŵr i ardaloedd yn Lloegr, 1971; ac adroddiad ar ddiweithdra yng Nghymru, 1971.

Papurau gweinyddol Merched y Wawr, 1965-1975, yn cynnwys papurau'n ymwneud â Sefydliad y Merched Y Parc a sefydlu Merched y Wawr, 1965-1967; cyfarwyddiadau ar sut i ddechrau cangen o'r Mudiad, 1967-1975; cofnodion y Cyngor Cenedlaethol, 1967-1975; cofnodion y Pwyllgor Gwaith, 1969-1975; copi o'r Cyfansoddiad, 1969; papurau'n ymwneud ag ethol swyddogion cenedlaethol, 1971-1973; a rhestri o ganghennau, 1975.

Copi o Gyfansoddiad Merched y Wawr, 1969.

Mantolenni cyfrif cenedlaethol Merched y Wawr, 1967-1974, gan gynnwys cofnodion o dderbyniadau a threuliau'r Mudiad. Mae'r ffeil hefyd yn cynnwys rhai anfonebau.

Papurau amrywiol, 1967-2007, yn cynnwys anerchiadau Zonia M. Bowen, 1967-1974; papurau'n ymwneud ag ymddiswyddiad Zonia M. Bowen o'r Mudiad, 1965-2007; a chrynodebau o hanes sefydlu'r Mudiad, 1975-2004.