Showing 982 results

Yr oedd yn dymuno gweld Iorwerth C. Peate yn cael ei swydd yn ôl yn yr Amgueddfa am ddau reswm: 1) am iddo gael ei drin yn annheg a 2) byddai ei ymadawiad yn golled fawr i'r Amgueddfa. Llwyddwyd i gael digon o aelodau o'r Cyngor i gefnogi'r cais. Llwyddwyd i gael y Cyngor i aildrafod y mater. Y mae'n weddol hyderus y gwelir Iorwerth C. Peate yn ôl yn ei swydd cyn hir. Rhaid newid cyfansoddiad y Cyngor i osgoi digwyddiad tebyg yn y dyfodol ond gall hynny brofi'n fenter tymor hir. Copi teipysgrif.

Mae'n ysgrifennu yngl?n â ffenestr goffa Morgan Llwyd. Yr oedd wedi ei chynllunio a'i chwblhau bron cyn bod neb ond Syr T. Carey Evans yn gwybod amdani. Yr oedd y lluniau ar y ffenestr 'yn ddim llai na thrychineb'. Llwyddwyd i newid y geiriau 'Patriot, Poet, Scholar, Soldier' a rhoddwyd 'Amser dyn yw ei gynhysgaeth' i mewn hefyd. Byddai'n well iddi gostio £20 arall nag ymddangos fel y mae.

Cafodd ei synnu o dderbyn llythyr W. J. Gruffydd. Nid oedd neb ar staff yr Amgueddfa yn gyfrifol am newid y manylyn lleiaf o gyfieithiad W. J. Gruffydd. Wedi ffônio yr argraffwyr William Lewis, cafwyd mai Cymro oedd y cysodwr a'i fod ef wedi cyfaddef mai ef a newidiodd y ffurf 'Edward' yn 'Iorwerth'. Y mae'n cydymdeimlo â W. J. Gruffydd am y diflastod a grewyd gan y mater.

Mae'n diolch i Dr Fox am ei eglurhad sef mai'r argraffwyr, William Lewis Cyf., a oedd yn gyfrifol am y cywiriad. Hydera ei fod wedi achwyn yn erbyn y fath hyfdra. Copi teipysgrif.

Y mae'n amgau copi o lythyr a anfonodd at William Lewis Cyf., yr argraffwyr. Y mae'n pwysleisio na ddylai argraffwyr newid dim o'r hyn a ddanfonir atynt.

Y mae'n falch iawn fod W. J. Gruffydd yn bwriadu ymgymryd ag ysgrifennu cofiant O. M. Edwards. Fe wyr hi am rai defnyddiau yn y Llyfrgell Genedlaethol ar O. M. Edwards. Mae'n cynnig, fel cynfyfyriwr iddo, ei gynorthwyo mewn unrhyw fodd.

Mae'n holi am gopi o ddarlith W. J. Gruffydd i'r Cymmrodorion gan fod rhifyn o'r Trafodion ar fin mynd i'r wasg. Hydera na fydd unrhyw dalfyrru ar y cyfraniad ac y bydd yn cynnwys y darn gwych ar ddiwylliant gwerin.

Ceisio rhagweld gweithgareddau mewn pwyllgor i'w gynnal yn Amwythig [yngl?n â dylifiad yr evacuees] o Loegr i gartrefi ac ysgolion Cymru a'u dylanwad andwyol ar yr iaith Gymraeg. Awgrymir codi'r argyfwng yn bwnc trafod ymhob capel a chael Undeb yr Athrawon i gynnal cyfarfod o'r rhieni ymhob pentref. Mae'n rhagweld y ddadl y gellid codi gwersylloedd i gartrefu'r Saeson ond petai'r llywodraeth yn cytuno fe gymerai flwyddyn i godi cytiau addas. Awgryma y dylid apelio am bum neu ddeg mil o bunnoedd fel y gallai Urdd [Gobaith Cymru] gyflogi ugeiniau o weithwyr a'u gyrru ar hyd ac ar led i roi mwy o addysg i'r plant Cymreig. Mae'n awgrymu bod W. J. Gruffydd fel cadeirydd y cyfarfod yn cyflwyno y syniad uchod i'r cyfarfod.

Diolch am gymwynas W. J. Gruffydd yn bodloni adolygu llyfr. Nid oes neb ond ef yn gymwys gan fod Loomis yn rhy bell a'r post yn ansicr. Y mae'n gwella'n dda a gall wneud llawer o'i waith gartref ond bydd yn rhaid iddo ddychwelyd i'r ysbyty am ychydig. Y mae'n gofidio na fu iddo wneud dim yngl?n â chyfansoddiad yr Eisteddfod a'r siarter. Bu'n ymhél â'r P.A.Y.E. ers misoedd ac aeth hwnnw â'i amser i gyd.

Mae'n amgau dwy soned ar gyfer Y Llenor ac yn diolch i W. J. Gruffydd am ei safiad yn ystod y flwyddyn gan gynnwys achos [Eisteddfod] Machynlleth.

Hysbysu bod cyfarfod o Adran Glasurol Urdd Graddedigion Prifysgol Cymru i'w gynnal yn Eisteddfod Aberystwyth ar 6 Awst. Cylchlythyr teipiedig.

Mae'n anfon cart achau yn dangos disgyniad ei theulu o linach Ellis Wynne o'r Lasynys. Hanesion teuluol.

Gwybodaeth am ddisgyniad y teulu Hartley oddi wrth Ellis Wynne.

Cysylltiad y teulu Hartley ag Ellis Wynne.

Y mae'n amgau cân 'Mab y Saer' ar gyfer Y Llenor. Mae'n diolch am Hen Atgofion ac am gerdd W. J. Gruffydd yn y rhifyn diweddaraf o'r Llenor. ['In Memoriam', cyf. XVI (1937), t. 7. Cyhoeddwyd 'Mab y Saer' yn yr un gyfrol, t. 70].

Llongyfarch W. J. Gruffydd ar ei araith yn yr Eisteddfod. Yr oedd yn dda ganddo ei glywed yn 'curo ar yr hen sylfeini'.

Daeth cofiant O. M. Edwards i law. Bu'n ei ddarllen mewn cadair yng ngolwg y môr ac anodd oedd ei roi heibio ar adeg prydau bwyd. Diolch am yr hyfrydwch a gafodd o ddarllen y llyfr.

Diolch am lythyr W. J. Gruffydd ac am gael gweld ei lythyr at Cynan. Mae'n sôn am drafodaeth ar ran o Gyfansoddiad yr Eisteddfod a fu'n achos colli tymer sef yr hyn a elwid yn 'Bond yr Orsedd'. Mae'n ymddiheuro am unrhyw ddiffyg a fu yn ystod y trafodaethau i ddeall ei gilydd.

Mae'n anfon copi o apêl gan y Prifathro J. Morgan Jones ar ran Cynhadledd er Diogelu Diwylliant Cymru gyda'r un post. Disgwylir i'r swyddogion ei harwyddo a'i hanfon ymlaen at bawb y tybir y bydd iddynt gyfrannu.