Dangos 3783 canlyniad

Llyfr nodiadau, 1909, yn cynnwys telynegion 'Tymhorau bywyd' yn llaw Wil Ifan [fe'u hargraffwyd yn Dros y nyth: caniadau William Evans, Penybont ar Ogwr (Y Fenni, 1913)]. Ceir englynion eu tad y Parch D[an] E[vans] ar ben-blwydd eu mam, [1918]-[1924] ac adroddiad o'r wasg ar achlysur dathlu eu priodas aur yn 1923; cerdd 'Clymu' gan J. T. Job ar achlysur priodas Siân a D. J. Williams yn 1925; ynghyd â chofnod o'r marciau a gafodd mewn cwrs coginio gan Brifysgol Cymru, Aberystwyth yn 1902; a manylion a gopïwyd ganddi o Feibl ei thad am y teulu, 1798-1903.

Mae'r ffeil yn cynnwys teipysgrif 'Dyn mawr, dyn bach, dewin a doctor', ynghyd â rhai nodiadau cefndir a pheth gohebiaeth berthynol, 1991. Hon oedd un o'r dramâu a gynhyrchwyd o ganlyniad i'r flwyddyn a dreuliodd Angharad Tomos yn Awdur Preswyl gyda thri chwmni Theatr Mewn Addysg yn ystod 1991, y tro hwn ar gyfer Arad Goch - Cwmni Theatr Dyfed.

Cofrestr aelodau [Eglwys Annibynnol Bryngwenith, Llanfair Trelygen], 1859-1860, yn dangos eu cyfraniadau tuag at y weinidogaeth. Ceir nodyn tu mewn i'r clawr gan y [Parch. Dan Evans, tad Siân Williams, gweinidog ar yr eglwys am wyth ar hugain o flynyddoedd]: 'Derbyniwyd y llyfryn hwn 13 Medi '32 trwy law Mr David Jones Crynant oddiwrth Miss Adams Tynewydd'.

Mae'r ffeil yn cynnwys copi o'r sgript a'r pecyn addysg a baratowyd i gyd-fynd â'r cynhyrchiad o 'Diffinia', sioe am Wlad y Basg, ynghyd â pheth gohebiaeth berthynol, 1991. Hon oedd un o'r dramâu a gynhyrchwyd o ganlyniad i'r flwyddyn a dreuliodd Angharad Tomos yn Awdur Preswyl gyda thri chwmni Theatr Mewn Addysg yn ystod 1991, y tro hwn ar gyfer Cwmni'r Frân Wen.

Mae'r ffeil yn cynnwys drafft o sgript 'Tanddaearol' sy'n cynnwys newidiadau sylweddol yn llaw'r awdur, ynghyd â nodiadau, syniadau am y set, copïau o adolygiadau a deunydd hysbysebu, 1991. Hon oedd un o'r dramâu a gynhyrchwyd o ganlyniad i'r flwyddyn a dreuliodd Angharad Tomos yn Awdur Preswyl gyda thri chwmni Theatr Mewn Addysg yn ystod 1991, y tro hwn ar gyfer Cwmni Hwyl a Fflag.

Llyfr cofnodion, 1934-1936, Pwyllgor yr Orsedd Eisteddfod Genedlaethol Abergwaun 1936. Yr oedd Mrs Siân Williams yn is-ysgrifennydd y Pwyllgor.

Mae'r ffeil yn cynnwys teipysgrif orffenedig sgript 'Tanddaearol'.

Cyhoeddiadau gan y Bwrdd Canolog ar gyfer Gwrthwynebwyr Cydwybodol (CBCO), 1941-1943, yn cynnwys cylchlythyrau a phamffledi.

Mae'r ffeil yn cynnwys teipysgrif ddrafft o sgript y sioe 'Cerdyn post o Wlad y Rwla', 1994.

Mae'r ffeil yn cynnwys teipysgrif derfynol o sgript y sioe 'Cerdyn post o Wlad y Rwla', 1994.

Mae'r ffeil yn cynnwys teipysgrif 'Dawns atgo', cyfieithiad Cymraeg Angharad Tomos o Brian Friel, Dancing at Lughnasa (Llundain, 1990); ynghyd â rhai nodiadau a dau gopi o'r rhaglen ar gyfer perfformiad Saesneg o'r ddrama yn yr Abbey Theatre, Dulyn, ym mis Ionawr 1991.

Mae'r ffeil yn cynnwys teipysgrif sgript 'Fel paent yn sychu', drama lwyfan gyntaf Angharad Tomos, a ysgrifennwyd ganddi ar y cyd â Chwmni Theatr Crwban, ar gyfer Eisteddfod Genedlaethol Casnewydd, 1988.

Llythyrau, 1902-[1932], oddi wrth y Parch. a Mrs Dan Evans, rhieni Siân Williams, ati yn Aberystwyth, yng Nghaerdydd, Beulah ac Abergwaun, yn trafod materion teuluol.

Rhestrir enwau'r athrawon a'r nifer o blant yn eu dosbarth yn wythnosol a'r arian a gasglwyd, 1894-1896.

Llythyrau, 1902-[1915], oddi wrth Eben Evans, ynghyd â llythyrau, [1916]-[1917], oddi wrth ei wraig Marie yn ymwneud â'u pryder am ddiogelwch Eben. Yr oedd Eben yn athro yn Llundain ond collodd ei fywyd yn Ffrainc.

Rhestrir enwau'r athrawon a'r nifer o blant yn eu dosbarth yn wythnosol a'r arian a gasglwyd, 1897-1903.

Llythyrau, 1902-[1959], at Siân Williams, oddi wrth D. J. Williams, ei brodyr a'i chwiorydd Magi, Anna, Dai a Wil Ifan, yn ymwneud â materion teuluol, ynghyd â llythyr, 1904, oddi wrth y [Parch. Dan Evans] at ei briod a'i blant, o ysbyty yn Abertawe, yn ymwneud â salwch eu mab Evan.