Showing 65 results

Mae'r gyfres yn cynnwys ffeiliau yn ymwneud â chynadleddau amrywiol a gynhaliwyd ar y cyd rhwng yr Academi a Gweled, 1983-1991.

Mae'r gyfres yn cynnwys deunydd yn ymwneud â chyhoeddi Detholion i nodi pen blwydd Euros Bowen yn bedwar ugain oed a'r cyfarfod teyrnged pryd lansiwyd y gyfrol, ynghyd â manylion y cytundeb rhwng Gwasg Gomer, yr Academi ac Euros Bowen, 1984-1985.

Yn ystod 1984 dathlodd yr Academi chwarter canrif o fodolaeth. Yn ystod y flwyddyn, ymysg pethau eraill, trefnwyd Gŵyl Gwenallt a chyfarfod i anrhydeddu Euros Bowen. Ym mis Rhagfyr y flwyddyn honno penderfynwyd cyhoeddi cynhyrchion y cyfarfodydd hyn yn un gyfrol yn dwyn y teitl Dathlu, dan olygyddiaeth R. Gerallt Jones. Mae'r gyfres yn cynnwys drafftiau llawysgrif, teipysgrif a phroflen o'r erthyglau a'r cerddi ar gyfer y llyfr, ynghyd â llythyrau perthynol, 1984-1986.

Mae'r gyfres yn cynnwys gohebiaeth â Thegwyn Jones ynglŷn ag ailargraffu'r gyfrol, 1984-1986.

Mae'r gyfres hon yn cynnyws adroddiadau, cofnodion a gohebiaeth yn ymwneud â chyhoeddi'r cyfieithiadau barddoniaeth a'r cyfieithiadau rhyddiaith, 1974-1986.

Mae'r gyfres yn cynnwys cofnodion pwyllgor, 1977-1980, a papurau ynghylch cymorthdal cyhoeddi.

Mae'r ffeil yn cynnwys gohebiaeth yn adlewyrchu ochr weinyddol y gwaith o gyhoeddi'r cyfrolau, 1989-1992.

Mae'r gyfres yn adlewyrchu gweithgaredd cyhoeddi cyfres calsuron yr Academi. Mae'r ohebiaeth yn ymwneud â pherthynas yr Academi â'r golygyddion, y swyddog cyflogedig a chyrff eraill a oedd yn ymwneud â'r cynllun, 1977-1984.

Mae'r gyfres yn cynnwys gohebiaeth, proflenni a nodiadau ar gyfer y ddwy gyfrol, 1977-1990.

Adysgrif o Gronicl Elis Gruffydd, 'y milwr o Galais', NLW MS 5276D a NLW MS 3054D (Mostyn MS 158 gynt), a fwriadwyd i'w gyhoeddi o bosib fel rhan o gyfres Clasuron yr Academi.

Mae'r gyfres yn cynnwys ffeiliau o ohebiaeth, teipysgrifau a chytundebau yn ymwneud â chyhoeddi rhai o'r cyfrolau yng nghyfres cyfieithiadau barddoniaeth yr Academi, 1978-1985.

Trosiadau o ddramâu a fu ym meddiant y dramodydd Emyr Edwards, gan gynnwys cyfieithiadau ganddo ef, Gareth Miles ac Urien Wiliam.

Mae'r gyfres yn cynnwys gohebiaeth, papurau ac adroddiadau, ynghyd a theipysgrifau ar gyfer rhai o'r cyfrolau a gyflwynwyd ar gyfer y gyfres o gyfieithiadau rhyddiaith, 1977-1990.

Mae'r gyfres yn cynnwys gohebiaeth, ffrwyth ymchwil a deunydd cyffredinol yn ymwneud â threfnu cyfarfodydd coffa a chyfarfodydd teyrnged i rai o brif lenorion yr iaith Gymraeg, 1977-1992.

Dogfennau cefndirol ar gyfer cyfarfodydd Gweithgor y Gweinidog Gwladol ar yr Iaith Gymraeg, a gynhaliwyd yn Y Swyddfa Gymreig, Caerdydd, Ionawr-Mawrth 1988.

Mae'r gyfres yn cynnwys gohebiaeth rhwng yr Academi, Cyngor Bwrdeistref Dyffryn Lliw a Phrifysgol Cymru, Aberystwyth, ynglŷn â lleoliad rhai o greiriau Gwenallt, 1989.

Mae'r gyfres yn cynnwys copïau gwreddiol (a rhai proflenni) o rifynnau 11-79 o Taliesin, 1965-1993. Mae'r bylchau yn y gyfres yn cynnwys rhifynnau 12, 13, 38, 49, 50, 60-67 a 77.

Mae'r gyfres yn cynnwys cofnodion y Bwrdd Golygyddol rhwng 1975 a 1988, ynghyd â rhai llythyrau ac adroddiadau.
Rheolwyd y Geiriadur gan Fwrdd Golygyddol a gyfarfu am y tro cyntaf ar 1 Awst 1975 dan gadeiryddiaeth J. E. Caerwyn Williams.

Mae'r gyfres yn cynnwys dwy gyfrol o gofnodion yr Academi Gymreig o'r cyfnod allweddol rhwng ei sefydlu ym 1960 a chyflogi ei Swyddog Gweinyddol cyntaf ym 1974 ac yn cynnwys cyfeiriadau at nifer o unigolion amlwg ym myd llenyddiaeth Gymraeg yn y cyfnod. Roedd y cyfarfodydd penwythnos yn cynnwys seiadau llenyddol ac un cyfarfod busnes. Cofnodion y cyfarfodydd hyn, a dau gyfarfod o rag-bwyllgor yr Academi a gynhaliwyd yn ystod 1959, a geir yma. Fe fu nifer o'r aelodau yn ysgrifenyddion yn ystod y cyfnod hwn yn eu plith Bobi Jones, yr ysgrifennydd cyntaf, 1959-1963, a Gwyn Thomas, Bangor, 1967-1971, a oedd yn paratoi cofnodion ffraeth a threiddgar.

Mae'r gyfres yn cynnwys cyfrifon, manylion tanysgrifiadau, taliadau i awduron a pheth gohebiaeth â Chyngor y Celfyddydau ynglŷn â chymorthdaliadau, 1967-1997.