Dangos 60 canlyniad

Mae'r ffeil yn cynnwys papur pleidleisio ar gyfer Etholiad Teirblynyddol Bwrdd Ysgol ar gyfer plwyf Llandysul, 1897 (argraffwyd a chyhoeddwyd gan J. D. Lewis); llythyr, 10 Gorffennaf 1911, at John D. Lewis, oddi wrth [Major] Herbert Cass, Dol-llan, Llandysul yn gofyn am gael gwyliau i blant yr ysgol; llythyr (printiedig), Tachwedd 1911, oddi wrth Ysgrifenyddion Mygedol Cymdeithas Cyn-ddisgyblion Ysgol Sirol Llandysul, yn hysbysu bod y tanysgrifiad blynyddol yn ddyledus, a cherdyn gwahodd i aduniad i'w gynnal ar 26 Rhagfyr 1911; ynghyd â chywydd agoriadol ar achlysur ‘Agor Adeiladau Newydd i’r Ysgol, Mai 31, 1962’ gan T. Llew Jones, yn ei law ef, pan agorwyd cyfres o adeiladau newydd ar gampws Ysgol Ramadeg Llandysul ym Mai 1962.

Copi o raglen yn nodi ymweliad Camilla, Duges Cernyw, Noddwr Public Catalogue Foundation â Gwasg Gomer ar 1 Gorffennaf 2013, ynghyd â llythyr oddi wrth Ddirprwy Ysgrifennydd Preifat EHB Tywysog Cymru a Duges Cernyw yn dilyn yr ymweliad a llythyr wrth Mark Williams, AS. Ceir hefyd copïau o bapurau newydd lleol a chopi o’r ‘Print Week’ yn adrodd hanes yr ymweliad, ynghyd â chopïau o luniau a dynnwyd ar y diwrnod.

Llyfryn nodiadau gyda ‘List of London Weekly Newspapers &c’ wedi ysgrifennu ar y dudalen gyntaf [nid oes clawr i’r llyfryn] a ‘commenced Nov. 9 / 89’ ar frig y dudalen, ynghyd â stamp ‘John D. Lewis, Bookseller, Market Stores Llandyssul’. Rhestrir teitlau a thanysgrifwyr.

Copi o lythyr anfonodd John H. Lewis, 3 Hydref 2012, at David Cameron, 10 Stryd Downing, ynghyd ag ymateb y Prif Weinidog, dyddiedig 28 Tachwedd 2012. Ceir hefyd copïau o bapurau newydd lleol a chopi o’r ‘Print Week’ yn adrodd hanes y streic, Awst 2012.

Tri llyfryn nodiadau o eiddo David Lewis, Red Lion, Llandysul yn cynnwys un bregeth yr un: pregeth ar Ioan 12:21 (traddodwyd gyntaf yn 1860); Rhufeiniaid 5:8 (traddodwyd gyntaf yn 1862) a Jwdas 3 (traddodwyd gyntaf yn 1864). Ceir rhestr ymhob llyfryn yn nodi pryd a phle y traddodwyd y bregeth.

Mae'r gyfres yn cynnwys papurau teulu'r Lewisiaid, Llandysul, gan gynnwys papurau personol John D. Lewis (1859-1914) [sylfaenydd Gwasg Gomer], David Lewis (1829-1889) [tad John D. Lewis], Hannah Lewis (1862-1932) [gwraig John D. Lewis], a David Lewis (1890-1943) [mab hynaf John D. Lewis ac Hannah, ac a adwaenid fel Dafydd].

Copi o ‘The Cardigan & Tivy-Side Advertiser’ ar gyfer 24 Medi 1907 a chopi 18 Medi 1992 yn nodi dathliad canmlwyddiant Gwasg Gomer a dalen o’r 'Western Mail' ar gyfer 7 Rhagfyr 1959 yn nodi canmlwyddiant geni J. D. Lewis, sylfaenydd y wasg [2 gopi].

Mae'r ffeil yn cynnwys carden bedyddio John D. Lewis, 1 Mehefin 1873; tystysgrif briodas John David Lewis a Hannah Jones, 31 Rhagfyr 1889; a chopi o ‘Yr Ymofynydd’, Cyfrol 14, Rhif 10, Hydref 1914 yn cynnwys ysgrif deyrnged yn dilyn marwolaeth J. D. Lewis, cyhoeddwr ‘Yr Ymofynydd’.

Mae'r ffeil yn cynnwys trwydded Hannah Lewis, Gomerian Press ar gyfer cerbyd (1916) a chopi o gofnod yng Nghofrestr Ceir Modur ar gyfer fan (1920); llythyr gan Nancy Astor, Tŷ’r Cyffredin at Hannah Lewis, dyddiedig 12 Gorffennaf 1923, yn ymateb i’w “kind and encouraging letter about my Bill”; cerdyn post wedi’i gyfeirio at Mrs Lewis, Gomerian Press, oddi wrth W. J. Jones (Jones y Printer), dyddiedig 1 Awst 1927, gyda llun o Gapel Hebron, Caergybi; amlen wag wedi’i gyfeirio at Mrs J. D. Lewis, Gomerian Press [marc post dyddiedig 7 Awst 1931]; copi o dystysgrif marwolaeth Hannah Lewis, 1932; a thoriad papur newydd yn adrodd hanes ei hangladd.

Mae'r ffeil yn cynnwys copi o lythyr a lofnodwyd gan ‘D. Lewis’ a ysgrifennwyd o Pantnewydd (d.d.); ewyllys David Lewis, Red Lion Shop, Llandysul, dyddiedig 1870; ynghyd â chopi o ewyllys David Lewis, Market Stores, dyddiedig 28 Mai 1879 a grant profiant, dyddiedig 22 Mawrth 1890.

Mae'r ffeil yn cynnwys copi o lythyr David Lewis, dyddiedig 18 Hydref 1926 at David Lloyd George, yn ymateb i'w lythyr blaenorol; pennill ar achlysur priodas David Lewis a Mary Hughes (1939); taflen emynau i’w canu yn angladd David Lewis (1945!); a phennill coffadwriaethol i Dafydd Lewis, Gwasg Gomer, gan Ifan Jones (Prengwyn), dyddiedig Tachwedd 1943.

Nodion addewid [promissory notes] i dalu Mary Evans, Blaenwinllan, plwyf Llanfihangel-ar-arth, Sir Gaerfyrddin (1911, 1920 a 1924).

Memorandwm ac Erthyglau Sefydlu J. D. Lewis & Sons Limited, ynghyd â chopi o Dystysgrif Gorffori, dyddiedig 8 Chwefror 1947.

Llythyr oddi wrth Yr Athro Syr Elihu Lauterpacht (2012), D. Geraint Lewis (2016), a charden a dalen wrth Kyffin Williams (c. 2000).