Showing 19 results

Ceir o fewn y ffeil dau lungopi o Adroddiad Blynyddol eglwys y Trefnyddion Calfinaidd Parkfield, Lerpwl, ar gyfer y flwyddyn 1899.

Mae'r ffeil yn cynnwys lluniau du a gwyn o eglwys Parkfield, Lerpwl.

Mae'r ffeil yn cynnwys cyfrifon cynnal Eisteddfodau'r G'lomen Wen, 'the Birkenhead Children's Eisteddfod', rhwng Mawrth 1918 ac Awst 1956.

Ceir o fewn y ffeil bapurau a thorion papur newydd yn ymdrin â chyflwyno tysteb i Walter Rees Jones i gydnabod ei wasanaeth diflino fel ysgrifennydd Eisteddod y G'lomen Wen, Birkenhead, ers 1919. Cyflwynwyd y tysteb iddo mewn cyfarfod cyhoeddus yn ysgoldy Capel Parkfield, 3 Ionawr 1930.

Mae'r ffeil yn cynnwys copïau teipysgrif a wnaed gan Walter Rees Jones o'r golofn 'Welsh Notes' a ymddangosodd yn y Birkenhead News and Advertiser rhwng Mehefin 1956 ac Awst 1960.

Mae'r ffeil yn cynnwys papurau amrywiol, llawer yn ymdrin ag eglwys y Methodistiaid Calfinaidd Parkfield, Birkenhead. Yn eu plith ceir llyfryn ar hanes yr achos, 1834-1934, gan P. H. Jones, a theipysgrifau yn Gymraeg a Saesneg ar 'Hanes Dechreuad Achosion y Methodistiaid Calfinaidd Cymraeg yn Birkenhead' gan Walter Rees Jones, 1996-1997.

Mae'r ffeil yn cynnwys cofnodion pwyllgorau a rhestr testunau Eisteddfod Cymry Birkenhead rhwng Gorffennaf 1963 a Medi 1969. Ceir hefyd rhestr swyddogion, 1964 a 1969, cyfrifon, cyfraniadau at yr Eisteddfod a phapurau amrywiol.

Mae'r grŵp yn cynnwys torion a theipysgrifau o golofnau o'r wasg, 1947-1960, ynghyd â thaflenni angladdol, teyrngedau a phapurau cysylltiedig, 1953-2001.

Mae'r ffeil yn cynnwys cofnodion gofalaeth eglwysi Salem, Birkenhead, a Wallasey, 1974-1981, gan gynnwys eglwysi Ellesmere Port, 1981; ynghyd â chofnodion gofalaeth y Glannau: eglwysi Salem, Stanley Road, Waterloo a Wallasey, 1984-1985.

Mae'r grŵp yn cynnwys cofnodion Eisteddfod y G'lomen Wen, 1918-1956, ynghyd â chofnodion Eisteddfod Cymry Birkenhead, 1963-1969.

Mae'r grŵp yn cynnwys cofnodion yn ymdrin â gweithgareddau Cymdeithas Cymry Birkenhead, yn eu plith rhaglenni blynyddol, 1968-2001, rhaglenni cymanfaoedd canu undebol a gwasanaethau o fawl, 1980-2001, rhaglenni cinio dathlu Gŵyl Ddewi, 1983-2001, trefn oedfaon crefyddol, 1983-2001, cylchlythyrau at aelodau'r Gymdeithas, 1969-2000, a chyfrifon ariannol, 1989-2000.

Mae'r gyfrol yn cynnwys toriadau o'r golofn 'Spotlight on Wales in Birkenhead' a luniwyd gan Walter Rees Jones ac a ymddangosodd yn y Birkenhead News rhwng Medi 1947 a Chwefror 1956. Ceir o fewn y gyfrol hefyd ychydig o dorion amrywiol eraill a nifer fechan o lythyrau at W. Rees Jones yn ystod yr un cyfnod.

Mae'r ffeil yn cynnwys llyfr lloffion o deyrngedau i Gymry o ardal Lerpwl a Phenbedw a fu farw rhwng 1955 a 2001, ynghyd â nifer o daflenni angladdol.

Mae'r fonds yn cynnwys cofnodion amrywiol a gasglwyd ynghyd gan Walter Rees Jones (ynghyd ag ambell eitem a etifeddodd oddi wrth ei dad Rees Jones) yn ymdrin â bywyd Cymraeg Birkenhead. Ceir yn eu plith cofnodion eglwysi anghydffurfiol, 1883-1997; papurau'n ymwneud ag eisteddfodau, 1918-1969; cofnodion Cymdeithas Cymry Birkenhead, 1968-2001; a thorion papur newydd a theipysgrifau o'r wasg, 1947-1960, a theyrngedau a thaflenni angladdol, 1953-2001.

Mae'r grŵp yn cynnwys papurau amrywiol, 1883-1997, yn ymdrin â hanes yr achos anghydffurfiol yn Birkenhead.

Mae'r ffeil yn cynnwys copi mewn llawysgrif gan Richard Williams, 1883, 'Ychydig o hanes Dechreuad a Chynnydd achos crefyddol y Methodistiaid Calfinaidd yn Birkenhead'.

Mae'r ffeil yn cynnwys anerchiad a gyflwynwyd i Walter Rees Jones, 3 Ionawr 1930, i gydnabod ei waith fel ysgrifennydd Eisteddfod y G'lomen Wen.

Mae'r ffeil yn cynnwys taflenni angladdol Cymry o ardal Lerpwl a Phenbedw ynghyd â thorion papur newydd a llythyrau a chardiau oddi wrth aelodau o'u teuluoedd.