Dangos 31 canlyniad

Mae'r gyfres yn cynnwys teipysgrifau o gynnyrch Gwobr Goffa Saunders Lewis, gan Angharad Price, enillydd cyntaf yr ysgoloriaeth, 1994-1995, yn dwyn y teitl 'Smentio Sentiment - Beirdd Concrid Grŵp Fiena 1954-1964', a theipysgrif a chopi cyhoeddedig, 1998, o ffrwyth llafur Heather Williams, deiliad un o'r ysgoloriaethau, gyda'r teitl Barddoniaeth i Bawb? Stèphane Mallarmé.

Mae'r ffeil yn cynnwys papurau yn ymwneud â lansio Cronfa Goffa Saunders Lewis ar 18 Medi 1989 yn Swyddfa'r Comisiwn Ewropeaidd, Caerdydd.

Mae'r ffeil yn cynnwys copi o gynllun plât dathlu Pwyllgor Ceredigion y Gronfa Apêl, 1993. Cynlluniwyd y plât gan Peter Lord.

Mae'r fonds yn cynnwys cofnodion cyfarfodydd y Pwyllgor Rheoli a phwyllgor Sir Gaernarfon Cronfa Apêl Saunders Lewis, 1989-2001; llythyron a phapurau amrywiol yn ymwneud â sefydlu a lansio'r Apêl, a llythyron yn ymwneud â threfnu gweithgareddau amrywiol i ddwyn arian i'r Gronfa, 1986-2002; gweithiau creadigol yn ymwneud â'r ysgoloriaethau, 1995-1996; cyfrifon a phapurau'r trysoryddion, 1989-2000; a phapurau printiedig sy'n ymwneud ag elusennau, 1996-2002. Y mae hefyd gopi o gyfansoddiad y Gronfa, 1989, a chopi o ddiweddariad, 1999.

Mae'r gyfres yn cynnwys cyfrifon Pwyllgor Rheoli Cronfa Goffa Saunders Lewis, 1989-2000, gohebiaeth Trysorydd y Pwyllgor Rheoli, 1990-1994, llyfr cyfrifon Pwyllgor Sir Gaernarfon, 1992-1993, a ffeil trysorydd Pwyllgor Sir Gaernarfon, 1992-1995.

Mae'r ffeil yn cynnwys llythyron, Mehefin - Awst 1989, yn ymwneud â sefydlu Cronfa Goffa Saunders Lewis. Ceir hefyd gopïau, yn Gymraeg a Saesneg, o'r weithred o ymddiriedolaeth rhwng y Gronfa a'r Ymddiriedolwyr.

Mae'r ffeil yn cynnwys llythyr i'r Wasg, 1991, yn cywiro camargraff ynglŷn ag Ysgoloriaeth Goffa Saunders Lewis, copi o erthygl ar gasglu elw tuag at yr Ysgoloriaeth a ymddangosodd yn Y Faner, 1990, a chopi o rifyn 3, Mehefin 1993, o Newyddion Prifysgol Cymru, yn rhoi sylw, ar y tudalen flaen, i ddathliad canmlwyddiant geni Saunders Lewis.

Mae'r ffeil yn cynnwys llyfr cyfrifon Pwyllgor Sir Gaernarfon o Gronfa Goffa Saunders Lewis, 1992-1993.

Mae'r ffeil yn cynnwys llythyron a phapurau amrywiol yn ymwneud â phwyllgorau ac is-bwyllgorau ledled Cymru a fu'n gysylltiedig â'r Apêl, megis yr Is-Bwyllgor Drama, Is-Bwyllgor y Cylch Catholig, Is-Bwyllgor Apêl at Ddiwydianwyr, yn ogystal â phapurau'r Pwyllgor Rheoli. Ceir hefyd restrau o gynullwyr Pwyllgorau Apêl, ac enwau'r rhai hynny a fu'n fodlon gweithredu ar y pwyllgorau, a nodiadau ar gyfer sefydlu Pwyllgor Apêl Maldwyn.

Mae'r ffeil yn cynnwys llythyron a chatalog yn ymwneud ag arwerthiant o lyfrau ac eitemau eraill a drefnwyd gan Bwyllgor Apêl Sir Gaernarfon i godi elw tuag at Cronfa Goffa Saunders Lewis, Hydref 23ain 1992. Hefyd, ceir cofnodion yr ail a'r trydydd cyfarfod o'r Gronfa Goffa a gynhaliwyd gan bwyllgor Arfon, 5 Gorffennaf a 6 Medi 1992.

Mae'r ffeil yn cynnwys copïau o'r llythyron apêl, ac atebion, 1989-1993, a yrrwyd at wahanol sefydliadau ac unigolion, fel rhan o'r ymgyrch i godi arian tuag at y Gronfa Goffa.

Mae'r amlen yn cynnwys llythyron, 1991, yn ymwneud â chyngerdd teyrnged a drefnwyd gan Gôr Americanaidd i Dr George Guest ar ei ymddeoliad fel Corfeistr Coleg Sant Ioan, Caergrawnt. Derbyniodd Cronfa Goffa Saunders Lewis swm sylweddol o arian o ganlyniad i'r cyngerdd ar ôl i Dr Guest enwebu elusen o'i ddewis i dderbyn elw'r noson.

Mae'r ffeil yn cynnwys gohebiaeth y Trysorydd, Alun Creunant Davies â Dr Meredydd Evans, Ysgrifennydd, y ddau yn swyddogion Cronfa Goffa Saunders Lewis, ynglŷn â sefyllfa ariannol y gronfa ganolog, 1990-1994.

Mae'r ffeil yn cynnwys llythyron yn ymwneud â chyflwyno rhaglen deyrnged i Saunders Lewis yn y Babell Lên yn Eisteddfod Llanelwedd, 1993, ynghyd â chopi o ddarlith gan Emyr Humphreys yn dwyn y teitl Theatr Saunders Lewis a gyhoeddwyd gan Cymdeithas Theatr Cymru, 1979.

Mae'r ffeil yn cynnwys papurau, y mwyafrif yn lythyron, a hefyd cofnodion pwyllgor a phapurau amrywiol eraill, 1992-1994, Cangen Sir Gaernarfon o Gronfa Goffa Saunders Lewis. Sefydlwyd y gangen yn sgil y cais a gafwyd gan Bwyllgor Rheoli Canolog y gronfa am gefnogaeth gan bwyllgorau sirol i gasglu arian tuag at yr apêl.

Mae'r ffeil yn cynnwys llythyron, 1991, yn ymwneud â chyhoeddi llyfryn dwyieithog ar Saunders Lewis, a chopïau o erthyglau arno a wnaed gan Branwen Jarvis a John Rowlands.

Mae'r ffeil yn cynnwys gohebiaeth gyffredinol, 1989-2002, Pwyllgor Rheoli Cronfa Goffa J. Saunders Lewis, ynghyd â'r llythyr gwreiddiol, dyddiedig 28 Mai 1986, at Mrs Mair Jones, merch Saunders Lewis, yn trafod y bwriad o godi cronfa genedlaethol er mwyn sefydlu Ysgoloriaeth i goffáu ei thad.

Mae'r ffeil yn cynnwys rhestr o noddwyr, 1989-1990, a pheth gohebiaeth.

Mae'r gyfres yn cynnwys gohebiaeth yn ymwneud â'r Apêl, megis llythyron cyffredinol ynglŷn â sefydlu Pwyllgor Rheoli'r Gronfa Goffa; llythyron Pwyllgor Sir Gaernarfon; gohebiaeth y Pwyllgorau ac Isbwyllgorau; llythyron yn ymwneud â threfnu gweithgareddau amrywiol i ddwyn arian i'r gronfa gan gynnwys gohebiaeth â'r noddwyr; papurau yn ymwneud â lansio'r Apêl; a datganiadau i'r wasg er mwyn hysbysebu'r Apêl.